Hibru 3:12 - mzwDBL

¹² Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.

Hibru 3:12 Referans Kwoze

Jeremia 17:5

Waa Korowii aa dɛ bol laanee. “Nomɛlbwa waa kpɔ o te dawɛ nɛwɛnyini nɛ, dɛɛ hwɛɡɛ o bokpeɡa ta dɛ berɛ habɔɔ kpo men Korowii la, o bwɛɛlɛ.

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Jeremia 18:12

Kɛ baa chaŋo ŋɔ, ‘A bɛlbwa ta tɔnɔ dɔe. Ya ɡbabir ɛɛ dɛɛ nyiŋi ya we-ɛɛla taa, ásɛ bɛlbwa ɛɛ teŋɛ o bambikpeɡ ne o wechɔɡa waa ta.’ ”

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

1 Kɔrent 10:12

Anomanta, nomɛlbwa waa dɛ lii kɛŋɔ o cheɡɛ kiŋkiŋ Yeesu Kristo waa nɔ ta la, wɛ́ɛ nyiŋi kɛrɛdɛ dɛ bɛ naa ba lɔ.

Hibru 10:38

Nɛn o wa aa toɡra dɛ su n siwi la te la, wɛɛ yarada mɛɛ dɛ́ dɔ mkpa. Kɛ dɛ o le habɔɔ te naa, n sie aa o nɛɛ lɛɛ ba.”

Jeremia 11:8

Kɛ ba ta deŋne cheɡɛ dɛ no n be. Dɛɛ teŋɛ ba deŋnekpeɡ we-ɛɛla ne wechɔɡa ta. Anomanta, n kpɔ taahna bwa aa lɔ fɔo la maa do ba ŋɔ ba fe ɛɛ teŋɛ a ta la ba ta ba nɛ, dɛkalkɛ ba ta n waa la noɛ.”

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Jeremia 16:12

kɛ he wedoŋa berɔ ɡwaa anɔ la he naawa aa ɛa. He bwa ɛ deŋnekpeɡ tena dɛɛ ɛ wechɔɡa, haa men duu.

Hibru 3:10

Anomanta, n baah di ɡɛ nɛra la nɛ, asɛ n ŋɔ ba bambile ta n waa lawɛ bwa, asɛ ba vɛh n waa ta teŋa.

Amanesoma Mak Aa Chwera Tɔn 13:33

Hɛ́ɛ nyiŋi kɛrɛdɛ, hɛ́ɛ do dɛɛɡɔ, dɛkalkɛŋɔ haa tɔpere la jemɛ.

Matiu 24:4

Anee Yeesu chaŋ ba ŋɔ, “Hé nyiŋi kɛrɛdɛ dɛ bɛ ɡel nomɛlbwa neɡre heya.

Jeremia 3:17

A ɡɛ saŋ la, baa yerɛ Jerusalam ‘Korowii Kookara’ bɔree, ásɛ harɛre nɛra bwa ba bela dɛ́ baa tom mɛ. Baa ba wechɔɡa ne deŋnekpeɡ we-ɛɛla la taa teŋɛ kpa.

Jeremia 2:13

Wechɔɡa anɛɛ n nɛra ɛɛ mɛ, ba vɛh men maa do kɛ bule, o nee aa lole saŋ bɛlbwa, dɛ ka kwi bɔɔne aa won nee lɛɛ, bɔɔne aa peɡra aa wola won lɛ ne.

Sɛɡla 1:32

Gɛna dɛ sewɛ wejema baa vɛah wa, dɛkalkɛŋɔ ba kpɔ wejema dɛɛ ta habɔɔ, baa sie waa ta do.

Amanesoma Mak Aa Chwera Tɔn 13:9

Hé ɡbaɡba ɡe nyiŋi kɛrɛdɛ. Baa larawe heyaa dɛ la he ne nomonome sie, dɛ́ lɔɔ heyaa cheremi deene bini. Men nomanta hɛɛ che Abane nomonome ne koranar siinii dɛ́ bol Korowii Amanesoma la baɡ ba.

Hosia 1:2

Korowii aa pa mun che Hosia nɛɛ dɛɛ bol waa Israel tena be la, o ŋɔ o be ŋɔ, “Ka mo haah, kɛ wɛɛ le he habɔɔ dɛ́ lolɛ sɛmbii, ásɛ ba ir dɛ́ do kɛŋɔ ba nya. Gɛɛ n nɛra Israel tena waa aa wola kasinteŋii dɔ tɛ mɛ, dɛ́ le n habɔɔ.”

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

Yela 18:21

N teŋɛ Korowii waa ta, n ta wechɔɡa ɛɛ dɛ vɛoh.

Job Tɔn 22:17

Ba ŋɔ Korowii be ŋɔ, ‘Gel yaa! Bɔkwaa hen Haa Ɛ Kpeɡri Bwa Dɔɔ ɛɛ ba wona ɛ yaa ɔ?’

Tɔn Pɔɔl Aa Chwerɛ Rom Tena 11:21

Israel tena kwaraa baa ɛ daa la tenten pera la, Korowii kɛ ba ta. He tenee dɛ ɛ deŋnekpeɡ, waa wola heyaa kɛ ta aa?

Amanesoma Luk Aa Chwera Tɔn 21:8

Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. Nɛra pirim ɛɛ kpɔ n sɔnee ba dɛ́ ba ŋɔ banee men, dɛ́ ŋɔ tɔpere la telo. He bɛ ba nɛɛ teŋɛ.

Amanesoma Mak Aa Chwera Tɔn 13:23

Hɛ́ɛ nyiŋi he te kɛrɛdɛ! N dɔɔ baɡle waa aa dɛ ba ɛɛ mɔɔ tɔpere la ba.

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

Job Tɔn 21:14

Ane a bwa, ba dɛ bol Korowii be ŋɔ, ‘Gel ya so ya soɡa jeiih ken! Yaa he waa la nyin dɛɛ teŋɛ a ta.

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Kolosi 2:8

Webaɡla ane lole bane ɛɛ baɡle dɛɛ yera wejema. Hé nyiŋa kɛrɛdɛ. A ɛ nyosone kɛɛ wepuu ba kpɔ dɛɛ neɡre nɛra. Nɛwɛnyini nawee waa, ne koŋkwaa aa dɛ di kpeɡri harɛ nɔ ta wejema waa baa baɡle la. Yeesu Kristo be laa a le.

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

Hibru 3:19

He ta nae kɛŋɔ ba yarada bɛ dɔe waa Korowii aa wola ban ŋwɛnɛ tɛɛ ba dɔ ona waa dɔa tɛɛ ba la aa?

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Hibru 10:31

Wobɛlbwa toole dɛ do ɔma, kɛŋɔ haa ɛ wechɔɡ-ɛɛ dɛ jo Korowii waa lole saŋ bɛlbwa la nɔn ta.

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Ɛsekeɛl 14:5

Gɛɛ mɛɛ ba ɛɛ dɛ́ dɔ Israel tena bwa baa vɛɛh mɛ dɛ kaa tomɛ voɡa la, ásɛ ba berɛ ba n be.’