Hosia 14:9 - mzwDBL

⁹ Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.

Hosia 14:9 Referans Kwoze

Sɛɡla 10:29

Korowii kpɔ nɔn dɛɛ tɔ nɛra ba wa aa toɡra nɛ, dɛɛ chɔɡ banɔ la baa dɛ ɛ wechɔɡa.

Yela 107:43

Nɛra baa jemɛ waa la, bá kpɔ ɡɛ waa nɔ do ba liire bini, dɛ́ lii Korowii nyina aa wola jaɡa dɔe la wa.

Amanesoma Jɔn Aa Chwera Tɔn 8:47

Nomɛlbwa waa ɛ Korowii bie la dɛ no o wa. Haa wola o bii ɛɛ la waa haa wola o waa nyin dɛ́ no la.”

Daneɛl 12:10

Baa laa doŋaa kpɔ nɛra ɡalɡa nɛɛ bá waa toɡre wechɔɡa aa ba nɛɛ do, kɛ nyubinikpeɡ tena ɛɛ teŋɔɔ dɛɛ ɛ nyubinikpeɡ. Nyubinikpeɡ te bɛlbwa aa a munii no, kɛ wejerema te ɛɛ no a munii.

Sefania 3:5

Korowii ta lɔ bwɛjen la bini, o waa toɡrɔ, waa wola wedoŋa nyin. Tɔpere bɛlbwaa wɛɛ di o nɛra kasinteŋ, waa wola habɔɔ le saŋ bɛlbwa, kɛ ane a bwa, sihiih aa wechɔɡ-ɛɛra baa lɔ o ta la kpo.

Jeremia 9:12

Asɛ n bɔɔ ŋɔ, “N Naa Korowii, umee dɔ wejema kohona dɛ́ won no waa nɔ mun ɔ? Umee he le ŋɔ ó won baɡle a bini nɔ? Bɔkwa waa harɛ nɔ chɔ pɛɛ kɛŋɔ pua hɛŋle ɡbo harɛ nɛra aa wola o ta kpɔ kpa nɔɔ?”

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

Amanesoma Jɔn Aa Chwera Tɔn 18:37

Yeesu aa ŋɔ ɡɛ la, anee Paelet bɔɔro ŋɔ, “Amɔ kooroo hen kpela kenɛ?” Asɛ o chaŋo ŋɔ, “Henee ŋɔa kooroo men. Kasinteŋ bola waa ba lol mɛ. A waa n ba harɛ nɔ ta dɛ ba bol kasinteŋ la nɛra bwa be. Nomɛlbwa waa dɛ nyin kasinteŋ la, on dɛɛ no n be.”

Aesaya 26:7

N Naa Korowii, he ɡelɔ nɛra ba wa aa toɡra ŋwɛnɛ ɛɛ do wer, he kwaaro baa valɛ o ta.

Yela 119:128

anomanta, n dɛ teŋɛ he webaɡla ta, dɛ hah waa aa wola were te bɛlbwa.

Yela 119:75

N Naa Korowii, n jemɔ kɛŋɔ he bole pae toɡrɔ, he che kasinteŋ ta dɛ tɛr n deŋne.

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

Tɔn Pɔɔl Aa Chwerɛ Rom Tena 7:12

Ya jemɔ kɛŋɔ Mmara la ɛ kondɛɛɡe, asɛ o bini wobɛlbwa ɡe toɡre dɛ do wer.

Amanesoma Jɔn Aa Chwera Tɔn 15:24

Dɛ n fe ta waa nɛwɛnyini bɛlbwa aa wola ɛɛ ka ɛ ba siwi ta te naa, ba fe aa bolchɔɡee di. Kɛ ba na n nyokpowe-ɛɛla bwa, dɛ ɡarɛ hah n ne n Mɛɛ bwa.

Amanesoma Jɔn Aa Chwera Tɔn 9:39

Asɛ Yeesu ŋɔ, “Nɛra waa bola dɛ́ pa bole waa n ba harɛ nɔ ta, ásɛ nyoŋa berɛ dɛɛ na, ásɛ banɔ la ɡe baa dɛ na la berɛ nyoŋa.”

Amanesoma Luk Aa Chwera Tɔn 7:23

He naate haa wola men tɔŋle la, he na som.”

Amanesoma Luk Aa Chwera Tɔn 2:34

Simeon soŋe andɛɛɡa tɛ Yeesu nya ne o mɛɛ, dɛ ŋɔ o nya be ŋɔ, “Hé no waa nɔ! Bie nɔ cheɡɔ tɛ Israel tena bane kwaara ne bane chɔɡa. Wɛɛ berɔɔ che tɛ Korowii, ásɛ nɛra bol waa yaɡɔ,

Matiu 11:19

Asɛ Men Nɛn Bie la te aa bala la, n di kwa, dɛ nyɔ sen ɡe, asɛ nomɛlbwa berɛ ŋɔ, ‘Hé na baa nɔ! Kondikondidii ne sennyɔɔree on. Toɔ lɛɛra baa dɛ bɔ nɛra apoo ne wechɔɡ-ɛɛraa ɛ o daamanar.’ ” Waa bol ɡɛ tonɛ la, anee o ŋɔ, “Wejereme bɛlbwa we-ɛɛla taa a che baa jemɛ kɛ o ɛ wejereme.”

Ɛsekeɛl 18:25

Kɛ he dɛ bol ŋɔ, men Korowii waa ta toɡrɛ. Israel tena, hé no, he dɛ lii kɛŋɔ men Korowii n waa ta toɡrɛ kɛɛ? He waa laa wola toɡraa?

Aesaya 1:28

Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Yela 84:7

Ba dɔ bokpeɡa saŋ bɛlbwa dɛɛ la, ka tel kɛ baa na Korowii o kpeɡri aa ɡwaa voɡa bwa, Saayɔn Bwejen doa la.

Yela 84:5

Nɛra baa dɛ hwɛɡɛ he nɛɛ la, ba na som. Banɔ la ba bambile aa lawa kɛ ba valɛ kaa Saayɔn Bwejen doa la.

Job Tɔn 17:9

Kɛ ane a bwa, nɛra ba wa aa toɡra la ɛɛ teŋɔɔ dɛ́ do ɡɛ dɛɛ la, dɛ́ teŋɛ dɔ bokpeɡa saŋ bɛlbwa.

We-ɛɛla 13:10

“Bɔnsam nɛn kohona, he hah wedɛɛɡa bwa kɛrɛdɛ! He lambaara kan ɡa. Bɛ he wechɔɡa la kpɔ tɔ Korowii ŋwɛnɛ.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Sɛɡla 16:21

Nɛn o liire aa wera dɛ dɔ wejema laanee ba ŋɔ o dɛ no waa mun. O wobosoma taa a che nɛra sɛh dɛɛ ba o be.

Aesaya 17:8

Baa kwaa ba ɡbaɡba aa maa dɛ kpɔ saraha kwaa dɛɛ tɛ voɡa a ta laanee nyiŋi kpa. Baa voɡhaah Asera dajaŋa ba ɡbaɡba aa paaɡa, ne bela baa maa dɛɛ fuh daawiile a sɔɔh aa soma la ta hwɛɡɛ kpa.

Jeremia 29:12

Belaa hɛɛ ba n sɔn yera dɛɛ soŋ mɛ, ásɛ n no he wesoŋa.

Ɛsekeɛl 11:18

Baa berɔ ba, dɛ́ ba laa voɡdoŋa maa kia bwa kpɔ le harɛ la ta.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Sekaria 10:6

Mɛɛ ɡeloo Juda dea tena do kpeɡri dɛ́ lɛ Josef dea tena. Mɛɛ berɔɔ ba ba ne bela ba fa aa lole, dɛkalkɛ n dɔ tedoma tɛɛ ba. Baa doo kɛŋɔ nɛra n fa aa wola ban vɛɛh ken, dɛkalkɛ menee Korowii baa dɛ tom mɛ la. Mɛɛ dɛɛ chaŋ baa ba wesoŋa taa.