Hibru 3:13 - mzwDBL

¹³ Anomanta, hɛ́ɛ ja dɔŋa tɔperee bwa mɔɔ tɔpere la o Domadɛɛɡe aa bol o waa dɛ ŋɔ “fini” la ɡarɛ, ásɛ wechɔɡa bɛ heyaa ba neɡre, he deŋne ba do kpeɡri.

Hibru 3:13 Referans Kwoze

1 Tesalonika 5:11

Anomanta, hɛ́ɛ do dɔŋa ɡbemba dɛɛ cha dɔŋa, ɡɛ haa dɛ ɛ nɔ.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

1 Tesalonika 4:18

Anomanta, hé kpɔ waa nɔ dɛɛ larawe dɔŋa bwara.

Tɔn Pɔɔl Aa Chwerɛ Rom Tena 7:11

Liichɔɡa nao kɛŋɔ a dɔ bɔr name. Mmara taa a che dɛ neɡ mɛ, dɛ taɡ mɛ do seo ta.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

Jems 1:14

Dɛ waane pu nomɛl o ɛ wechɔɡa aa, o ɡbabir pɛla waa dɔa laanee ɡela o ɛ wechɔɡa.

Ɛfesos 4:22

Taraken hé ɡel he dabene la ne waa he fa aa dɛ teŋɛ a ta la. He pɛlchɔɡaa neɡre he bwa dɛɛ chɔɡ he da la. Hé ɡel webena la bwa,

Obadia 1:3

He mbarafo neɡre heya. He soɡe bɔɔne bini bwejena dor, dɛ yon ŋɔ, ‘Umee dɛ́ won ba n ne harɛ nɔ?’

Sɛɡla 28:26

Nomɛlbwa waa kpɔ o te ɛɛ dawɛ o ɡbaɡba liire ta la ɡɛnɔ, kɛ nɛn waa dɛ teŋɛ wejerema waa ta dɛ́ dɔ o nyu.

1 Tesalonika 2:11

He nao ɡɛ yaa do he bini bɛlbwa ɡbemba ɡɛ baa yon dɛɛ ɛ o bii la.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Hibru 13:22

Yabala, n dɛ soŋe heyaa kɛŋɔ he lawɛ bambile, dɛ́ no waa nɔ maa chwera dɛ kpɔ dɛɛ ja heyaa nɔ. He nyiŋo na naa, tɔn nɔ maa chwerɛ heyaa nɔ aa jaŋɛ bɛlbwa.