Sitɔɔla 13:3 - mzwDBL

³ Korowii nyundua torome ba o be ba ŋɔ, “He ɛ hambara, kɛ hɛ́ɛ kpoŋe tea dɛ́ lolɛ bibaa.

Sitɔɔla 13:3 Referans Kwoze

Amanesoma Luk Aa Chwera Tɔn 1:13

Anee nyundua torome la ŋɔ o be ŋɔ, “Sekaria, dɛɛ berɛ ɔma! Korowii no he wesoŋa. He haah Ɛlesabɛt ɛɛ lolɛ bibaalee tɛɛ, ásɛ he pa o sɔn Jɔn.

Amanesoma Luk Aa Chwera Tɔn 1:11

Belaa Korowii nyundua torome forɛ le ba Sekaria be Korowii Dea bela, dɛ ka che bela waa dɛ fuh daawiile a sɔɔh aa soma la diɡ bɔr.

Sitɔɔla 13:8

Asɛ Manoa soŋe Korowii ŋɔ, “N Naa Korowii, n dɛ soŋe, ɡel he torome la ba ya be ja dɛ́ ba baɡle yaa ŋwɛnɛ yaa kpɔ o ta nyiŋi bie yaa dɛ́ ba o lola nɔ.”

Sitɔɔla 2:1

Korowii nyundua torome le bwɛɛ baa dɛ yerɔ Gelɡal dɛ ba bol waa Bokim tena be ŋɔ, “Menee lɛ heyaa le Ijipt harɛ ta, dɛ ba he ne harɛ maa baɡɛ he naawa nyoa kɛŋɔ mɛɛ kpɔɔ tɛ heyaa la ta la. N bol he be ŋɔ maa fɔo n ne haa fɔwa laanee chɔɡ bwa.

2 Koranar 4:16

Elaesa ŋɔ haah la be ŋɔ, “Benanyoa saŋ nɔ dɛ he kpoŋe bibaa.” Haah la ŋɔ, “Akai, n dɔɔ. Korowii keamee hen, bɛ nyosone teŋe tɛ he tolo!”

Mumpar 18:10

Asɛ baala la bɛl ŋɔ Abraham be ŋɔ, “Benanyoa ne chema saŋ nɔ bɔr ja mɛɛ berɔɔ ba he be. Kɛ n ne bala la, dɛ Saara lolɛ bibaa dawɛ o nakpale ta.” Dɛ Saara ɡe soɡe tɛnte dea la doonyoa Abraham habɔɔ dɛɛ no a bwa.

Mumpar 17:16

Mɛɛ tɛo hɛɛraa, ásɛ o lolɛ bibaa tɛɛ. Mɛɛ ɡeloo o ɛ harɛre nɛra bwa naa, ásɛ ba bini bane ɛ koojena.”

1 Samoɛl 1:20

Gɛɛ a do o kpoŋe tea, dɛ lolɛ bibaa dɛ pa o sɔn Samoɛl, dɛ ŋɔ, “Korowiirii n soŋe o tɛ mɛ.”

Sitɔɔla 13:10

Haah la ɛ warane dɛ ka ŋɔ o jaa be ŋɔ, “Baa la waa ba n be awola la balɔ ja!”

Sitɔɔla 13:6

Asɛ haah la la o jaa be ka ŋɔ, “Korowii nɛn bɛl ba n be. O le Korowii nyundua torome, o ɔma kɛrɛdɛ. N ta on bɔɔrɛ bela waa lea, o ta men o sɔn ɡe baɡlɛ.

Sitɔɔla 6:14

Belaa Korowii ɡbabir ŋɔ o be ŋɔ, “Gedeɔn, menee dɛɛ tomɛ. Kpɔ bokpeɡa haa dɔa la ka lɛ Israel tena le Midian tena nɔn ta.”

Sitɔɔla 13:15

Manoa ŋɔ Korowii nyundua torome la be ŋɔ, “Ya dɛ nyin kɛ he so ka tel kɛ yaa kpo bombie bɛl tɛɛ.”

Mumpar 18:14

Bɔkwa waa kpeɡa men Korowii be maa wola won ɛɔ? Anee n faa bol he be la, benanyoa ne chema saŋ nɔ bɔr n berɛ ba he be la, dɛ Saara dɔ bibaa dawɛ o nakpale ta.”