Hosia 4:13 - mzwDBL

¹³ Bwejena doree baa ɛ sarahare, dɛɛ fuh saraha kwaa deŋɡarere ta, ne dajena bwa soo siwi a chunchule aa soma lɔɡre. A cheɡɛ a ta he bihaahna kpɔ ba te do jwamane ta, asɛ he bibaala haahna ɡe ɛɛ chɔɡ yal.

Hosia 4:13 Referans Kwoze

Aesaya 1:29

“Sihiih ɛɛ kpo heyaa daa haa dua dɛɛ toma la waa. Hɛɛ di nchoo bela haa du kwaa dɛɛ tomɛ voɡa a baah ta la waa.

Ɛsekeɛl 6:13

Nɛra ɛɛ serewoo chɔ bobɛlbwa, ba voɡare ne kwaa baa dɛ ɛ saraha a ta bwa, ne deŋɡarere ta ne bwejena dor ne dajena mune, dɛ bela baa fuh daawiile a sɔɔh aa soma dɛɛ tɛ ba voɡare bwa.

Jeremia 3:6

Kooro Josia kora dii saŋee Korowii bol men Jeremia be ŋɔ, “He na waa Israel tena ba waa aa wola kasinteŋ dɔe kɛŋɔ hanjwamane aa ɛa kenɛ? Ba la deŋɡarere dor ne dajena mune kaa tomɛ voɡa.

Emɔs 7:17

Anomanta, waa Korowii aa dɛ bol sɔfo Amasea be laanee nɔ. ‘He haah ɛɛ valɛ bwɛjen nɔ taa dɛɛ bɔ jwamane. Baa kpoo he bibaala ne bihaahna laa taa. Baa lɛ he harɛ peraa, dɛ́ bɔne tɛ nɛra, ásɛ he ka sewɛ voɡtoroma harɛ ta. Kasinteŋ, baa lawɛ Israel tena laa taa le ba ɡbaɡba harɛ ta kaa bojaŋ harɛfale ta.’ ”

Hosia 11:2

Kɛ maa teŋa dɛɛ yerɔ la, dɛ ɡɛɛ o teŋɛ dɛ jo dɛɛ kaa. N nɛra kpoo kwaa tɛ voɡa Baalre, dɛ fuh daawiile a sɔɔh aa soma tɛ voɡa.

Hosia 2:13

Mɛɛ tɛr o deŋnee, tɔpera waa fuh daawiile a sɔɔh aa soma tɛ voɡa Baalre la, ne suuɡaswɛm nɔnloɡa, ne baŋa kwa dɛ noniseɡa waa doa dɛ teŋɛ o sɛnanar nɛɛ dɛ soh n waa la wa. Men Nemenɛ Korowiirii bola.

Ɛsekeɛl 16:25

Fɔɡbaahna bwa taa he ma voɡa chɔŋɛ pwee ta, dɛ kpɔ chɔɡ he wer haa doa. He kpɔ he te dɛɛ tɛ nomɛlbwa waa teŋa baa kaa, dɛ na teŋɛ dɛɛ bɔ jwamane kohona.

Ɛsekeɛl 16:16

He kpɔ he laala la ane ka kwaa bela nɛra aa chema dɛɛ tomɛ voɡa. Belaa he bɔ jwamane la. A ta chɛ kɛŋɔ hé ɛ ɡɛ waa nɔ, kɛɛ a chiɡ kwara.

Jeremia 3:13

He ɡbabir lɛ he wechɔɡa do, he ɛ men Korowii haa dɛ tom mɛ la deŋnekpeɡ, he kpɔ he te tɛ voɡare dajena lɔɡre bwa, he ta n waa ta teŋɛ.’ Men Korowiirii bola.

Jeremia 2:20

Israel tena, saŋ la bwaa he vɛh kɛ hɛɛ yer mɛ he dɔɔree, he vɛh n waa ta teŋa dɛ́ tom mɛ. Kasinteŋ, he ka dɛ tomɛ voɡa deŋɡarere dor ne dajena mune.

Aesaya 57:7

Bwejena doree he la dɛ ka kpoo kwaa dɛɛ ɛ saraha, dɛɛ di sɛm.

Aesaya 57:5

Hé liire bwaa kɛŋɔ hɛɛ di sɛm he voɡa dajena mune. Hé dɛ kpoo he bii dɛɛ ɛ sarahare voɡa aa lɔ bwebɔɔne aa bɛne nenabɔɔne ta.

Jeremia 44:8

Ɛrɛɛ hɛɛ do mɛ bandia, dɛɛ tomɛ voɡare dɛ ɛ sarahare dɛɛ tɛ voɡare aa lɔ Ijipt harɛ ta bonɔ haa baa so nɔɔ? He dɛ ɛ ɡɛ dɛ́ chɔɡ he te, ásɛ harɛre nɛra bwa ɛɛ nyiŋi he nyubaah, dɛ́ɛ taah heya kɛɛ?

Hosia 10:8

Voɡa aa lɔ bwea dor bwɛjen Bɛt Avɛn, bela Israel tena aa dɛ tomɛ voɡa la, dɛ ba chɔɡa. Sɔɔhne ne jabalnadaŋɛre ɛɛ leo tɔ kwaa baa dɛ ɛ saraha a ta dɛɛ tɛ ba voɡa bwa. Ásɛ ba ŋɔ bwejena ne deŋɡarere be ŋɔ, “Hé choɡli tɔ ya nɛ.”

2 Koranar 17:7

Samaria chɔɡɔ dɛkalkɛ, dɛ Israel tena ɛ wechɔɡa dɛ jo Korowii baa dɛ tomɔ nɛ. Kɛ ane a bwa, dɛ Korowiirii lɛɛ ba le Ijipt harɛ, Ijipt kooro nɔn ta. Dɛ ba dɛ tomɛ voɡa ɡe,

2 Koranar 23:7

Kooro Josia ɡelɔ ba kuuɡi voɡ Asera dea baala aa lɔ a bini dɛɛ bɔ jwamane ba mao o do Korowii Dea la bɔr la. Dɛ belaa haahna so, dɛ sɔh laala tɛ nɛra ba kpɔ dɛɛ tomɛ Asera voɡ.