Sitɔɔla 16:21 - mzwDBL

²¹ Filisti tena la lawɔ, dɛ foromi o sibie dɛ kaa o ne Gasa. Ba doo ayaawa jɔɡrɔre dɛ doo dea, dɛ ɡel wɛɛ namɛ kwa.

Sitɔɔla 16:21 Referans Kwoze

Sɛɡla 2:19

Nomɛlbwa waa dɛ la o be aa berɛ dɛɛ ba kpa. Naate aa mkpa ŋwɛnɛ ta chiɡ kpa.

Matiu 24:41

Haahna banɛ ɛɛ pɛo dɛɛ namɛ kwaa nambwe ta, bá ba kpɔ beŋkpoŋ kaa, dɛ́ ɡel bɛl bela.

Aesaya 47:2

Ka namɛ men nam ta, laa kon haa kpɔa bɔle sie la kpɔ, dɛ́ laa yal ɡbaa he hwie ta, dɛ́ jo neerare le a baŋ.

Sɛɡla 14:14

Nɛn waa ɡel wedɛɛɡa ɛɛ dɛ́ dɔ deŋnetɛra, nɛndɛɛɡa ɡe ɛɛ dɔ ba we-ɛɛla kembɔr.

Kaala 11:5

ásɛ dɛ kpoo Ijipt tena bibanloɡla bwa. Dɛ́ le kooro waa soɡe kara ta bibanloɡle nɛ, dɛ́ ba le yomhaah waa lɔ nam ta bibanloɡle nɛ dɛ nae biloɡla.

Sɛɡla 5:22

Nɛnchɔɡe wechɔɡa do kɛŋɔ bel dɛ tɛo, o dichɔɡaa dɛɛ lawɔ.

Yela 149:8

Bá vɔrɔwe ba koranar jɔɡrɔre ne, dɛ́ do kwaa ba nomonjena nakpale.

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

2 Koranar 25:7

Ba kpoo Kooro Sedekia bibaala o siwi ta, dɛ foromi o ɡe sibie, dɛ doo ayaawa jɔɡrɔre, dɛ kpɔɔ kaa Babelɔn.

Nɛra Kura 16:14

Anɔ la aa bera ja laanee kɛŋɔ, he ta ya ne harɛpare ondɛɛɡe la ta balɛ. He ta yaa harɛ ne daa kooni tɛɛ yaa di a ta. Bɛ nepor lɔ ta ya sie ta. Akai, yaa ba!”

Sitɔɔla 16:20

Delaela yerɔ ŋɔ, “Samsen, Filisti tena la pui!” O ir dom ta dɛ lii kɛŋɔ, “Mɛɛ le busee ɡɛ n fa aa dɛ ɛ la, dɛ́ kpɔ n bokpeɡa lɛ n te.” Dɛ o ta jemɛ kɛ Korowii laa nɔn kpɔ o nɛ.

Sitɔɔla 16:22

Baa fonɛ o nyu la habɔɔ, o nyumpona berɔ pa mun dɛɛ moɡɛ ja.

Jeremia 39:7

dɛ foromi Kooro Sedekia sibie dɛ doo ayaawa jɔɡrɔre, dɛ kpɔɔ kaa Babelɔn harɛ ta.

Wiile 5:13

Ba ɛɡre bonɔɔna baa namɛ boyu kɛŋɔ yoma ken, bibaala ɡe che datɔɡa dɛɛ kɛŋle.