Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.
O ŋɔ Israel tena be ŋɔ, ‘Nomɛlbwa toole dɛ do kɛŋɔ Korowii haa dɛ tomɔ nɔ. O lɔ nyundua kohona dɛ che o kpeɡri ta bol dɛɛ tɛ heya. O cheɡɛ baama ta dɛ baa cha heya.
Israel tena, he na som to. Nomɛlbwa ta heyaa tele, he ɛ nɛra Korowii aa lɛ heya. O ɡbaɡbaa he ɡbemɡbe ne he tokobi. Onee dɛ́ lɛ heya dɛ́ ɡel he yo le. He dɔma ɛɛ ba ɡuŋi he siee, dɛɛ soŋe ŋɔ he sune ba nɛ, ásɛ he tiɡri ba nɛ.’ ”
He ŋɔ he mee leɔ, dɛ laa sie kpɔ saraha kwaa aa wera kɛŋɔ he kpɔ baa tɛ mɛ la ta. Kɛ he kpɔ kondɛɛra bola aa lɔ a nɛ, ne anɔ la aa wola won valɛ kɛɛ weela tena ba ɛ saraha dɛɛ tɛ mɛ. Mɛɛ lɛa yaa?
O kpoo kwaa ɛ sarahare Damaskɔs tena baa yoo dɛ pɔ o nɛɛ voɡare ta, dɛkalkɛ o liiro ŋɔ, “Siiria koranar voɡa aa cha ba nomanta, mɛɛ kpoo kwaa ɛ sarahaa tɛa, ásɛ a cha mɛ.” Kɛ anee ɡela o ne Israel tena lɔ harɛ.
Baa men soŋe kasinteŋ ne, ba chɔ harɛ dɛɛ wi kɛŋɔ voɡtoroma. Ba boa nyoa dɛɛ soŋ mɛ mea ne senfala, kɛ dɛ laa ba te kpɔ n nɛɛ kɛ voɡtoroma. Deŋnekpeɡ tena bane le!
