Sitɔɔla 16:18 - mzwDBL

¹⁸ Delaela nao kɛŋɔ o bol o kasinteŋ bwa baɡlo, anomanta, o tomɛ nɛra ba ka ŋɔ Filisti tena nomonome la be ŋɔ, “Name te hé den ba kerabeŋkpoŋ. O baɡ mɛ o kasinteŋ bwa.” A ɡelɔ anɔ te, ba kpoŋe suuɡapoŋa la dɛ la.

Sitɔɔla 16:18 Referans Kwoze

1 Timoti 6:10

Suuɡa nyin kohona taa wechɔɡa bwa soo siwi ɛɛ le. Bane teŋɛ suuɡa nɛɛ kohona dɛ nyoɡre Korowii ŋwɛnɛ, dɛ ɡel suna dii berɛ ka ba name.

Matiu 26:15

dɛ ka pɛɛ ba ŋɔ, “Dɛ n ba Yeesu ne ba tɛ heyaa aa, aŋwɛnɛɛ hɛɛ ba n tɛɛ yɔ?” Anee Sɔfonomonome la kure suuɡapoŋa fifraatoro do o nɔn ta.

Sitɔɔla 16:5

Filisti nomonome la la haah la be ŋɔ, “Takapɔ dɛ tao baradeɛre, ásɛ o baɡle o bokpeɡa kohona waa dɔa nɔ mun, ne ɡɛ yaa dɛ ba wona pɔ o nɛɛ dɛ́ won vɔrɔwo o sɔɔh. Ya bini bɛlbwa fe ɛɛ tɛɛ suuɡapoŋa kaɡboŋ dɛ lafaa.”

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Sɛɡla 18:8

Nɛn ŋwala som, a do kɛŋɔ kondikonsoma aa dɛ jo tea.

Yela 62:9

Nɛwɛnyina bwa do kɛŋɔ nyoa peu ken, nyaara ne kondɔɔhna bwa kɛrɛdɛ. Dɛ ba kpɔ ba dawɛ kon baa kpɔa dɛɛ kari kwaa ta naa, ba fɛɡre dɛ ɡwaa nyoa peu ɡba.

1 Koranar 21:20

Kooro Ahab na Elaeja dɛ ŋɔ o be ŋɔ, “N dɔm, he na mɛ.” Elaeja ŋɔ, “Gɛɛ, he ta he nyu dɛ ɛ wechɔɡa Korowii siwi ta.

Nɛra Kura 22:7

Ate, Moab nomonome ne Midian nomonome la kpɔ suuɡa baa kpɔ ka tomɛ toma la kaa. Baa la Balam be la, ba bol waa Kooro Balak aa ŋɔa la.

Sitɔɔla 16:17

Anomanta, Samsen bol o tea bini waa bwa chaɡlo ŋɔ, “Ba ta fon kpɔe fonɛ n nyu bwa. Nasiri tee men. Korowii lee mɛ cheɡ tɛ o te, dɛ le n lola saŋ bwa. Ba fonɛ n nyu aa, n bokpeɡa maa dɔa nɔ bwa dɛ ba tona n ɡwɛɡre kɛ baa bɛlbwa ken.”

Sitɔɔla 16:19

Haah la ɡbɛɡbɛ Samsen o chɔ dom dawɛ o nakpale ta. Asɛ o yerɛ baa bɛl o ba fonɛ o nyumpona baa pɛra anuanɛ la. Belaa o pa mun ɡwɛɡre, o bokpeɡa la bwa tonɛ.