Sitɔɔla 10:7 - mzwDBL

⁷ o baah di ba nɛ. O kpɔ ba do Filisti ne Amɔn tena nɔn ta,

Sitɔɔla 10:7 Referans Kwoze

Sitɔɔla 2:14

Korowii baah aa di Israel tena nɛɛ la, o ɡelɔ nɛra ba lɔ tɔ ba nɛ, dɛ pa ba laala bwa kaa kɛŋɔ laa ta kwa. O berɔ kpɔ ba do ba dɔma baa soɡa bar ba la nɔn ta, baa di kpeɡri ba nɛ ba lɛ ba te kahonɛ.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Neehum 1:2

Korowii dɛ mee, dɛ ɡel o dɔma wechɔɡa ɛɛ ɡure ba nɛ. O baah dɛ di ba nɛɛ wɛɛ bɔ ba kem bwaawee ne, dɛɛ tɛr banɔ la baa haoh deŋne. O teŋɔ kpɔ o bandia dɛɛ ta o dɔma nɛ.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Yela 74:1

N Naa Korowii, ɛrɛɛ he den vɛh yaa kwaraa ɡɛ nɔɔ? Saŋ besoo hɛɛ nyin he baah di he ɡbabir nɛra nɛɛ ka tel ɔ?

Yela 44:12

He yoɡ yaa tɛ ya dɔma pɛɛpɛɛ, he ta komɛlbwa dɔe le a ta.

Sitɔɔla 4:2

Anomanta, Korowii kpɔ ba do Keenan Kooro Jabin waa di kora bwɛjen Hasɔ nɔn ta. Kooro Jabin laa nomoa sɔne Sisera, dɛ so bwɛɛ Harɔsɛt Haɡoyim ta.

Sitɔɔla 10:8

ba yoo ba a bena la, dɛ den pɔ ba nɛɛ kwaraa. Ba ɛ Israel tena la bwa baa lɔ Jɔɔdan Moo wee leebɔr, dɛ do Gelead harɛ o fa aa ɛ Amɔre tena la harɛ hɔhɔrɔwa bene fi dɛ anuatoro.

Sitɔɔla 6:1

Israel tena berɔ ɛ wechɔɡa dɛ jo Korowii nɛɛ ja, asɛ o kpɔ ba do Midian tena nɔn ta ba di kpeɡri ba nɛɛ bene anuanɛ.

Sitɔɔla 13:1

Israel tena ɛ wechɔɡa dɛ jo Korowii nɛɛ ja, anomanta, o kpɔ ba do Filisti tena nɔn ta ba fiɡ ba bene fifraanaarɛ.