Sitɔɔla 16:15 - mzwDBL

¹⁵ Anee o ŋɔ Samsen be ŋɔ, “Ɛrɛɛ he ŋɔ he dɛ nyin mɛ, dɛ haa he tea bini waa n be bol nɔɔ? Tooro tenaa he ta na dɛɛ ɛɛ mɛ ɡɛne, haa wola men he bokpeɡa haa dɔa kohona nɔ mun baɡlɛ la.”

Sitɔɔla 16:15 Referans Kwoze

Sitɔɔla 14:16

Samsen haah la kpɔ wii la o be ka ŋɔ, “He hah mɛ, haa men nyin. He tɛ n nɛra wobobeele kɛ he ta men a mun baɡlɛ.” Anee o ŋɔ, “N ta n nya ne n mɛɛ ɡba baɡlɛ. Ɛrɛ waa mɛɛ baɡle he te nɔ?”

1 Jɔn 5:3

Dɛ ya dɛ teŋɛ waa Korowii aa kpɔa tɛ yaa ta naa, anee dɛ́ baɡle kɛŋɔ ya dɛ nyinu. O waa la ta teŋa ɡe aa kpeɡe kohona tɛ yaa,

Amanesoma Jɔn Aa Chwera Tɔn 15:10

He dɛ teŋɛ waa maa kpɔa tɛ heyaa la ta naa, haa he tenee laa kpɔ n nyina maa dɛ nyin heyaa la ta, kɛŋɔ maa teŋɛ waa n Mɛɛ aa kpɔa tɛ mɛ la ta maa wola n te laa kpɔ o nyina ta la.

Amanesoma Jɔn Aa Chwera Tɔn 14:15

Yeesu berɔ ŋɔ, “He dɛ nyin n wa aa, hɛ́ɛ dɛɛ teŋɛ n waa maa kpɔa tɛ heyaa la taa.

Sɛɡla 23:26

N bie, cheɡ deŋne kɛrɛdɛ, ásɛ dɛ kpɔ n da.

Sɛɡla 2:16

Wejemaa dɛ won lɛɛ le hanjwamane nɔn ta, haah waa kpɔ wobosoma kaa he ne wechɔɡa ta.

2 Samoɛl 16:17

Anee Absalɔm bɔɔ Husai ŋɔ, “He nyina haa dɛ chaɡle he dam Kooro Devid nɛɛ nɔ naa? Ɛrɛɛ he ne waa wola kaalɛ ɔ?”

Mmarare 6:5

Hé nyin Korowii he bambile bwa, he hweera ne he bokpeɡa bwa ne.

Mumpar 29:20

Anomanta, Jekɔb koh Rakɛl waa dɛ ɛ toma tɛ Laban bene anuanɛ. Nyina waa dɛ nyin Rakɛl kohona la ɡelɔ bene anuanɛ la do kɛŋɔ tɔpera tamaa ane ken o be.

Sitɔɔla 16:14

O yerɔ takpeɡ ne ja ŋɔ, “Samsen, Filisti tena la dɛ ba he nɛ!” O ir dom ta dɛ tɛr dajeɡa la ne kokorowa kon ne jisere la bwa le.

Sitɔɔla 16:16

Tɔpere bɛlbwaa haah la teŋɛ dɛɛ bɔɔro, a ba le o mee.

Nehemia 6:4

Ba kal mɛ ɡɛ kala nɔ kera anaarɛ, asɛ n ɡe kpɔ a ɡɛ kala la tenten tɛɛ ba.