Hosia 6:7 - mzwDBL

⁷ Ba chɔɡ n ne ba fɔo la kɛŋɔ bobɛl baa dɛ yerɛ Adam ken. Ba le n habɔɔ harɛ la ta.

Hosia 6:7 Referans Kwoze

Hosia 8:1

Korowii ŋɔ Israel tena be ŋɔ, “Hé hoh laa bɛla. He dɔma dɛ ba he nɛɛ kɛŋɔ kee aa le nyundua dɛɛ tu la, chɔɡa haa chɔɡ n ne he fɔo, ne deŋnekpeɡ haa ɛa men Mmarare ta la wa.

Hosia 5:7

Ba waa ta kasinteŋ dɔe tɛ mɛ, ba le n habɔɔ, sɛmbii ɡboo baa loɡle. Ba Korobifala Tɔpejena dii, ɛɛ chɔɡ ba ne ba kooni bwaa.

Jeremia 9:6

Jeremia, nyosonteŋna binii he so, ba nyosone teŋa nomanta, ba vɛɛh mɛ kɛ menee Korowii baa dɛ tom mɛ. Men Korowiirii bola.”

Job Tɔn 31:33

dɛ n tɔ n wechɔɡa ta ɡɛ bane aa dɛ ɛ, a do n bambile bini,

Mumpar 3:11

Anee Korowii pɛɛro ŋɔ, “Umee ŋɔ he be ŋɔ he cheɡɛ mumɡbal ɔ? He di daa la maa kaeh ŋɔ he bɛ o nɔn di la kɛɛ?”

2 Koranar 17:15

Ba vɛh waa Korowii aa do ba a ta la, dɛ vɛh fɔo o ne ba naawa aa fɔwa, ne kaeh waa kah ba la. Ba teŋɛ voɡa aa ɛ konsale nɛ, dɛ ɡbabir ɡe ɛ nɛnsale. Ba chaa harɛre aa bar ba la nɛra nawee we-ɛɛla, dɛ kpɔ ba da. Dɛ Korowii ŋɔ ba be ŋɔ, “He bɛ ɡɛ baa dɛ ɛ la ɛ.” Kɛ ba ɡarɔ ɛ ɡɛ Korowii aa kah ba ŋɔ ba bɛ ɛ la.

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

Hibru 8:9

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ. Anomanta, n ɡe laa sie kpɔ ba nɛ.

Jeremia 31:32

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la, aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ.

Jeremia 5:11

Israel ne Juda tena bwa waa ta kasinteŋ dɔe tɛ mɛ kwaraa. Men Korowiirii bola.”

Jeremia 3:7

Israel tena do kɛŋɔ hanjwamane ken. N liiro ŋɔ anɔ baa ɛa nɔ bwa habɔɔ baa berɔɔ ba n be, ba dɔŋa Juda tena ɡe ɡba nao.

Aesaya 48:8

N jemɔ kɛŋɔ he waa ta kasinteŋ dɔe, he ɛ nɛra bane baa jema kɛ ɡaeh tenaa heya. A waa haa wola waa nɔ bwa no la.

Aesaya 24:16

Yaa no yelaa le harɛ jaɡa bwa bá ɡo yela dɛɛ kpɛɛ ŋɔ, “Hé ɡel Korowii O Wa Aa Toɡra la dɔ sɔn!” Anee n ŋɔ, “A tonɔ, a tonɔ! N dɛ ɡwaŋɛ! Banɔ la baa dɛ neɡre nɛra ta nao dɛɛ neɡre.”

Aesaya 24:5

Harɛ ta nɛra siwi ta Korowii waa la sui, ba vɛh o Mmarare dɛ chɔɡ fɔo o ne baa fɔwa ó chɔ le saŋ bɛlbwa dɛɛ la, dɛ kpɔ doŋa kah harɛ.

Tɔn Pɔɔl Aa Chwerɛ Rom Tena 5:14

Kɛ le Adam bere saŋ la ba le Mosis bere saŋ la, dɛ seo chɔ le tɛ nomɛlbwa. Hale nɛra ba fa aa wola Korowii nyoa vɛɛh kɛ Adam la bwaa fa dɛ serewe. Adam chaaree naate ba fa aa ŋɔa o dɛ ba bala la. Onee Yeesu Kristo.

Jeremia 34:18

Baala baa wola n ne ba fɔo yaa fɔwa ta teŋɛ la, mɛɛ ɛɛ baa kɛŋɔ ba yon fɔwɛ fɔo dɛ́ pere nabale bini anɛ, ásɛ dɛ valɛ kpɔ o baah ta kaa la ken.

Mmarare 31:20

Dɛ ŋɔ, Mɛɛ kpɔ baa kaa harɛpare ondɛɛɡe maa baɡɛ ba naawa o waa la ta. Baa dɔ kondikwaa bɛlbwa baa dɛ nyinii dɛ́ di ba bwara sɔɔh ba. Kɛ ane a bwa, baa ka le n habɔɔ, dɛ́ ka tomɛ voɡa. Baa vɛɛh mɛɛ dɛ́ chɔɡ fɔo n ne baa fɔwa la.