Hosia 12:5 - mzwDBL

⁵ Korowii Waa Ɛ Kpeɡri Bwa Dɔɔ, Jekɔb ne o su luɡe la, o sɔnee Korowii, onee chɛ kɛ yá tomɛ.

Hosia 12:5 Referans Kwoze

Kaala 3:15

Korowii berɔ ŋɔ Mosis be ŋɔ, “Ŋɔ Israel tena be ŋɔ, ‘Men Korowii ba nabaala Abraham ne Aesek dɛ Jekɔb aa tomɔ laanee tomɛ ba be.’ A ɡɛ sɔn nɔɔ dɛ́ ɛ n sɔn saŋ bɛlbwa dɛɛ la. Ásɛ naanar baa ka ba bwa ɡe ɛɛ yer mɛ ɡɛ.

Aesaya 42:8

Menee Korowii, n sɔnee ɡɛ. Maa ɡel nɛra kpɔ jirima aa chɛ kɛ ba tɛ mɛ la tɛ nomɛl, maa ɡel bá kpɔ kpɛɛra aa chɛ mɛ la tɛ voɡa.

Yela 135:13

N Naa Korowii, he sɔn haa dɔa la ɛɛ do lee saŋ bɛlbwa dɛɛ la. Naanar baa ka ba bwa ɛɛ dɛɛ lii he waa.

Mumpar 32:30

Belaa o ŋɔ, “N na Korowii siwi ne dɛ ta so mkpa ta.” Anomanta, o pa bela sɔn Pɛneɛl.

Mumpar 28:16

Jekɔb aa ir dom ta la, o ŋɔ, “Amɔ Korowii lɔ bonɔ asɛ n ta jemɛ!”

Yela 30:4

Korowii nɛra ba wa aa toɡra bwa, hé ɡo yela kpɛɛro, hé kpɛɛ o sɔn waa do ɡoroŋ la.

Mumpar 35:9

Jekɔb aa le Mɛsopoteemea ba la, Korowii berɔ kpɔ o te baɡlo dɛ swee andɛɛɡa tɛo.