Sitɔɔla 13:6 - mzwDBL

⁶ Asɛ haah la la o jaa be ka ŋɔ, “Korowii nɛn bɛl ba n be. O le Korowii nyundua torome, o ɔma kɛrɛdɛ. N ta on bɔɔrɛ bela waa lea, o ta men o sɔn ɡe baɡlɛ.

Sitɔɔla 13:6 Referans Kwoze

1 Samoɛl 9:6

Anee bonɔɔ la chaŋe ŋɔ, “Na, Korowii nɛn bɛl lɔ bwɛɛ nɔ ta. O wobɛlbwa waa bol dɛ ɛ kasinteŋ, baa duuru kohona ɡe. Gel ya la o be, o ken ɛɛ won baɡle yaa bela yaa kpɔ dɛ́ na keeɡore nɔ.”

Mmarare 33:1

Gɛ Mosis waa ɛ Korowii nɛn aa swee andɛɛɡa tɛ Israel tena mɔɔ dɛ sewɛ laanee nɔ.

Wepila 1:17

Maa nao la, n cholo chɔ o sie kɛŋɔ serewe ken. O kpɔ o nɔndiɡ dawɛ n nɛ, dɛ ŋɔ, “Bɛ ɔmɛ. Menee komɛlbwa Sitɔɔ ne a Muŋkaa bwa.

We-ɛɛla 6:15

Nomonome la ne nɛra baa lɔ bela la bwa kpɔ sie pa Steeven nɛ. Dɛ o siebɔr dɛ nyɛɡle al-al kɛŋɔ nyundua torome siebɔr ken.

Amanesoma Luk Aa Chwera Tɔn 9:29

A ɡɛ saŋ Yeesu aa dɛ soŋe Korowii la, o siebɔr beɡrɔ, asɛ o laala waa doa la to dɛɛ nyɛɡle al-al ken.

Amanesoma Luk Aa Chwera Tɔn 1:19

Anee nyundua torome la chaŋo ŋɔ, “Menee Gebreɛl maa dɛ che Korowii sie la. Onee tom mɛ ŋɔ ń ba bol Amanesoma nɔ he be.

Daneɛl 10:11

Baa la ŋɔ n be ŋɔ, “Daneɛl, Korowii dɛ nyin he waa taeh. Ir che dɛ́ no waa maa dɛ ba he be bola nɔ kɛrɛdɛ. He bee ba tom mɛ.” Waa bol waa la n be la, n iro che dɛ n bwara ta dɛ sa.

Daneɛl 10:5

N ha sie nyiŋi, dɛ na baa bɛl waa do laalapoŋa, asɛ kiriso baa kpɔ suuɡaswɛm tenten ɛo vɔwɛ o chara.

Daneɛl 8:17

Ate, Gebreɛl ba che bɛne bela maa cheɡa la, asɛ n ɔmɛ kohona dɛ chole kpɔ sie pi harɛ. Anee o ŋɔ n be ŋɔ, “Nɛwɛnyini bie, n dɛ nyin he jemɛ kɛŋɔ wepila nɔ mun dɛ baɡle waa bwa jaɡa saŋ wa.”

2 Koranar 4:9

Haah la ŋɔ o jaa be ŋɔ, “N nao kɛŋɔ baa nɔ waa dɛ ba ya be saŋ bɛlbwa nɔ ɛ Korowii keame tenten.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

2 Koranar 4:16

Elaesa ŋɔ haah la be ŋɔ, “Benanyoa saŋ nɔ dɛ he kpoŋe bibaa.” Haah la ŋɔ, “Akai, n dɔɔ. Korowii keamee hen, bɛ nyosone teŋe tɛ he tolo!”

1 Koranar 17:24

Luhaah la chaŋe Elaeja ŋɔ, “Anɔ taa n jemɛ kɛŋɔ Korowii keamee hen, Korowii waa aa dɛ le he nyoa la ɛ kpela.”

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

1 Samoɛl 2:27

Awola Korowii keame bɛl Korowii aa pili waane bini baɡlo ba sɔfo Eli be dɛ ba ŋɔ, “Waa Korowii aa dɛ bol laanee nɔ, ‘N fa ta n te kpɔe baɡle he naawa kɛrɛdɛ Ijipt harɛ ta ɡɛ saŋ baa lɔ Ijipt kooro lɔɡa la aa?

Sitɔɔla 13:22

Manoa ŋɔ o haah be ŋɔ, “Serewaa yaa ba serewa, dɛkalkɛ ya na Korowii.”

Sitɔɔla 13:8

Asɛ Manoa soŋe Korowii ŋɔ, “N Naa Korowii, n dɛ soŋe, ɡel he torome la ba ya be ja dɛ́ ba baɡle yaa ŋwɛnɛ yaa kpɔ o ta nyiŋi bie yaa dɛ́ ba o lola nɔ.”

Josua 14:6

Awola bɛl, Juda dea tena bane ne Kaleb, baa dɛ yerɛ o mɛɛ Jefune o ɛ Kenis te iro, dɛ la Josua be Gelɡal, asɛ Kaleb ŋɔ o be ŋɔ, “Lii ɡɛ saŋ yaa lɔ Kades Baanea asɛ Korowii bol n ne he waa baɡle Mosis waa ɛ Korowii bonɔɔ waa ya be la.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Kaala 3:2

Belaa Korowii nyundua torome bɛl kpɔ o te baɡlo dawii ane aa dɛ lawɛ nii baah ta. Mosis nao kɛŋɔ nii dɛ le bela, kɛ dɛ dawii la ɡe aa fuh.

Mumpar 32:29

Jekɔb ŋɔ o be ŋɔ, “N poori, chaɡ mɛ he sɔn.” Anee o chaŋe ŋɔ, “Ɛrɛ waa hɛɛ nyin dɛ́ jemɛ n sɔn nɔɔ?” Asɛ o swee andɛɛɡa tɛo bela.

Mumpar 18:2

Abraham ha sie nyiŋi dɛ baala batoro banee ka cheɡa. Waa na ba la, o den ɛ warane dɛɛ chem ba, dɛ ɡuŋ ba harɛ dɛ kpɔ sie pi harɛ,

Sitɔɔla 6:11

Awola bɛl, Korowii nyundua torome baa so dajen bɛl mun bwɛɛ Ofra. Gɛ daa la ɛ Abeɛsa te baa dɛ yerɔ Joas kon. Dɛ o bibaa Gedeɔn sɔɔh dɛɛ lɔ mea daa la mun bobɛl baa dɛ harame daa nɔna baa kpɔa dɛɛ ɛ sen, ásɛ Midian tena la bɛ on na.

Sitɔɔla 13:3

Korowii nyundua torome ba o be ba ŋɔ, “He ɛ hambara, kɛ hɛ́ɛ kpoŋe tea dɛ́ lolɛ bibaa.

Sitɔɔla 13:7

O ŋɔ n be ŋɔ mɛɛ kpoŋe tea dɛ lolɛ bibaa. Anomanta, n bɛ seŋkpeɡa bɛlbwa nyɔ, kɛɛ dɛ di kii kon bɛlbwa, dɛkalkɛ Korowii le bie la cheɡ o lola saŋ bwa, ó ɛ Nasiri te ka tel o serewe wee.”

Sitɔɔla 13:10

Haah la ɛ warane dɛ ka ŋɔ o jaa be ŋɔ, “Baa la waa ba n be awola la balɔ ja!”