Hosia 1:9 - mzwDBL

⁹ asɛ Korowii ŋɔ Hosia be ŋɔ, “Pa bie la sɔn Lo Ami, dɛkalkɛ Israel tena ta n nɛra ɛɛ, baa men Korowii tomɛ.”

Hosia 1:9 Referans Kwoze

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 20:3

Tɔ aa pera la, Pasur baa foo n jɔɡrɔre la, asɛ n ŋɔ o be ŋɔ, “Korowii ta ŋɔe ŋɔ he sɔne Pasur, sɔn waa pae laanee Maɡor Misabib.

Hosia 1:8

Goma aa teŋe Lo Ruhama el tonɛ la, o berɔ lolɛ bibaa bɛl,

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Hosia 2:23

Mɛɛ kpɔ n nɛra Israel tenaa, ásɛ ba ba so harɛ la ta, nɛra n fa aa ŋɔa ‘Maa ban nyin la,’ ń berɛ nyin ba wa. Nɛra maa ŋɔa ‘Ba ta n nɛra ɛɛ la’, ń berɛ ŋɔ ‘Hé ɛ n nɛra’, ásɛ ba ŋɔ, ‘Henee Korowii yaa dɛ tomɛ la.’ ”