Hibru 9:9 - mzwDBL

⁹ A ɡɛ waa nɔ cheɡɔ dɛ tɛ fini nɔ. A baɡlɔ kɛŋɔ saraha ɛɛ ne konaatena fuih dɛɛ tɛ Korowii aa won ɡel nɛn baa fuh kwaa la dɛɛ tɛo la tea to.

Hibru 9:9 Referans Kwoze

1 Pita 3:21

A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.

Hibru 5:1

Sɔfonomoa bɛlbwa waa dɛ ɛ toma Korowii Dea la, o dɔŋa nɛwɛnyini binii ba yon leo, dɛ kpɔɔ ŋɔ ó ɛ Korowii toma dɛɛ tɛɛ ba, dɛ́ kpɔ jam kwaa dɛɛ tɛ Korowii, dɛ́ kpo kondɛɛra dɛ́ fuah dɛɛ tɛo ba wechɔɡa wa.

Tɔn Pɔɔl Aa Chwerɛ Rom Tena 5:14

Kɛ le Adam bere saŋ la ba le Mosis bere saŋ la, dɛ seo chɔ le tɛ nomɛlbwa. Hale nɛra ba fa aa wola Korowii nyoa vɛɛh kɛ Adam la bwaa fa dɛ serewe. Adam chaaree naate ba fa aa ŋɔa o dɛ ba bala la. Onee Yeesu Kristo.

Hibru 11:19

Dɛ Abraham jemɔ kɛŋɔ hale dɛ Aesek sewɔ kwaraa naa, Korowii dɔ kpeɡri kɛŋɔ ó won iru seo ta. Yaa wonoo ŋɔ sewaa Aesek sewɛ dɛ berɛ ba Abraham nɔn ta ja.

Hibru 10:11

Juu tena sɔfore te la, tɔpere bwaa ba che ba sɔfore toma ta dɛ teŋɛ dɛɛ ɛ saraha siwibeŋkpoŋ. Kɛ a ɡɛ saraha nɔ aa won laa nɛn wechɔɡa kpɔ o nɛɛ bwa.

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

Hibru 7:11

Gɛ saŋ Korowii aa tɛ o nɛra Mmara la, ɡɛ saŋee Lewi dea tena pa mun dɛɛ di sɔfore. Dɛ nɛra fe ɛɛ wonoo che saraha Lewi dea sɔfore la fa aa ɛa dɛɛ tɛɛ ba la ta dɛ ɛ nɛndɛɛɡa ka tonaa, a fe ta hiaih kɛŋɔ Sɔfo waa do kɛŋɔ Mɛlkesɛdɛk berɛ ba, dɛ́ ɡel onɔ la waa le Lewi dea dɛ do kɛŋɔ Arɔn.

Galaasia 3:21

Amɔ dɛ Mosis Mmara nɔ ne nyoo Korowii aa baɡɛ yaa la aa jo kɛɛ? A dɛ jo. Dɛ nɛwɛnyini fe dɔ mmara bɛl waa dɛ ba wona toɡre nɛra ásɛ ba dɔ ba nyu aa, ate nomɛlbwa waa dɛ teŋɛ ɡɛ mmara la ta la, o waa fe ɛɛ su Korowii siwii kɛŋɔ o ɛ nɛndɛɛɡe.

Hibru 8:4

Dɛ o fe lɔ harɛ bonɔ naa, o fe aa Sɔfo ɛɛ ba, dɛkalkɛŋɔ sɔfore lɔ harɛ ta dɛɛ ɛ saraha ɡɛ Mosis Mmara aa baɡla la.