Hibru 2:2 - mzwDBL

² Waa Korowii fa aa kpɔa tɛ o nyundua toroma ba bol la ɛo kɛ mmarakpeɡ bɛl. Nomɛlbwa waa wola a ta teŋɛ la, bá tɛr o deŋne ɡɛ aa chɛa.

Hibru 2:2 Referans Kwoze

We-ɛɛla 7:53

He nɔn taa nyundua toroma kpɔ Korowii Mmarare la ba do, kɛ he ta a ta teŋɛ!”

Galaasia 3:19

Aah dɛ bɔkwa waa Korowii tɛ yaa Mosis Mmara laɔ? Wechɔɡa jema waa o kpɔa ja yaa. Korowii ɛo kɛŋɔ Mmara la do le dɛ́ ka tel kɛŋɔ Abraham naa la aa bala. Abraham naa nɔɔ Korowii baɡɛ nyoa la. Nyundua toromaa Korowii ɡel ba ba Mosis Mmara la ne ba tɛ yaa. Nɛn nɛɛ nyundua toroma la ba chiɡ dɛ kpɔ Mmara la tɛo, asɛ o ɡe kpɔ tɛ ya naanar.

Hibru 10:28

Nɛn koni Mosis Mmara, asɛ nɛra banɛ ne batoro di danseɛ tiao o waa waa ɛa la ta naa, baa o nɛɛ sune, kpoe baa kpoo.

Tɔn Jud Aa Chwera 1:5

N jemɔ kɛŋɔ he jemɔ, kɛ n dɛ nyin kɛ n lii heyaa ɡɛ Korowii fa aa lɛ Israel tena le Ijipt tena nɔn ta, asɛ a habɔɔ bane aa wola o waa yaradae, o kpoo ba la.

Mmarare 27:26

Ásɛ ba berɛ ŋɔ, ‘Nomɛlbwa waa wola Korowii Mmarare ne o webaɡla ta teŋɛ la, Kórowii taahno.’ Israel tena la bwa chaŋe ŋɔ, ‘Aamen!’ ”

Hibru 11:26

O nyiŋi sihiih waa koh Kristo waa dɛ di la kɛŋɔ a wer o be dɛ ɡwaa kondɔɔhkwaa a fa aa lɔ Ijipt harɛ la, dɛkalkɛŋɔ dɛ o dɛ nyiŋi tɔpere la Korowii aa ba bɔ nɛra bwa kem la ŋwɛnɛ.

Hibru 10:35

Anomanta, he bɛ ɡel he bambile chɔɡ he yaradae haa dɛ yarada Korowii Bie la. A dɔ kembɔr kohona.

Mmarare 17:12

Dɛ nomɛl baah suu o ta waa nɛn waa dɛ pa bole kɛɛ sɔfo waa cheɡɛ Korowii haa dɛ tomɔ la naa ta waa ta teŋaa, kpoe chɛ kɛŋɔ bá kpoo. Gɛ ŋwɛnɛ nɔ taa hɛɛ ba cheɡa, dɛ́ le ɡɛ wechɔɡa la ne Israel harɛ ta.

Mmarare 17:5

Hé lawɛ ɡɛ nɛn la le bwɛɛ la dahara, dɛ́ ka foɡro bwea kpo.

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.

Hibru 1:1

A saŋ la dɛ Korowii cheɡɛ o keamere nɛɛ dɛɛ bol waa ya naawa be. Kera aŋwɛnɛ bwaa o bol waa ba be. Dɛ ŋwɛnɛre waa cheɡɛ a ta dɛɛ bol waa ba be fuuh.

Yela 68:17

Korowii dɔ kwaa aa do kɛ torɔɡore, baa wola won kura, dɛ le Sinai Bwejen ta, dɛɛ ba o Dea la ta.

Mmarare 17:2

Dɛ a kaa ba kɛŋɔ he noɔ kɛŋɔ baa kɛɛ haah ɛ wechɔɡa, dɛ chɔɡ he ne Korowii haa dɛ tomɔ nɔ fɔo he bwɛɛre la bɛlbwa ta,

Nɛra Kura 25:9

Nɛra baa serewe weechɔɡa la ta lɔ nɛra kaɡboŋa fifraanɛ dɛ banaarɛ.

Nɛra Kura 21:6

Belaa Korowii ɡel harɛkonchɔɡa ba ba baah, dɛ choɡri ba ɡalɡa ba serewe.

Nɛra Kura 16:49

Nɛra kaɡboŋa fi dɛ banaarɛ lafraanuanɛɛ sewa weechɔɡa la ta, dɛ ja banɔ la baa koh Kora waa sewɛ la nɛ.

Nɛra Kura 11:33

Ba taa lɔ ola la ta dɛɛ chwe aa wola tonɛ la, Korowii baah di ba nɛ, asɛ o kpɔ weechɔɡa ane ba ta ba nɛ.

Mmarare 32:2

N webaɡla ɛɛ ba he bee kɛŋɔ bwaala aa dɛ wiri, n wobol do kɛŋɔ chɔɔlen mɛn, ne bwaala wira waa ɡela kpɔɡa ɛɛ le la.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.