Hosia 10:8 - mzwDBL

⁸ Voɡa aa lɔ bwea dor bwɛjen Bɛt Avɛn, bela Israel tena aa dɛ tomɛ voɡa la, dɛ ba chɔɡa. Sɔɔhne ne jabalnadaŋɛre ɛɛ leo tɔ kwaa baa dɛ ɛ saraha a ta dɛɛ tɛ ba voɡa bwa. Ásɛ ba ŋɔ bwejena ne deŋɡarere be ŋɔ, “Hé choɡli tɔ ya nɛ.”

Hosia 10:8 Referans Kwoze

Amanesoma Luk Aa Chwera Tɔn 23:30

A ɡɛ saŋ nɛra ɛɛ ŋɔ bwejena ne deŋɡarere bee ŋɔ, ‘Hé choɡli tɔ ya nɛ.’

Wepila 6:16

dɛɛ ŋɔ bwejena la ne bwetala la be ŋɔ, “Hé choɡli tɔ ya nɛ, ásɛ naate waa soɡe kookara la ta la bɛ yaa na, ásɛ he le yaa Pebie la bandia ta,

Aesaya 2:19

Nɛra ɛɛ ɔmɔɔ kohona, dɛ́ chwa ka jo bwebɔɔne, dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Hosia 9:6

Dɛ wekpeɡa chiɡo asɛ ba lɔ peɡre aa, Ijipt tena ɛɛ boa ba nyoaa, ásɛ dɛ ba sewɔ aa, bá huɡ ba bwɛjen Mɛmfes. Jabalnadaŋɛre ɛɛ kpeɡuu tɔ ba kondɔɔh aa ɛ suuɡapoŋa la bwa ta, ásɛ sɔɔhne ne kpɔɡa moɡɛ tɔ bela ba deene fa aa cheɡa la.

Emɔs 8:14

Banɔ la baa dɛɛ ŋwɛɛ Samaria voɡa, kɛɛ dɛɛ ŋwɛɛ Dan dea voɡ, kɛɛ voɡ waa lɔ Beɛseeba bwa dɛ́ ba choɡla, baa wola won ir kpa.”

Aesaya 32:13

Sɔɔhne ne jabalnadaŋɛre ɡboo n nɛra harɛre. He wi deremi silɛɛ fa aa lɔ a ta la, ne bwɛjen o fa aa soma la wa.

Wepila 9:6

Ásɛ ɡɛ saŋ baa nyin kɛ seo ba kpoo ba, kɛ baa dɔ, ásɛ seo chwa le ba be.

Maeka 1:13

Lakes tena ɡe, hé vɔrɔwe kwaa aa do kɛŋɔ torɔɡore pɛl jaɡre. He chaa Israel tena wechɔɡa baa ɛa, a che a ta Jerusalam tena ɡe ɛ wechɔɡa.

Maeka 1:5

Israel tena baa ɛ Jekɔb naanar wechɔɡa baa ɛ Korowii waa a bwa ba ɡɛ. Bamewaa ɡela Israel tena ɛ deŋnekpeɡ ɔ? Samaria koobwɛɛ nɛra laa aa? Bamewaa dɛ́ di bolchɔɡe voɡa baa dɛ tomɛ Juda harɛ ta waɔ? Jerusalam tenaa.

Hosia 10:5

Nɛra baa soɡe bwɛjen Samaria ɛɛ ɔmɛ suuɡaswɛm baa kpɔa loɡɛ nabale o do bwɛjen Bɛt Avɛn la waa. Ba ne sɔfore baa dɛ tomɔ la bwa ɛɛ wiu kɛrɛdɛ, ba sie aa o we-ɛɛla taa lɛ, dɛkalkɛ ba laa kpɔ le ba be kaa bojaŋ harɛfale ta.

Hosia 10:2

Nyosone ɡboo su ba bwa a chɛ kɛ bá di bolchɔɡe a wa. Korowii ɛɛ paɡre ba saraha kwaa, dɛ́ chɔɡ bwea baa paaɡa dɛɛ duura laanee.

Hosia 5:8

Hé hoh laa bɛla Gebea, dɛ́ hooh Rama ɡe. Hé do laa lɔŋɔ Bɛt Avɛn. Bɛnjamen dea tena, hé ir dɛ́ tɔ sie.

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Hosia 4:13

Bwejena doree baa ɛ sarahare, dɛɛ fuh saraha kwaa deŋɡarere ta, ne dajena bwa soo siwi a chunchule aa soma lɔɡre. A cheɡɛ a ta he bihaahna kpɔ ba te do jwamane ta, asɛ he bibaala haahna ɡe ɛɛ chɔɡ yal.

Aesaya 34:13

ásɛ sɔɔhne le kooderemi, apeah ɡe le bwɛjena baa ma danjwɛkpeɡa bara, ne ba dekpeɡa ta. Wɛɛ berɛ kalampoŋare ne kwiure sobɔree.

2 Webena 31:1

Baa di tɔpejen la tonɛ la, Israel tena baa lɔ bela la jo Juda harɛ bwɛɛre ta, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. Ba chɔɡ bɔra baa dɛ tomɛ voɡare deŋɡarere ta, ne kwaa baa dɛ ɛ sarahare a ta, Juda harɛ ne Bɛnjamen ne Efrem, dɛ Manasɛ harɛre deene ta bwa. Baa chɔɡ a bwa tonɛ la, asɛ ba bwa berɛ kaa ba bwɛɛre.

2 Koranar 23:15

O berɔ ɡel ba paɡre kon baa dɛ ɛ saraha dɛɛ tomɛ voɡa a ta, Nɛbat bie Kooro Jɛroboam aa ɛa Bɛtel la. Kooro Jɛroboam ɡelɔ Israel tena ɛ wechɔɡa dɛ jo Korowii nɛ, hale Kooro Josia paɡre kon baa dɛ ɛ saraha o ta, dɛ fuh bela baa dɛ tomɛ voɡa a ɛ mohooh kɛŋɔ bomboɡ ken, dɛ fuh voɡ Asera dajaŋ ɡe.

1 Koranar 14:16

Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

1 Koranar 13:34

Gɛ wechɔɡa nɔɔ ba Kooro Jɛroboam dem ne o kora chɔɡa ne harɛ nɔ ta.

1 Koranar 13:2

Korowii keame la cheɡɛ Korowii waa ta dɛ kpɔ takpeɡ ŋɔ, “Korowii tom mɛ ŋɔ ń ba bol kon baa dɛ ɛ saraha o ta nɔ wa. O ŋɔ, ‘Baa lolɛ bibaalee ó ɛ Kooro Devid naa baa yerɔ Josia. He taa wɛɛ ba ó kpoo kerekpoŋra baa soɡe voɡa baa cheɡa deŋɡarere ta dɛɛ ɛ sarahare, dɛ́ fuh ba hoɡa he ta.’ ”

Mmarare 9:21

Asɛ dɛ kpɔ nabale haa ɛo o ɛ wechɔɡa tɛ heyaa la do nii ta, asɛ dɛ paɡro dɛ namɔ o ɛ mohooh ken, dɛ pa ta nee bɛl waa pala le bwejen la ta.

Mumpar 3:8

Awola jɔmɔra ne la, ba noɔ kɛŋɔ Korowii dɛ valɛ bodɛɛɡe baa du daa la bini, asɛ ba chwa ka sɔh baŋ pera daa la bini ásɛ o bɛ ban na.

Hosia 2:6

Anomanta, mɛɛ kpɔ sɔɔhnee tɔɔ ŋwɛnɛ. Mɛɛ tɔɔ do waa wola won dɔ bɔr le.

Hosia 10:9

Korowii ŋɔ, “Israel tena ta wechɔɡa baa ɛɛ mɛ la ɡelɛ. Gɛ saŋ baa lea ɛ wechɔɡa bwɛjen Gebea la. Anomanta, laa taa baa ba serewa Gebea.

Emɔs 7:9

Mɛɛ chɔɡ bɔra Aesek naanar aa ka dɛ tomɛ bwaa, ásɛ Israel harɛ bɔra aa do ɡoroŋ ɡe chɔɡ, dɛ́ ka yo Kooro Jɛroboam dem nɛra laa.”

Neehum 3:11

Gɛɛ he Niniwe tena ɡe ɛɛ ba dɛɛra dɛ́ chwa ka sɔh, dɛ́ nyin bɔr ka marɛ he dɔma bɛ heyaa na.

Aesaya 2:21

Baa kpɔ ɔmee chwa ka jo bwebɔɔne, ne bwejena aa peɡra la baah, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Hosia 8:5

Suuɡaswɛm Samaria tena aa kpɔa ɛ nabale la ɡelɔ n baah di ba nɛ, bá kpɔ viɡri. Saŋ besoo baa ba voɡa toma ɡela ɔ?

Emɔs 1:5

Mɛɛ kuuɡi bwɛjen Damaskɔs doonyoa ɡbenii, dɛ́ ir nɛra baa soɡe Bɛn Avɛn Fɛlembɔjen, ne kooro waa dɛ di kora Bɛt Eden. Baa lawɛ Siiria tena laa taa kaa Kir harɛ ta. Men Korowiirii bola.”

Emɔs 3:14

“Awola maa ba tɛr Israel tena deŋne ba wechɔɡa waa la, mɛɛ paɡre kwaa baa dɛ ɛ saraha a ta Bɛtel bwaa, dɛ́ kuuɡi kwaa aa do kɛŋɔ nyeɡlare dɛ paaɡe a ta bwaa bil harɛ.