Hibru 3:15 - mzwDBL

¹⁵ Korowii Tɔn bolɔ ŋɔ, “Dɛ he no Korowii waa fini naa, he bɛ deŋnekpeɡ ɛ kɛŋɔ he naawa fa aa ɛ deŋnekpeɡ dɛ vɛh o waa noe dɛ jo o nɛɛ la.”

Hibru 3:15 Referans Kwoze

Yela 95:7

Onee Korowii yaa dɛ tomɛ, o nɛraa yan wɛɛ nyiŋi ya nɛɛ kɛŋɔ peteɡre yon dɛɛ nyiŋi peera nɛɛ la ken. Waa Korowii aa dɛ bol he be fini laanee nɔ,

Hibru 10:38

Nɛn o wa aa toɡra dɛ su n siwi la te la, wɛɛ yarada mɛɛ dɛ́ dɔ mkpa. Kɛ dɛ o le habɔɔ te naa, n sie aa o nɛɛ lɛɛ ba.”

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Hibru 4:7

Korowii berɔ kwaa do tɔpefale, dɛ pa o sɔn “fini.” A habɔɔ aa biɡra la, Korowii cheɡɛ Devid nɛɛ dɛ bol ɡɛ tɔpere nɔ wa. Anee n faa bol la. “Dɛ he no Korowii waa fini naa, he bɛ deŋnekpeɡ ɛ.”