Sitɔɔla 13:25 - mzwDBL

²⁵ Korowii Doma ɡe baa so o nɛ, dɛ pa mun kpɔɔ dɛɛ ɛ toma ɡɛ saŋ waa lɔ bwɛɛ Mahane Dan, o lɔ Sora ne Ɛstaol baah ta.

Sitɔɔla 13:25 Referans Kwoze

Sitɔɔla 3:10

Korowii Doma baa so o nɛ o ɛ ba sitɔɔ dɛ tɔ ba sie dɛɛ la laa. Korowii tɛo kpeɡri o won ka yo dɛ pɔ Mɛsopoteemea Kooro Kusan Risataim nɛ.

Josua 15:33

Bwɛjena aa lɔ deŋɡarere lɔɡre wee cholibɔr la ɡee Ɛstaol ne Sora dɛ Aasna,

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

Matiu 4:1

Belaa Korowii Domadɛɛɡe la kpɔ Yeesu kaa pua hɛŋle ɡbo harɛ ta, ásɛ Bɔnsam daahno na.

1 Samoɛl 11:6

Sɔɔl aa no waa nɔ la, Korowii Doma baa so o nɛɛ kpeɡri nɛ, asɛ o baah di kohona.

Sitɔɔla 11:29

Anee Korowii Doma ba so Jɛfta nɛ, asɛ o ne o laa tena tawɛ Gelead ne Manasɛ deene harɛre ta, dɛ ba Mispa waa lɔ Gelead harɛ ta la, dɛ le bela ka yo Amɔn tena.

Sitɔɔla 6:34

Korowii Doma baa so Gedeɔn nɛ, asɛ o hoh bɛla dɛɛ yerɛ Abeɛsa tena bá ba teŋɛ o nɛ.

Sitɔɔla 14:1

Awola bɛl, Samsen iro dɛ la Temna, dɛ ka na Filisti tolo bɛl.

Sitɔɔla 14:19

Korowii Doma baa so Samsen nɛɛ dɛ tɛo kpeɡri. O la Filisti tena bwɛɛ Askɛlɔn, dɛ ka kpoo baala fifraatoro, dɛ pa ba laala ba tɛ nɛra baa baɡlo wobobeele la mun la. O baah diu kɛrɛdɛ, o chiɡ ŋwɛnɛ ta kaa o bwɛ o mɛɛ be.

Sitɔɔla 18:2

Anomanta, Dan dea tena tomɛ laa tena banue le bwɛɛre Sora ne Ɛstaol ŋɔ bá ka sɔh ɡaaɡe harɛ la ta dɛ́ na ɡɛ waa doa. A ɡɛ laa tena nɔ cheɡɔ tɛ Dan dea tena bwa. Ba ŋɔ ba be ŋɔ, “Hé ka ɡaaɡe harɛ la dɛ́ na ɡɛ waa doa.” Ba jo Efrem dea tena deŋɡarere harɛ ta, dɛ ka le Maeka dem dɛ chɔ bela.

Josua 19:41

Bwɛjena aa lɔ ba harɛ ta laanee, Sora ne Ɛstaol dɛ Ir Sɛmɛs,

Sitɔɔla 16:31

Asɛ o dɔɔranar ne nimanar ne o mɛɛ nɛra bwa la ka kpɔ o lale, dɛ ba o ne dɛ ba pili bɔɔ baa huɡe o mɛɛ Manoa o bini la ta dɛ huɡo. Lalbɔɔ la lɔ bwɛɛre Sora ne Ɛstaol baah ta. Samsen tɔ Israel tena sie bene fifraanɛ.