Hosia 2:9 - mzwDBL

⁹ Anomanta, mea koma telaa, mɛɛ ba lɛa, dɛ́ ba lɛ n sen senfala saŋ. Dɛ ba lɛ n pee pona yale, ne yapondɛɛɡa maa kpɔa tɛo o tɔ o mumɡbal ta la.

Hosia 2:9 Referans Kwoze

Malakae 3:18

Hɛɛ berɔ na ɡɛ nɛra ba wa aa toɡra waa aa korɛ banɔ la ba nyu bini aa kpeɡa waa ta, ne ɡɛ nɛra baa dɛ tomɛ men Korowii waa aa korɛ banɔ la baa wola men tomɛ waa ta.”

Malakae 1:4

Edom tena la ŋɔ, “A lole kɛ Korowii chɔɡ ya harɛ te, kɛ yaa berɔ kwaa vɔrɔwe bwɛɛre la.” Asɛ Koranar Bwa Kooro ŋɔ, “Ba ken ɛɛ won berɛ vɔrɔwe bwɛɛre la te, kɛ mɛɛ chɔɡaa ja. Baa yerɛ harɛ la ‘Nyubinikpeɡ Tena Harɛɛ’, n bandia aa o nɛra nɛɛ le bwa.”

Hosia 2:3

Dɛ ɡɛ laa, mɛɛ wuruu o che muŋɡbal kɛŋɔ awola baa lolɔ la ken. Mɛɛ ɡeloo ó do kɛŋɔ pua hɛŋle ɡbo harɛ, dɛ́ do kɛŋɔ harɛ waa hola, ásɛ nyɔɡre kpoo ó sewɛ.

Sefania 1:13

Ba dɔma ɛɛ pa ba kondɔɔh bwaa kaa, dɛ́ chɔɡ ba deene. Baa ma deenee, kɛ baa a binii so, dɛ́ parɛ ɡrepo daa kooni, baa a nɔnaa dɔ ɛ sen nyɔ.”

Joel 2:14

O ken ɛɛ na ya sumii dɛ́ charɛ o liire, dɛ́ swee yaa andɛɛɡa, ásɛ ya dɔ mea ne sen kohona dɛ́ kpɔ ba ɛ sarahare tɛo.

Hosia 9:2

Mea ne sen aa heyaa tela ba, ásɛ senfala ɡe aa lee do.

Hosia 8:7

Ba du peu dɛ ɡel mea, anomanta, kawulewulee baa ba koma. Mea aa wola bie dɔe ta kondikwaa dɔe. Dɛ a dɔ bie kwaraa naa, nɛŋhɔɔhraa dɛɛ ba a dii.

Daneɛl 11:13

Siiria kooro la ɛɛ berɛ habɔɔ ka kpɔ laa tena baa ɡwaa wubwa tena la, ásɛ tɔpedɛɛɡe ta la, ó kpɔ laa tena baa dɔ dɔmkwaa warɛ ka yo Ijipt kooro.

Ɛsekeɛl 23:26

Baa wur he laala bwaa, ásɛ dɛ kpɔ suuɡaswɛm kwaa haa dɛ doa baŋa ne nɔɔra la.

Ɛsekeɛl 16:39

Ásɛ dɛ lawɛ tɛ nɛra baa dɛ nyini la, ásɛ ba chɔɡ pweeri ne he voɡjaŋa la bwa. Baa laa he laala bwaa wur he bwara ta, dɛ laa he suuɡaswɛm nɔnloɡa ne baŋa kwaa aa wera la kpɔ, he che mumɡbal.

Ɛsekeɛl 16:27

Anomanta, n nɔn dawɛ he nɛ, n lɛ he harɛ maa sweera dɛ kpɔ tɛɛ la pera, asɛ dɛ kpɔe do he dɔma Filisti tena baa hah waa haa dɛ ɛ nɔ nɔn ta.