Sitɔɔla 15:12 - mzwDBL

¹² Ba ɡe ŋɔ o be ŋɔ, “Ya balɔ dɛ́ ba vɔrɔwe, dɛ́ kpɔe ka do Filisti tena nɔn ta.” Ate, Samsen ɡe ŋɔ, “Hé ŋwɛɛ baɡ mɛ kɛŋɔ he ɡbaɡba aa men kpo.”

Sitɔɔla 15:12 Referans Kwoze

We-ɛɛla 7:25

Dɛ Mosis dɛ lii kɛŋɔ o bwɛɛ tena la ɛɛ jemɔɔ kɛŋɔ Korowiirii dɛɛ nyin a che o nɛ dɛ́ lɛɛ ba ta, kɛ ba ta ɡɛ jemɛ.

Matiu 27:2

dɛ vɔrɔwe o nɔɔra, dɛ kpɔɔ ka tɛ Rom nomoa Paelet waa dɛ nyiŋi bela harɛ ta.

1 Koranar 2:34

Asɛ Bɛnaya berɛ la Korowii Tɛnte Dea bela, dɛ ka kpo Joab dɛ kpɔɔ le ka huɡe o ɡbaɡba dem pua hɛŋle ɡbo harɛ la ta.

1 Koranar 2:25

Anomanta, Kooro Solomɔn ɡelɔ Jehoiada bibaa Bɛnaya ka kpo Adonija.

Sitɔɔla 8:21

Asɛ Seba ne Salmuna ŋɔ, “He ɡbaɡba den kpoo yaa, a ta chɛ kɛ he kpɔ nomoa toma tɛ bechala.” Anomanta, o suuhno tel ba be dɛ kpoo ba, dɛ laa kondɛɛɡa baa kpɔ suuɡaswɛm ɛa a do ba nyoɡmare baŋa la foo.

Sitɔɔla 15:11

Ate, Juda harɛ baala kaɡboŋa batoro la Samsen be Etam bwebɔɔ la bɔr dɛ ka ŋɔ o be ŋɔ, “Haa jemɛ kɛŋɔ Filisti tenaa dɛɛ di kpeɡri ya nɛɛ kɛɛ? Ɛrɛɛ he ɛ yaa ken nɔɔ?” Anee o chaŋ ba ŋɔ, “Gɛ baa ɛɛ mɛ la, ɡɛ ɡboo n ɡe ka ɛɛ ba.”

Sitɔɔla 15:13

Ba sɛoh ŋɔ, “Yaa hen kpo. Vɔrɔwaa yaa ba he vɔrɔwa dɛ́ kpɔe ka do ba nɔn ta.” Anomanta, ba vɔrɔwo ŋwɛnfala anɛ ne dɛ le o ne bwebɔɔ la ta kaa.