Hibru 13:17 - mzwDBL

¹⁷ Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Hibru 13:17 Referans Kwoze

1 Timoti 5:17

Asɔre nomonome la baa dɛ tɔ asɔre tena sie kɛrɛdɛ la chɛ kembɔr bele anɛ. Banee kɛŋɔ banɔ la ba sie aa dɛ beɡre Korowii Waa la bola ne a chaɡla ta la,

Hibru 13:7

Hé nyiŋi he nomonome ba fa aa bol Korowii waa dɛɛ baɡle heyaa la. Hé nyiŋi ɡɛ ba fa aa teŋɛ Korowii ŋwɛnɛ ta dɛ ba serewe, dɛɛ yarada Korowii ɡɛ ba fa aa dɛ yaradao la.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

Jeremia 13:17

Kɛ dɛ he vɛh o waa la noe yaa, sɔeh mɛɛ ba sɔeh dɛ́ wi, he mbarafo wa. Mɛɛ wiu kohona siniire yɔɔ mɛ, lawa baa lawɛ Korowii nɛra laa ta kaa bojaŋ harɛ ta la wa.

1 Kɔrent 16:16

Anomanta, n dɛ soŋe heya, hɛ́ɛ no nomɛlbwa waa do ken ne nɛra baa ja ba nɛɛ dɛɛ koh toma nɔ ta la deŋna wa.

Felepae 2:12

Anomanta, n dandɛɛɡa, ɡɛ haa dɛ no n waa dɛɛ teŋɛ a ta ɡɛ saŋ n fa aa lɔ he be la, a hiaoh kohona kɛŋɔ maa wola toole he be nɔ, hé ta kpoŋe ɡɛ. Korowii aa lɛ heyaa nɔ, hé kpɔ duure ne ɔmee dɛ́ɛ teŋɛ toma haa dɛ tomɛ Korowii la ta,

Kaala 32:31

Anomanta, o la Korowii be dɛ ka soŋo ŋɔ, “N Naa Korowii, nɛra nɔ wechɔɡa baa ɛa kan kohona to. Ba kpɔ suuɡaswɛm kwaa voɡa dɛɛ toma.

Felepae 2:29

Hé kpɔ silɛɛ dɛ́ lɛo, teŋa he ne o bwa aa dɛ teŋɛ ya Dɔɔ nɛɛ la nomanta. Hɛ́ɛ duu nɛra baa do kɛŋɔ on.

Tɔn Pɔɔl Aa Chwerɛ Rom Tena 14:12

Anomanta, ya bɛlbwa ɛɛ baɡle o toma waa ɛa Korowii siee.

2 Tesalonika 3:14

Dɛ nomɛlbwa ta sɛɛh kɛ wɛɛ teŋɛ ɡɛ yaa ŋɔa tɔn nɔ bini nɔ taa yaa, hé nyiŋu kɛrɛdɛ. He ne o bɛ pɛ dɛɛ ɛ wobɛlbwa, ásɛ sihiih kpoo.

Hibru 13:24

Ya dɛ na he nomonome la bwa, ne Korowii nɛra la bwa. Yabala Itali harɛ tena la ɡe dɛ na heya.

Aesaya 62:6

Jerusalam, n kpɔ nɛra ba so he danjwɛɛre ta baa daahne. Baa nyoa tɔ webaŋa ne jwaana bwa. Baa lii Korowii o nyobaɡa la waa, ásɛ o bɛ he waa soh.

Felepae 4:1

Yabala haa ɛ n nɛnnyina, he pɛla laɡ mɛ. He bee n silɛɛ do, he waa baa ba men tɔɔ dawa. Anomanta, n dandɛɛɡa, hé che kiŋkiŋ pɛɛ ya ne ya Dɔɔ aa pɛa la ta.

Felepae 3:18

dɛkalkɛŋɔ nɛra warɔ baa wola ɡɛ ŋwɛnɛ la ta teŋɛ. N fa baɡle ba waa he be kera aŋwɛnɛ bwa, dɛ berɛ dɛɛ baɡle heyaa taraken sinii ne ŋɔ ba ɛ Yeesu Kristo seo waa sewa daɡaɡre la ta la waa dɔm.

Jems 4:7

Anomanta, hé kpɔ he te tɛ Korowii ásɛ dɛ no o be. Hé yo Bɔnsam. Wɛɛ chwao le he be.

Felepae 1:4

dɛ́ yon kpɔ silɛɛ dɛ́ soŋo dɛɛ tɛ he bwa,

Amanesoma Luk Aa Chwera Tɔn 16:2

Anee suuɡate la tomɛ nɛn o ka yerɛ o bonɔɔ la, asɛ o ŋɔ o be ŋɔ, ‘N dɛ no waane kɛ he dɛ di n suuɡa. Ka kpɔ he tɔn ba, dɛ́ ba baɡ mɛ suuɡa aa jo he nɔn ta, ne ɡɛ haa ɛ a ne, ásɛ dɛ kpɔ n kwaa do n nɔn ta, dɛkalkɛ maa ɡel he nyiŋi n kwaa ta kpa.’

Sɛɡla 5:13

N ta nɛra baa baɡ mɛ waa la be noɛ, n ta nɛra baa do mɛ la waa ta teŋɛ.

1 Samoɛl 8:19

Kɛ ane a bwa, nɛra la vɛoh ba ta Samoɛl waa la noɛ. Ba ŋɔ, “Ya dɛ nyin kooro ó baa nyiŋi ya nɛ.

Mumpar 16:9

Asɛ Korowii nyundua torome la ŋɔ o be ŋɔ, “Berɛ kaa o be dɛ́ kaa tomɔ.”

Felepae 2:16

Hé ɡel Korowii wa aa dɔ mkpa la do he bambile bini kɛrɛdɛ dɛɛ la, ń won hɛɡre he waa Yeesu Kristo bala tɔpere la ta kɛŋɔ n ta koɛh ta pɛɛ.

Ɛfesos 5:21

Hé bwa ɛɛ no dɔŋa be ɔma haa dɛ ɔmɛ Yeesu Kristo la nomanta.

Ɛsekeɛl 33:2

“Nɛwɛnyini bie, bol he bwɛɛ tena la be ŋɔ dɛ n ba laa ne harɛ la ta, asɛ ba le ba bini bɛl ŋɔ wɛɛ daah harɛ la,