Hosia 12:9 - mzwDBL

⁹ Menee Korowii haa dɛ tom mɛ n lawɛ heyaa le Ijipt harɛ ta la. Mɛɛ berɔɔ ɡel he so tɛnte deene bini ja, kɛŋɔ ɡɛ saŋ he fa aa soɡe a bini tɔpejena dii maa lea cheɡ ta la.

Hosia 12:9 Referans Kwoze

Hosia 13:4

Korowii ŋɔ, “Menee Korowii haa dɛ tom mɛ n lawɛ heyaa le Ijipt harɛ la. He bɛ voɡ bɛlbwa yarada ka ja n nɛ. Lɛɛ bɛlbwa toole ka ja n nɛ.

2 Samoɛl 7:2

Belaa o ŋɔ Korowii keame bɛl baa dɛ yerɔ Netan be ŋɔ, “N soɡe koodem baa kpɔ peleme daa kwaaro bini, asɛ Korowii Ne Nɛwɛnyina Fɔo Daka la te ta che tɛnte dea bini.”

Amanesoma Jɔn Aa Chwera Tɔn 7:2

Gɛ saŋ la dɛ a ka tama Juu tena Kukure Tɔpejen ba yon dɛɛ do kukure dɛɛ so a bini tɔpera anuatoro la telo bá di.

Jeremia 35:7

O berɔ ŋɔ a ta chɛ kɛ yá do deene, kɛɛ dɛ́ parɛ kɛɛ dɛ́ yawɛ daa kooni. O do yaa ŋɔ yáa so tɛnte deene ɡbo bini, ásɛ dɛ won so harɛ yaa soɡe o ta kɛŋɔ nɛŋhɔɔhra nɔ ta.

Yela 81:10

Menee Korowii haa dɛ tomɛ, n le he ne Ijipt harɛ ta la. Hé waa dɔ kasinteŋ tɛ mɛ naa, mɛɛ tɛ heya kondikwaa kɛŋɔ, jumbie aa dɛ tɛ o bii la.

Ɛsra 3:4

Ba di Kukure Tɔpejen ɡɛ baa chwerɛ o waa bil la, dɛ fuh kwaa ɛ sarahare ɡɛ aa chɛa tɔpere bɛlbwa ta.

Nɛra Kura 15:41

Korowii haa dɛ tomɔ waa le he ne Ijipt harɛ ta ŋɔ hé baa tomɔ la. Onee Korowii.”

Lewi Dea Tena 26:13

Menee Korowii haa dɛ tom mɛ n lawɛ heyaa le Ijipt harɛ ta, ásɛ he bɛ yoma ɛ tɛɛ ba kpa. Menee le heyaa hɔhɔrɔwa ta, dɛ́ ɡel a le he baŋa he paŋi dɛɛ valɛ la.

Lewi Dea Tena 19:36

Hé kpɔ kwaa aa chɛ kɛŋɔ hé kpɔ maɡɛ kwaa maɡɛ ɡɛ a bɛlbwa aa chɛa. Menee Korowii haa dɛ tom mɛ n kpɔ heyaa le Ijipt harɛ ta ba la.

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Mumpar 25:27

Bii la bwa baa kpeɡ. Asɛ Esɔ kpɔ o te ɛ kpɔɡ bini nɛn dɛɛ kpaah kɛrɛdɛ. Dɛ Jekɔb te dɛ so dem.

Maeka 6:4

He fa ɛ yoma Ijipt harɛ ta, asɛ n lawɛ heyaa le bela. N tomɛ Mosis ne Arɔn dɛ Miriam, bá ba tɔ he sie.

Hosia 2:15

Mɛɛ berɛ o daa kooni laanee tɛo, ásɛ dɛ berɛ Akɔ Fɛlembɔjen la bela hwɛɡa aa lole. Belaa wɛɛ ba yela ɡoe silɛɛ ne kɛŋɔ o toli saŋ, ne ɡɛ awola tɔpere waa le Ijipt harɛ ta la ken.

Hosia 11:1

Korowii ŋɔ, “Israel fa aa do kɛ bechala la n nyinu, dɛ yerɔ le Ijipt harɛ ta kɛŋɔ n bie.

Yela 49:7

Nomɛlbwa aa won lɛ o dɔŋ mkpa, kɛɛ dɛ́ kpɔ komɛl charɛ o nyu Korowii be.

Sɛɡla 30:12

Ba dɛ lii kɛŋɔ wechɔɡa toole ba nɛ, kɛ dɛ ba senɛ wechɔɡa ta.

Jeremia 5:27

Gɛ kpaah yon pa jumbii su ɡbɛr bini la, ɡɛɛ ba pa laala baa cheɡɛ ŋwɛnɛchɔɡa ta su ba deene. Anee ɡela ba dɔ suuɡa dɛɛ di kpeɡri.

Sekaria 11:5

Nɛra baa dɛ yawa dɛɛ kpoora la aa deŋnetɛraa dɔ. Nɛra baa dɛ yoɡa dɛ bol ŋɔ, ‘Ya dɔ suuɡa, Kórowii jam!’ Hale nɛra baa dɛ teɡa la aa a nɛɛ sune.”