Sitɔɔla 16:2 - mzwDBL

² Asɛ nɛra bol bwɛɛ la tena be ŋɔ, “Samsen ba bonɔ!” Anomanta, ba bar bwɛɛ la cheme jwaana la ne dɛɛ kpao bwɛɛ la doonyoa. Ba ta bela leɛ jwaana la ne bwa dɛɛ bol ŋɔ, “Bɔr chaahna binii yaa ba o dɔe dɛ́ kpoo.”

Sitɔɔla 16:2 Referans Kwoze

1 Samoɛl 23:26

Kooro Sɔɔl ne o laa tena kpɔ bwejen la baŋ bɛl dɛɛ kaa, asɛ Devid ɡe ne o nɛra do o baŋ bɛl dɛ ɛ warane dɛɛ nyin ba le Kooro Sɔɔl ne o laa tena be. O ne o nɛra aa dɛ tel Devid ne o nɛra be dɛ laɡ ba la,

We-ɛɛla 9:24

asɛ o no ba waa baa vɔrɔwa la. Dɛ ba dɛ daah bwɛjen la doonyoone chɔɔ ne jwaana bwa dɛɛ nyin bɔr dɛ́ kpoo.

We-ɛɛla 23:15

Anomanta, hé ne Juu tena nomonome baa dɛ bol waa la tomɛ nɛn soojanomonjen la be ŋɔ ó le Pɔɔl tɛ heya, á do kɛŋɔ haa dɛ nyin he kwaa nyiŋi o waa bini kɛrɛdɛ la. Ba dɛ ba o ne naa, waa bonɔɔ tel ya te kpoo.”

Matiu 27:1

Tɔɔ aa pera chɔmbibi la, Korowii Dea Sɔfonomonome bwa ne ba harɛ la nomonome chemo dɛ vɔrɔwe Yeesu kpoe vɔrɔwa,

Matiu 21:38

Nɛra la aa dena na o bie la, ba den ŋɔ, ‘Yoowa, koo te la ɡbaɡba biee la. Hé ɡel ya lawɔ dɛ́ kpoo, ásɛ o mɛɛ kapɛrɛ la bwa berɛ ya kwa.’

1 Samoɛl 19:11

Kooro Sɔɔl tomɛ bonɔɔna ŋɔ bá la Devid dem jwaana ka kpaahno, ásɛ bɔr ne chaahna la dɛ ba kpoo. Kɛ Devid haah Mikal kaoh ŋɔ, “Dɛ he ta bɔr nyine dɛ chwa jwaana nɔ ne naa, tɔɔ ne pera dɛ ba kpoe.”

Sitɔɔla 15:18

Dɛ nyɔɡre dɛ kpoo kohona, anomanta, o wio no Korowii ŋɔ, “N Naa Korowii, henee tɛ men maa ɛ he bonɔɔ kpeɡri n won ɛ wejena nɔ dɔŋ dɛ pɔ n dɔma nɛ, asɛ nyɔɡre ɛɛ kpo mɛ. Ń sewɛ voɡtoroma nɔ nɔn ta naa?”

Amanesoma Luk Aa Chwera Tɔn 21:20

Yeesu berɔ ŋɔ, “He baa na kɛŋɔ soojare bar Jerusalam cheme aa, amɔ te hé jemɛ kɛŋɔ o paɡra telo.

Sitɔɔla 16:3

Samsen chɔ bela ka tel harambaŋa ɡbo. Asɛ o ir dɛ ka lawɛ bwɛɛ la doonyoa ɡbeni, dɛ laa a daa ne buni baa kpɔa karɔ la bwa huɡri dawɛ o vam ta, dɛ kpɔ kaa deŋɡare bɛl waa chaɡɛ Hɛbrɔn ta.