Hosia 9:17 - mzwDBL

¹⁷ Korowii maa dɛ tomɔ la vɛɛh ba, dɛkalkɛ ba ta o waa ta teŋɛ. Baa dɛɛ ɡaaɡe harɛre taa, baa bɔree dɔ so.

Hosia 9:17 Referans Kwoze

Hosia 7:13

Bá bwɛɛlɛ! Ba vɛɛh mɛ dɛ berɛ habɔɔ kpo mɛ. Waa dawɛ ba nɛ, ba ɛ deŋnekpeɡ n nɛ. N pɛla lole kɛŋɔ n fee lɛɛ ba, kɛ ba teŋe nyosone dawɛ n nɛ.

We-ɛɛla 3:23

Nomɛlbwa waa wola o wobol noɛ la, baa pero le Korowii nɛra binii dɛ́ kpoo!’

Sekaria 1:4

He bɛ ɛ kɛŋɔ he naawa. Banee n keamere baa tɔ sie la bol n waa ba be ŋɔ bá charɛ ba liire le ba wechɔɡa ne wedoŋa ta, kɛ ba ta n be noɛ, kɛɛ dɛ kpɔ duure tɛ mɛ la.

Maeka 7:7

Kɛ n te, n dɛ hwɛɡɛ dɛɛ nyiŋi Korowii ŋwɛnɛ. Korowii waa ɛ n Lɛɛ laanee mɛɛ kpa, wɛɛ no n bee.

Aesaya 48:18

Dɛ he fe cheɡ deŋne n waa ta naa, he fe dɔ deŋnesɔɔhna kɛrɛdɛ, kɛŋɔ nenabɔɔ waa wola hweeh bwa, dɛ́ dɔ kpeɡri kohona kɛŋɔ mpo nehɛma ken, dɛ́ won wobɛlbwa ɛɛ á toɡre.

Emɔs 9:9

Mɛɛ bol waa ásɛ dɛ yiiɡi Israel tena harɛre nɛra bwa bini, kɛŋɔ baa dɛ ɡboo boyu beŋkpoŋ ɡba aa wola harɛ le la.

Hosia 4:10

Hɛɛ di kondikwaa, kɛ haa vaɡɛ, dɛ́ bɔ jwamane, kɛ he mun aa ya bwa, dɛkalkɛ he vɛh men Korowii dɛ kpɔ he te tɛ voɡa ane.

Aesaya 7:13

Ate, Aesaya chaŋe ŋɔ, “Kooro Devid naanar, hɛ́ɛ no. Hae haa dɛ ha nɛra ba mee le ta maɡrɛ, asɛ he berɛ dɛɛ nyin he ha Korowii ɡe naa?

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Yela 31:14

Kɛ n Naa Korowii, henee mɛɛ yarada, henee Korowii maa dɛ tomɛ.

Nehemia 5:19

N Naa Korowii maa dɛ tomɛ, lii n wa, dɛ́ ɛɛ mɛ kɛrɛdɛ, waa bwa maa ɛa tɛ nɛra nɔ wa.

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

2 Webena 18:13

Anee Korowii keame Mikaya chaŋe ŋɔ, “N ŋwɛɛ Korowii waa lole kɛŋɔ, mɛɛ bol waa Korowii maa dɛ tomɔ aa ŋɔa ń bol o bee.”

Mmarare 32:26

N fe ŋɔ mɛɛ lɔ he bwaa peɡre, ásɛ nomɛlbwa bɛ he waa lii kpa.

Jems 1:1

Men Jems maa ɛ Korowii ne ya Dɔɔ Yeesu Kristo bonɔɔ laanee chwerɛ tɔn nɔ dɛɛ tɛ he Israel deene fi dɛ anɛ tena haa lɔ bobɛlbwa la. N dɛ na heya.

Felepae 4:19

N Naa Korowii ɛɛ cha heyaa komɛlbwa haa nyaa la taa dɛ le o kondɔɔh tenten la ta, pɛɛ he ne Yeesu Kristo aa pɛa la wa.

Amanesoma Jɔn Aa Chwera Tɔn 20:28

Asɛ Tɔmas ŋɔ, “N Dɔɔ, n Korowii!”

Amanesoma Jɔn Aa Chwera Tɔn 20:17

Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”

Amanesoma Jɔn Aa Chwera Tɔn 7:35

Anee Juu tena nomonome la bɔɔ dɔŋa ŋɔ, “Amɔ leperaa baa nɔ ɛɛ nyin kaala ásɛ yaa wola on ba na kpa nɔɔ? O ken ɛɛ kaa Juu tena baa jo pua ka so Grik tena harɛ ta la bee, dɛ́ kaa chaɡle Grik tena o waa la kɛɛ?

Emɔs 8:2

Asɛ o bɔɔ mɛ ŋɔ, “Bɔkwaa hɛɛ na nɔ?” N chaŋe ŋɔ, “N na wɛɡrɛ daa nɔna aa bea do o bini.” Ate, Korowii ŋɔ n be ŋɔ, “N nɛra Israel tena tɔpere telo kɛ n tɛr ba deŋne, maa ba bwaraa kpɔ kɛ ba kpa.

Jeremia 6:30

Baa dɛɛ yerɛ n nɛra sɔnee ŋɔ suuɡapoŋa aa wola tɔnɔ dɔe, dɛkalkɛŋɔ n vɛɛh ba. Men Korowiirii bola.”

Mmarare 4:25

Dɛ he kaa so harɛ la ta biɡri dɛ loɡle bii ne naanar aa, he bɛ ɡel he pɛla ba dɔ voɡa toma he ɛ wechɔɡa. A ɛ wechɔɡa Korowii be, dɛ ɡel o baah ɛɛ di.

Mmarare 4:27

Korowii dɛ́ ba heyaa lɔe peɡre ja harɛre ta, he bini tama banee dɛ́ ba ka.

Jeremia 7:13

Hé taa dɛ ɛ wechɔɡa nɔ la, men Korowii bol he be keraŋwɛnɛ bwa, kɛ he vɛh n be noe. N yerɛ heya, kɛ he ta men chaŋɛ.

Jeremia 7:15

Mɛɛ doŋi heyaa le n sie ɡɛ maa doŋi Israel tena baa ɛ he lolanar bini bane la. Men Korowiirii bola.”

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.