Sitɔɔla 13:14 - mzwDBL

¹⁴ O bɛ ɡrepo nɔn komɛlbwa di, á ba ɛ kɛŋɔ wɛɛ nyɔ seŋkpeɡa bɛlbwa kɛɛ wɛɛ di kii konee. A chɛ kɛ ó ɛ anɔ la bwa maa doo la.”

Sitɔɔla 13:14 Referans Kwoze

Amanesoma Jɔn Aa Chwera Tɔn 2:5

O nya berɔ ŋɔ bonɔɔna baa dɛ do sene la be ŋɔ, “Dɛ o baa ŋɔ hé ɛ wobɛlbwa naa, hé ɛ.”

Mmarare 12:32

Hé do sie dɛ́ ɛ waa maa do heyaa a ta nɔ, he bɛ waane kpɔ ja a ta, he bɛ ane ɡe laa kpɔ le a ta.”

2 Tesalonika 3:4

Yaa dɛ yarada ya Dɔɔ la waa ya won dɛɛ yarada he ɡe kɛŋɔ he dɛ teŋɛ ɡɛ ya fa aa baɡle heyaa la ta la, dɛ berɛ dɛɛ yarada heyaa kɛ hɛɛ kpoŋe ɡɛ ya fa aa bol he be laanee dɛɛ la.

Sitɔɔla 13:4

Taraken, nyiŋi he te kɛrɛdɛ dɛ bɛ seŋkpeɡa bɛlbwa dɛɛ nyɔ, bɛ komɛlbwa waa ɛ n kii kon ɡe di.

Amanesoma Jɔn Aa Chwera Tɔn 15:14

He dɛ teŋɛ n waa maa kpɔa tɛ heyaa la ta te naa, amɔ dɛ n daamanaree heya.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Sitɔɔla 13:7

O ŋɔ n be ŋɔ mɛɛ kpoŋe tea dɛ lolɛ bibaa. Anomanta, n bɛ seŋkpeɡa bɛlbwa nyɔ, kɛɛ dɛ di kii kon bɛlbwa, dɛkalkɛ Korowii le bie la cheɡ o lola saŋ bwa, ó ɛ Nasiri te ka tel o serewe wee.”

Nɛra Kura 6:4

Le saŋ la waa ɛ Nasiri te la, komɛlbwa baa chaara le ɡrepo daa ta la, o nɔn oo, o bi oo, o pɛɡ oo, ó bɛ di.

Jeremia 35:6

Belaa ba chaŋe ŋɔ, “Yaa sen nyɔ, ya nabaa Jonadab waa ɛ Rekab bibaa do yaa ŋɔ, ya ne ya naanar bɛlbwa ta chɛ kɛ ya nyɔ sen bwa.

Nɛra Kura 6:2

ó bol Israel tena be ŋɔ, “Dɛ haah kɛɛ baa dɛ nyin kɛ o baɡɛ nyoa dɛ́ kpɔ o te tɛ men Korowii kɛŋɔ Nasiri te aa,