Hosia 10:13 - mzwDBL

¹³ Kɛ a ɛo kɛŋɔ haa du wechɔɡa dɛ komɛ wechɔɡa. He di he nyosone la nɔna. Haa kpɔ he te dawɛ he bokpeɡa ta, ne he laa tena baa wara dɛ jemɛ yoi nɛɛ nomanta,

Hosia 10:13 Referans Kwoze

Job Tɔn 4:8

N ɡbabir nao kɛŋɔ nɛra baa dɛ vɔrɔwe wechɔɡa vɔrɔwa, ne banɔ la baa dɛ nyin waa la, anee baa dɔ.

Hosia 8:7

Ba du peu dɛ ɡel mea, anomanta, kawulewulee baa ba koma. Mea aa wola bie dɔe ta kondikwaa dɔe. Dɛ a dɔ bie kwaraa naa, nɛŋhɔɔhraa dɛɛ ba a dii.

Sɛɡla 22:8

Nomɛlbwa waa dɛ ɛ wechɔɡa la dɛ na a wa, nɛra waa dɛ ɛɛ ba hɔhɔrɔwa la dɛ ba a jaɡa.

Sɛɡla 1:31

Anomanta, hɛɛ dɔ ɡɛ haa dɛ nyinii, ásɛ he ɡbaɡba we-ɛɛla ɡure he nyu ta.

Yela 33:16

Kooro laa tena wara laa ɡela o yo laa dɛɛ pɔ o dɔma nɛ, banyoo kpeɡri laa ɡela o yo dɛɛ le.

Hosia 11:12

Korowii ŋɔ, “Nyosone ɡboo Israel tena teŋe dɛɛ tɛ mɛ, tɔpere bwaa baa neɡ mɛ. Juda tena ta dɛ ɛɛ mɛ deŋnekpeɡ, men Korowii Maa Do Goroŋ dɛ dɔ kasinteŋ la.”

Yela 62:10

Hé laa he te kpɔ nɛra ɛɡra dɛ́ dɔ kwa, kɛɛ he sie lɛ ŋwɛɛ kwaa ta. Dɛ he kondɔɔh teŋɔ dɛɛ warɛ kwaraa naa, hé laa he bambile kpɔ a ta.

Yela 52:7

“Hé na, baa waa wola Korowii kpɔe ɛ o Kpeɡnɛn laanee la. O kpɔ o hwɛɡa bwa do o kondɔɔh ta, o nyu bini do kpeɡri kohona o bala chɔɡa ta.”

Hosia 7:3

Ba nyubinikpeɡ we-ɛɛla dɛ lɛ kooro sie, ba nomonome ɡe sie ɛɛ lɛ nyosone baa dɛ teŋe ta.

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Sɛɡla 19:5

He di dansewea aa, he dɛ dɔ deŋnetɛra, ɡɛɛ nyosonteŋni ɡe aa wola o bwara kpɔe kaa di.

Sɛɡla 12:19

Kasinteŋ lole saŋ bɛlbwa, nyosonee dɔ jaɡa.

Sɛɡla 13:2

He dɔ wobodɛɛɡa aa, he na som, kɛ nɛn waa wola kasinteŋ bol te, dɛ na wa.

Aesaya 17:11

He fe wono ɡel a le awola tenten haa dua la, dɛ moɡɛ dɛ fe aa, haa komɛlbwa a ta chaa. Wahala ne weweele aa wola tonɛ ɡboo hɛɛ ba dɔe.

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Hosia 4:8

N nɛra wechɔɡa taa he sɔfore che dɛɛ dɔ he te, anomanta, he dɛ nyin ba na dɛɛ ɛ wechɔɡa kohona.

1 Samoɛl 24:14

Umee Israel kooro ɛɛ nyin o bɔr dɛ́ kpo nɔɔ? Men maa do kɛ nyoate lale maa wola toole wobɛlbwa bini, kɛɛ koŋɡaahle nɔ naa?