Hosia 4:6 - mzwDBL

⁶ N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Hosia 4:6 Referans Kwoze

Aesaya 5:13

He waa mun bɛ noe nomanta, baa lawɛ heyaa kaa harɛfale bɛl taa, dɛ kaa do heya. Lɔr ɛɛ kpo he bini banɔ la baa chɔ he nyoa bá serewe, ásɛ dansaara haa ka la, nyɔɡre kpo heyaa he serewe.

Sɛɡla 19:2

Aa were kɛŋɔ nɛn nya wejema, ɡɛɛ dɛ haa waa bini nyiŋi dɛɛ ɛa warawara ɡe aa, hɛɛ ɛ wechɔɡa.

Hosia 6:6

He dɛ na dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ. Men Korowii jema hiah mɛ ɡwaa sarahare ɛɛ dɛ́ fuah.

Hosia 4:1

Korowii ŋɔ o ne Israel tena dɔɔ, dɛ ŋɔ bá no waa waa dɛ bol. O ŋɔ, “He waa ta kasinteŋ dɔe, he ta nyina ɡe dɔe, haa men jemɛ harɛ nɔ ta.

Matiu 15:8

‘Nɛra nɔ te, nyoa ɡbo nee baa duu mɛ, kɛ ba tea bini te ta toe.

Hosia 8:14

Israel tena ma kooderemi, dɛ soh men Korowii maa ta ba wa. Juda tena ma dekpeɡa bwɛjena ta taeh. Kɛ mɛɛ kpɔ niinii ba ta ba bwɛjena ta, ásɛ a fuh ba dekpeɡa bwa.”

Aesaya 17:10

Israel tena, he liire le he Lɛɛ Korowii nɛ. Onee Bwetal haa kpɔ he te marɔ wɛɛ tɔ heyaa ɡbemɡbe la, kɛ he soh o wa. He du dadɛɛɡa bodɛɛɡa, dɛ kwaa bela dɛɛ tomɛ harɛre voɡare.

Jeremia 2:8

Sɔfore ɡba ta bɔɔrɛ ŋɔ, ‘Leperaa Korowii dɔɔ?’ Nɛra baa dɛ baɡle me Mmarare ɡba ta men jemɛ. Nomonome la bwa ɛ deŋnekpeɡ dɛ vɛɛh mɛ. N keamere bol waa voɡ Baal sɔn ta, dɛ kaa teŋɛ voɡa aa wola tɔnɔ bɛlbwa dɔe nɛ.

2 Webena 15:3

Israel tena soɡo la sie baa wola kasinteŋ Korowii tomɛ. Ba ta sɔfore dɔe bá baɡ ba wa, baa Korowii Mmara ɡe jemɛ.

Hosia 13:6

Maa tɛ heyaa kondikwaa he di la, he vaɡrɔ, haa vaɡra la, he ɛ mbarafo asɛ dɛ soh n wa.

Aesaya 1:3

Nao jemɛ o dɔɔ, asɛ keeɡo jemɛ kon o dɔɔ aa kpɔ kondikwaa do o bini dɛɛ tɛo. Kɛ n nɛra Israel tena te aa men jemɛ, baa waa mun no.”

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Job Tɔn 36:12

Kɛ dɛ baa no aa, baa kpoo ba keri nee, dɛ ba ta wejema dɔe.

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Aesaya 3:12

Toli ne bonɔɔna dɛ fiiɡi n nɛra. Haahnaa dɛɛ nyiŋi ba nɛ dɛɛ do ba. N nɛra, he sitɔɔla ɡelɔ he nyoɡre. Ba ɡelɔ he nyoɡre ŋwɛnɛ.

Yela 119:139

N baah dɛ fuh kohona kɛŋɔ nii ken, dɛkalkɛ n dɔma laa sie kpɔ he webaɡla ta.

Yela 119:61

Hale nɛnchɔɡa har mɛ bela kwaraa naa, maa he Mmarare laanee soh bwa.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

Hosia 8:12

N chwerɛ waa taeh, dɛ le me Mmara la bini tɛɛ ba, kɛ ba liira harɛ bɛl ta wa.

Hosia 8:1

Korowii ŋɔ Israel tena be ŋɔ, “Hé hoh laa bɛla. He dɔma dɛ ba he nɛɛ kɛŋɔ kee aa le nyundua dɛɛ tu la, chɔɡa haa chɔɡ n ne he fɔo, ne deŋnekpeɡ haa ɛa men Mmarare ta la wa.

Hosia 4:12

Daa baa teŋa ɛ voɡa taa baa la dɛ kaa bɔɔ ba nyuune wa, ásɛ daa la ɛɛ bol waa ba be. Ba laa ba te kpɔ men Korowii baa dɛ tom mɛ nɛ, kɛŋɔ hanjwamane dɛ kaa tomɛ voɡa ane.

Hosia 2:13

Mɛɛ tɛr o deŋnee, tɔpera waa fuh daawiile a sɔɔh aa soma tɛ voɡa Baalre la, ne suuɡaswɛm nɔnloɡa, ne baŋa kwa dɛ noniseɡa waa doa dɛ teŋɛ o sɛnanar nɛɛ dɛ soh n waa la wa. Men Nemenɛ Korowiirii bola.

1 Samoɛl 2:12

Dɛ sɔfo Eli bibaala nyu bini kpeɡri, baa Korowii ɔmɛ.

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 28:7

Hale Korowii keamere ne sɔfore la dɛ nyɔ sen dɛɛ yɛɛɡe. Ba nyɔ seŋkpeɡa dɛɛ kɛŋle dɛ wili. Keamere la seŋkpeɡa nyɔe kohona ɡelɔ waa Korowii aa ɡela baa naa chaahna ta la, baa a bini nae dɛɛ baɡle. Sɔfore la ɡe wili waa bola dɛ́ pa bole aŋwɛnɛ ta.

Matiu 1:6

asɛ Jese lolɛ Kooro Devid. Kooro Devid lolɛ Solomɔn. Solomɔn nyaa haah bɛl Uria fa aa moo ka la,

Yela 119:153

Nyiŋi wahala maa dɛ na, ásɛ dɛ lɛɛ mɛ, dɛkalkɛ n ta he Mmara la vɛɛh.

Sɛɡla 10:21

Nɛn o wa aa toɡra wobol dɔ tɔnɔ dɛɛ tɛ nɛndamanta, kɛ ɡɛne te, liire waa wola dɔe la, dɛ́ kaa o ne seo ta.

Ɛsekeɛl 44:23

A chɛ kɛ sɔfore la chaɡle n nɛra wa, dɛ́ ɡel ba jemɛ kwaa aa do ɡoroŋ ne kwaa aa wola ɡoroŋ doe, dɛ́ pere kwaa doŋa aa lɔ a ta le kwaa doŋa aa wola toole a ta.

Hosia 4:14

Maa he bihaahna baa dɛ bɔ jwamane la deŋnee tɛr, ɡɛɛ maa wola he bibaala haahna ɡe deŋnee tɛr ba yal chɔɡa wa. He baala nɔ ɡbabir deŋnee mɛɛ ba tɛra, dɛkalkɛ he ne haahna la dɛ bɔ jwamane dɛ kaa ɛ saraha voɡa ta, nɛra baa wola waa mun no la ɛɛ heo!

Hosia 5:4

Ba we-ɛɛla ɡelɔ baa won berɛ ba men Korowii baa dɛ tom mɛ be. Jwaman we-ɛɛla ɡboo su ba liire ta. Baa men Korowii jemɛ.

Hosia 7:9

Nɛŋhɔɔhraa dɛɛ di kpeɡri ba nɛ, kɛ baa jemɛ. Ba nyumpona pa mun dɛɛ to, kɛ baa jemɛ.

Hosia 7:11

Israel tena ta liire dɔe, ba do kɛŋɔ kweah waa ira, dɛ la dɛɛ ba waa wola sobɔr dɔe. Ba tɔ sie yerɛ Ijipt tena ŋɔ bá cha ba, dɛ berɛ chwa la Asiiria tena be.

Yela 18:27

He dɛ lɛ nɛra baa pwɛra, kɛ mbarafo tena te, he dɛ ba ba ne harɛ.

Aesaya 29:12

Kɛɛ dɛ he kpɔ tɔn la la nɛn waa wola jemɛ kure be ŋɔ, “N poori, kure tɛ mɛ” naa, o ŋɔ, “Maa jemɛ kure.”

Hosia 9:17

Korowii maa dɛ tomɔ la vɛɛh ba, dɛkalkɛ ba ta o waa ta teŋɛ. Baa dɛɛ ɡaaɡe harɛre taa, baa bɔree dɔ so.