Hibru 9:24 - mzwDBL

²⁴ Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

Hibru 9:24 Referans Kwoze

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 9:23

A ɡɛ kwaa la bwa, dɛ Korowii doa kwaa la chaaree a bwa. Dɛ ɡɛɛ chɛ kɛ ba fee doŋa a ta. Kɛ Korowii doa kwaa la te ɡbaɡba la, kwaa baa kpɔa dɛɛ ɛ saraha dɛɛ fee a doŋa la ɡwaa anɔ.

Hibru 8:2

Korowii Dea bini tenten la, belaa wɛɛ di sɔfore. O ɛ Korowii Tɛnte Dea ɡbaɡba, nɛwɛnyini laa doo.

Amanesoma Jɔn Aa Chwera Tɔn 16:28

O bee n le dɛ ba harɛ nɔ ta, taraken n berɔ dɛɛ le bonɔ dɛ kaa o be.”

Kolosi 3:2

Hé ɡel he liire bwa do kwaa aa lɔ nyundua la ta, dɛ́ ɡel kwaa aa lɔ harɛ nɔ ta,

Tɔn Pɔɔl Aa Chwerɛ Rom Tena 8:33

Umee dɛ́ won na Korowii bii waa lee ba nɔ bwara wechɔɡe bɛl dɛ bolɔ? Korowii kwara waa dɛ pa bole la, o ŋɔ ba waa wer dɛɛ su o siwi.

We-ɛɛla 3:21

A chɛ kɛŋɔ Yeesu do nyundua dɛ́ ka tel tɔɔ la wee Korowii aa ɛ wobɛlbwa kɛrɛdɛ ken, ɡɛ waa ɡela o keamere la baɡle la.

Amanesoma Luk Aa Chwera Tɔn 24:51

O Korowii soŋa dɛ tɛɛ ba ta la, o le ba jwɛh, asɛ Korowii kpɔɔ kaa nyundua.

Amanesoma Mak Aa Chwera Tɔn 16:19

Ya Dɔɔ Yeesu aa bol waa ba be tonɛ la, Korowii kpɔɔ kaa nyundua, o ka so nomombɔr o diɡ ta.

Amanesoma Mak Aa Chwera Tɔn 14:58

“Ya noɔ waa dɛ bol ŋɔ wɛɛ paɡre Korowii Dea nɔ nɛwɛnyini aa mao nɔɔ, dɛ́ berɛ kpɔ tɔpera atoro ma onla nɛwɛnyini aa wola mae.”

Kaala 28:29

Saŋ bɛlbwa Arɔn aa jo Boɡoroŋ men Korowii sie la, Israel bii sɔna la ɛɛ dawɛ bambile kon la taa dɛɛ lii Korowii ba waa tɔpere bɛlbwa.

Wepila 8:3

Nyundua torome bɛl balɔ dɛ kpoŋe suuɡaswɛm kon baa kpɔa dɛɛ fuh daawiile a sɔɔh aa soma, dɛ ka che bela baa fuh kwaa ɛ saraha dɛɛ tɛ Korowii la. Ba kpɔ konsɔɔhsoma la kohona tɛo o kpɔ ja Korowii nɛra ba wa aa toɡra wesoŋa la ta, dɛ fuah konsɔɔhsoma la fuih bɔr baa kpɔ suuɡaswɛm ɛo o che kookara la sie la.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

Hibru 9:9

A ɡɛ waa nɔ cheɡɔ dɛ tɛ fini nɔ. A baɡlɔ kɛŋɔ saraha ɛɛ ne konaatena fuih dɛɛ tɛ Korowii aa won ɡel nɛn baa fuh kwaa la dɛɛ tɛo la tea to.

Hibru 8:5

Ba sɔfore toma baa dɛ ɛ la, chaaraa baa chaa ɡɛ baa dɛ ɛa Korowii doa la. A tenten laa. A waa Mosis fa aa dɛ ba Korowii Tɛnte Dea baa dɛ tomɔ o bini la ɛɛ la, Korowii ŋɔ o be ŋɔ, “Nyiŋi dɛ ɛ komɛlbwa kɛrɛdɛ kɛŋɔ maa baɡle bwe la doa la.”

Hibru 6:20

Yeesu aa ɛ Sɔfonomoa saŋ bɛlbwa dɛɛ la kɛŋɔ Mɛlkesɛdɛk la, o koh ya waa dɛ tɔ sie ya nɛɛ jo bela mɔɔ ya ɡe ba.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Amanesoma Jɔn Aa Chwera Tɔn 6:62

Dɛ he fe na Men Nɛn Bie la n berɛ dɛɛ kaa nyundua bela maa lea ba la ɡe sɛ?

Sekaria 3:1

Wepila ane ɡe ta, Korowii baɡle men Sekaria Sɔfonomoa Josua o che Korowii nyundua torome bɛl sie. Asɛ Bɔnsam ɡe ba che Josua diɡ ta dɛɛ ba waa kpɔe dawɛ o nɛ.

Yela 68:18

O teehnɔ kaa nyundua, dɛ lawɛ nɛra waa laɡ ba laa ta kaa, asɛ deŋnekpeɡ tena kpɔ koŋkɛɛla baa tɛo dɛ ŋɔ, Korowii ɛɛ ba so belaa.

Kaala 28:12

dɛ́ lawa pɛ o batakaare la vam nyuune ta dɛ́ che tɛ Israel deene. Gɛɛ sɔna nɔ ɛɛ ba Arɔn vaama ta dawa men Korowii sie, ń kpɔ dɛɛ lii ba wa.

Matiu 18:10

Yeesu berɔ ŋɔ, “Hé nyiŋi kɛrɛdɛ dɛ bɛ n bechajeɡre nɔ bɛlbwa nyiŋi vah. N dɛ ŋɔ he be kɛŋɔ, nyundua toroma baa dɛ nyiŋi ba nɛɛ la won n Mɛɛ sie laŋa saŋ te bɛlbwa.

2 Kɔrent 5:1

Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

Hibru 4:14

Ya dɔ Sɔfonomonjen waa wona la Korowii sie tenten. Onee Korowii Bie Yeesu la. Anomanta, hé ɡel ya lawɛ o waa la yaa dɛ yarada la bini kpoŋe kiŋkiŋ.

Hibru 9:1

Taraken, loɡle fɔo Korowii ne o nɛra fa aa fɔwa la ɡba fa dɔ mmara baa cheɡɛ o ta dɛɛ tomɛ Korowii, dɛ dɔ bela baa dɛ tomɛ Korowii harɛ nɔ ta,