Hibru 12:7 - mzwDBL

⁷ Hé lawɛ bambile wahala haa dɛ na ta, dɛ nyiŋa kɛŋɔ he Mɛɛɛ dɛɛ tɛr he deŋne. He deŋnetɛra la chaɡlɔ kɛŋɔ Korowii kpɔ heyaa ɛ o bii, dɛkalkɛŋɔ bie bɛlbwa toole o mɛɛ aa wola o deŋnee tɛr bwa.

Hibru 12:7 Referans Kwoze

Sɛɡla 19:18

Kah he bii, ba nɛɛ he dɔ hwɛɡa kerekere, dɛ ɡɛ laa aa, hɛɛ ɡeloo ba chɔɡ.

Mmarare 8:5

Hé jemɛ kɛŋɔ, ɡɛ nɛwɛnyini aa dɛ tɛr o bie deŋne la, ɡɛɛ Korowii haa dɛ tomɔ ɡe ɛɛ ɛ heya.

Sɛɡla 29:15

Bechala deŋnetɛra wer dɛɛ tɛo wejema, kɛ he ta o nyu tɛo waa, o kpɔ sihiih dɛɛ kpo o nya.

Sɛɡla 13:24

He dɛ fah he bie nyu aa, dɛ haa on nyin, kɛ dɛ he dɛ nyinu waa, he do sie dɛɛ kaoh buɡ ta.

Sɛɡla 29:17

He do he bii kɛrɛdɛ naa, ba ɡelɔ hɛɛ dɔ deŋnesɔɔhna ne bambisɔɔhna.

2 Samoɛl 7:14

Mɛɛ ɛ o mɛɛ, ásɛ o ɛ n bie. O ɛ wechɔɡa aa, mɛɛ tɛr o deŋnee kɛŋɔ mɛɛ yon dɛɛ tɛr o bie deŋne o wechɔɡa waa la.

Sɛɡla 22:15

Gɛnewa lɔ bechala bɛlbwa bambile ta, kɛ dɛ he kpɔ chweema toɡro waa, o dɛ jemɛ wa.

1 Koranar 1:6

O mɛɛ Kooro Devid ta wobɛlbwa bolɛ baɡlo, dɛ bɔɔro ŋɔ, “Ɛrɛɛ hɛɛ ɛ waa ɡɛ nɔɔ?” Dɛ Adonijaa teŋɛ o dɔɔ bɛl waa sewa baa yerɔ Absalɔm la nɛ, dɛ o wer bonɔɔ kɛrɛdɛ.

1 Samoɛl 3:13

N tɔ sie ɡel o jemɛ kɛŋɔ mɛɛ tɛr o ne o dem tena deŋnee o bibaala waa baa bola yaɡ mɛ la wa, dɛkalkɛ o ta ban kasinteŋ dii.

1 Samoɛl 2:34

Waa aa pu he bibaala banɛ Hofni ne Fenehas laanee kɛ, ba bwa ɛɛ pɛo sewɛ tɔpebeŋkpoŋ, ásɛ he jemɛ kɛŋɔ waa maa bola la ɛ kasinteŋ.

1 Samoɛl 2:29

Ɛrɛɛ n saraha kwaa ne kwaa baa dɛ kpoora, n lea cheɡ ŋɔ bá kpɔ baa tɛ mɛ bela maa lole la, he nyiŋa dɛɛ vah nɔɔ? He duu he bibaala dɛɛ ɡwaa mɛ, saraha kwaa n nɛra Israel tena aa kpɔa baa tɛ mɛ la, he kpɔ a bodɛɛɡa bɔra la di dɛ je faɡra.’

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

1 Kɔrent 11:32

Ya Dɔɔ aa dɛ nyiŋi ya waa bini taraken nɔ, o dɛ tɛr ya deŋne ásɛ ya ɡel wechɔɡa ɛɛ, ásɛ ya bɛ nɛra baa dɔ harɛ nɔ ta liire wɛɛ ba ban bolchɔɡe pae la nɛɛ ja.