Hibru 13:2 - mzwDBL

² He bɛ soh kɛŋɔ a chɛ kɛ hɛɛ lɛ hɔɔhra dɛɛ nyiŋ ba kɛrɛdɛ. Bane ɛ ɡɛ dɛ nyiŋi nyundua toroma, dɛ baa jemɛ.

Hibru 13:2 Referans Kwoze

Matiu 25:35

dɛkalkɛŋɔ lɔr aa dɛ kpo mɛ la, he tɛ mɛ kondikwaa n di, nyɔɡre aa dɛ kpo mɛ la, he tɛ mɛ nee n nyɔ. Maa ɛ hɔɔh la, he kpɔ mɛ kaa he deremi,

Mumpar 18:1

Awola webaŋkpela bɛl, Abraham soɡe o tɛnte dea doonyoa Mamre dajena la bɔr, asɛ Korowii berɛ ba o be ja.

Tɔn Pɔɔl Aa Chwerɛ Rom Tena 12:13

Hɛ́ɛ tɛ he dɔŋa asɔre tena ba soɡa bini aa kpeɡa tɛɛ ba he kwaa haa dɔa la ane. He bɛ hɔɔhra dɛɛ doŋi he deremi.

1 Pita 4:9

He dɔŋ baa choɡe naa, lɛo, bɛ waa dɛɛ naɡre.

Matiu 25:43

Maa ɛ hɔɔh la, he ta men lawɛ kaa dem, maa valɛ mumɡbal ɡe la, he ta men yal tɛɛ ń tɔ. N bwara wee mɛ, ba do mɛ dea ɡe, kɛ he ta balɛ dɛ ba na mɛ.’

Taetos 1:8

A chɛ kɛ o ɛ nɛn waa dɛ nyin hɔɔhra lɛɛ, dɛɛ nyin wedɛɛɡa, dɛ dɔ nfɛrɛ kɛrɛdɛ, o waa do kaih, wedoŋa bɛlbwa aa wola toole o nɛ, wɛɛ lawɛ o te kɛrɛdɛ.

Job Tɔn 31:32

Kɛɛ hɔɔh bɛlbwa ta fɔɡbaah chɔe jwaana, dɛkalkɛ saŋ bɛlbwaa mɛɛ lɛ hɔɔhra n dem,

Lewi Dea Tena 19:34

Hɛ́ɛ ɛɛ ba kɛŋɔ he bala Israel tena, dɛ́ɛ nyin ba wa kɛŋɔ he ɡbaɡba. He na kɛŋɔ he ɡbabir fa ɛ hɔɔhra Ijipt harɛ ta ka. Menee Korowii haa dɛ tom mɛ la.

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.

Tɔn Pɔɔl Aa Chwerɛ Rom Tena 16:23

Men Pɔɔl dea te Gayos dɛ na heya. O deemii bonɔ asɔre tena ɛɛ cheme. Erastos waa dɛ cheɡ bwɛɛ nɔ suuɡa la, o ne ya dɔŋ Kwaatos bwa dɛ na heya.

Aesaya 58:7

Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

We-ɛɛla 16:15

Ya sɔ o ne o dem tena bwa Korowii ne, asɛ o soŋe yaa ŋɔ, “Dɛ he jemɔ ŋɔ n dɛ tomɛ Korowii kɛrɛdɛ naa, amɔ hé ba so n be.” O soŋe yaa, asɛ ya kaa o dem.

Job Tɔn 31:19

dɛ n na nomɛl waa dɛ ba sewa yal bɛ dɔe wa, kɛɛ nyaa waa wola komɛlbwa dɔe dɛ́ tɔ,

2 Koranar 4:8

Awola bɛl, Elaesa la bwɛɛ bɛl baa dɛ yerɔ Sunem ta, dɛ haah bɛl o nɔn bini aa wera lɔ bela. Haah la yerɛ Elaesa la o dem o ne o ka di kwa. Le awola tɔpere dɛɛ kaa la, Elaesa aa kpɔ bwɛɛ la ta baa kaa bwa, ɡɛɛ o la dem bela dɛ ka di kwa.

Mumpar 19:1

Nyundua toroma la tel Sodom jɔmɔrane. Dɛ Lɔt soɡe bwɛjen la doonyoa baa cheɡɛ o ta dɛɛ jo la ta. Waa na ba la, o iro dɛɛ chem ba, asɛ dɛ ba harɛ dɛ kpɔ sie pi harɛ dɛ ŋɔ,

3 Jɔn 1:5

N dandɛɛɡe, ɡɛ he yon lɛ asɔre tena haa wola ban jemɛ kwara, kɛ dɛ won kpɔ ba ka dawɛ he nɛɛ dɛɛ nyiŋ ba la, he dɛ teŋɛ ŋwɛnɛ la ta kɛrɛdɛ.