Hosia 7:5 - mzwDBL

⁵ Kooro tɔpejen bɛl dii ta la, nomonome la nyɔ sen dɛɛ, asɛ kooro ne sennyɔɔra la dɛɛ, dɛɛ ɛ ɡɛnewa.

Hosia 7:5 Referans Kwoze

Aesaya 28:1

Israel harɛ bwɛɛlɛ! O jirima dɛ dime kɛŋɔ kwaa fee aa lɔ sitɔɔla baa ɛ sennyɔɔra kooɡbɛrɛre ta dɛɛ lee la. Ba nyuune baa ɡɔɔra dɛɛ valɛ sɔɔh konsɔɔhsoma, kɛ ba dɛɛrɔ chɔ.

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

Amanesoma Mak Aa Chwera Tɔn 6:21

Tɔpere aa tela kɛ kooro la di o lola tɔpere la, o ɛ kondikwaa dɛ yawɛ sene dɛ hɛlɛ, dɛ lɛ o koranar baa sawɔ ne Galilia nomonome bwa sie.

Matiu 14:6

Awola bɛlee kooro la ɛɛ di o lola tɔpere, asɛ Hɛrɔdeas bihaah ba sa baɡle nɛra la bwa. O sae la ɡelɔ kooro la sie lɛ.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Sɛɡla 20:1

Sen nyɔe kohona ɡelɔ nɛn ɛɛ do ɡbɔɡa dɛɛ ɡɛn. Nomɛlbwa waa kpɔ a nyɔe berɛ o toma la ta liire dɔe.

Sɛɡla 13:20

Kpɔ he te pɛl wejereme ásɛ dɛ jemɛ wa, kɛ nɛn o ne ɡɛne aa pɛa la, o dɛ na wahala.

Yela 69:12

Ba dɛ bol n waa fɔɡbaahna, sennyɔdɛɛra kpɔ mɛ dɛɛ ɡo yela.

Yela 1:1

Nɛra baa wola nɛnchɔɡa we-ɛɛla ta teŋɛ, baa wola waa wechɔɡ-ɛɛra aa dɛ ɛ ɛ, kɛɛ baa wola banɔ la baa dɛ mamɛ Korowii nɛɛ jae la, ba na som.

1 Koranar 13:4

Kooro Jɛroboam aa no waa Korowii keame la aa bola la, o cheɡɛ kon la bɔr dɛ tɛr o nɔn pa Korowii keame la nɛɛ dɛ ŋɔ, “Hé lawɔ.” Buɡ la ta, nɔn waa tɛra pa Korowii keame la nɛɛ la ka ɡɛ, o ta wone ba o ne harɛ kpa.

Mumpar 40:20

A habɔɔ tɔpetooro wee la, kooro la dɛ di o lola tɔpere, asɛ dɛ yerɛ o nomonome bwa. O le o sendoola nomoa la ne paanowɔɔra nomoa la, dɛ kpɔ ba ba o nɛra la sie.

Aesaya 28:14

Anomanta, he sitɔɔla haa dɛ nyiŋi Jerusalam tena nɛɛ he siwi aa wola nɛn tɔɡɛ, hé no waa Korowii aa dɛ bol.

Hosia 7:3

Ba nyubinikpeɡ we-ɛɛla dɛ lɛ kooro sie, ba nomonome ɡe sie ɛɛ lɛ nyosone baa dɛ teŋe ta.