Hosia 13:6 - mzwDBL

⁶ Maa tɛ heyaa kondikwaa he di la, he vaɡrɔ, haa vaɡra la, he ɛ mbarafo asɛ dɛ soh n wa.

Hosia 13:6 Referans Kwoze

Yela 10:4

Nyubinikpeɡ tena waane laa Korowii wa, ba mbarafo, dɛɛ lii kɛŋɔ, Korowii waa ta hiaih.

Nehemia 9:35

He swee koranar andɛɛɡa ba nyiŋi he nɛra nɛ, ɡɛ saŋ baa soɡe harɛpare ondɛɛɡe waa kana he kpɔ tɛɛ ba la ta, kɛ ba vɛh ba liire chara, dɛ le ba wechɔɡa ta dɛ tomɛ.

Mmarare 32:18

He soh Korowii haa dɛ tomɔ o do kɛŋɔ Bwetal dɛɛ lɛ heyaa kohona, naate waa tɛ heyaa mkpa la wa.

Hosia 10:1

Israel tena fa do kɛŋɔ ɡrepo da, asɛ nɔna su o bwa. Ba kondɔɔh do kɛŋɔ ɡrepo nɔna ken, aa dɛ warɛ la, dɛ ba dɛ ɛ kwaa baa dɛ ɛ saraha a ta aa warɛ. Harɛ la dɛ ɛ kondikwaa kohona naa, ɡɛɛ ba ɡe ɛɛ paaɡe bwea aa wera kɛrɛdɛ dɛɛ duura.

Hosia 8:4

Ba cheɡ koranar maa wola a waa jemɛ, dɛ le nomonome le n habɔɔ. Ba kpɔ ba ɡbaɡba suuɡapoŋa ne suuɡaswɛm ɛ voɡa dɛ kpɔ chɔɡ ba te.

Hosia 2:13

Mɛɛ tɛr o deŋnee, tɔpera waa fuh daawiile a sɔɔh aa soma tɛ voɡa Baalre la, ne suuɡaswɛm nɔnloɡa, ne baŋa kwa dɛ noniseɡa waa doa dɛ teŋɛ o sɛnanar nɛɛ dɛ soh n waa la wa. Men Nemenɛ Korowiirii bola.

Aesaya 17:10

Israel tena, he liire le he Lɛɛ Korowii nɛ. Onee Bwetal haa kpɔ he te marɔ wɛɛ tɔ heyaa ɡbemɡbe la, kɛ he soh o wa. He du dadɛɛɡa bodɛɛɡa, dɛ kwaa bela dɛɛ tomɛ harɛre voɡare.

Sɛɡla 30:9

Dɛ n dɔ kohona naa, mɛɛ soh he waa, dɛ́ ŋɔ, ‘Korowiirii ume o?’ N berɔ nya kwaraa ɡe aa, ŋwɛɛ mɛɛ ba ŋwɛɛ dɛ́ ɡel he sɔn chɔɡ.

Jeremia 5:7

Korowii ŋɔ, “Juda tena, ɛrɛ waa a chɛ kɛ ń kpɔ he wechɔɡa kɛ heya ɔ? He vɛɛh mɛ dɛɛ tomɛ voɡare a wa aa wola kasinteŋ dɔe. N tɛ heyaa komɛlbwa haa dɛ nyin, kɛ he ɡarɛ kaa bɔ jwamane, he ne hanjwamanere ɛɛ valɛ.

Ɛsekeɛl 23:35

Kenii men Nemenɛ Korowii ɛɛ bol hen Oholiba be. Haa soh n waa dɛ berɛ habɔɔ kpo mɛ nomanta, hɛɛ dɔ deŋnetɛra he pɛlchɔɡa ne he jwamane la waa.”

Ɛsekeɛl 28:5

He cheɡɛ he bona dii wejema kohona ta, dɛ dɔ kondɔɔh kohona. He kondɔɔh nomanta, he nyu bini dɛ do he som.

Hosia 2:7

Wɛɛ ti baala laanee, kɛ waa ban pu, wɛɛ nyin ba bɔree, kɛ waa ban na. Ásɛ dɛ ŋɔ, ‘Mɛɛ berɔɔ kaa n jaloɡle be, belaa wera tɛ mɛ ɡwaa taraken.’

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Hosia 4:7

He sɔfore, haa dɛ warɛ la, dɛ he dɛ ɛɛ mɛ wechɔɡa kohona. Anomanta, mɛɛ ɡeloo he jirima berɛ sihiih.

Hosia 7:14

Baa men soŋe kasinteŋ ne, ba chɔ harɛ dɛɛ wi kɛŋɔ voɡtoroma. Ba boa nyoa dɛɛ soŋ mɛ mea ne senfala, kɛ dɛ laa ba te kpɔ n nɛɛ kɛ voɡtoroma. Deŋnekpeɡ tena bane le!

Hosia 8:14

Israel tena ma kooderemi, dɛ soh men Korowii maa ta ba wa. Juda tena ma dekpeɡa bwɛjena ta taeh. Kɛ mɛɛ kpɔ niinii ba ta ba bwɛjena ta, ásɛ a fuh ba dekpeɡa bwa.”

Hosia 12:8

Israel tena dɛ ɛ mbarafo dɛ ŋɔ, ‘Ya dɔ suuɡa, dɛ ɛ dɔɔhna. Ya kondɔɔh bwa habɔɔ baa wechɔɡa bɛlbwa ya nɛɛ na.’

Hosia 5:14

Mɛɛ ɛo kɛŋɔ nyujente ken Israel harɛ ne Juda tena bini. Mɛɛ toɡri ba olaa, dɛ́ che ba kaa nomɛlbwa aa wola won lɛɛ ba.