Hibru 12:3 - mzwDBL

³ Hé nyiŋi ɡɛ nɛnchɔɡa fa aa haoh dɛɛ chɛɡro, asɛ o lawɛ bambile la, ásɛ bɔhwaah bɛ heyaa lawɛ, he le habɔɔ.

Hibru 12:3 Referans Kwoze

Galaasia 6:9

He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.

2 Kɔrent 4:16

Ken nɔ nomanta, bɔhwaah aa yaa lawɛ. Tɔ aa dɛ per nɔ bwaa ya bwadabii ɡwɛɡre dɛɛ la. Kɛ ya bini te la, kpeɡrii ya yarada do dɛɛ la.

Wepila 2:3

He lawɛ bambile dɛ koh n waa dɛ na wahala, kɛ dɛ ta lawɛ a bini.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

2 Kɔrent 4:1

Korowiirii sune ya nɛɛ dɛ tɛ yaa toma nɔ, anomanta, ya bwara aa yaa hwah.

Amanesoma Jɔn Aa Chwera Tɔn 5:16

Baa noa kɛŋɔ Yeesuu ɛ a ɡɛ waa nɔ Ona Tɔpere ta la, belaa ba pa mun haoh, dɛkalkɛ dɛ o chɔɡ ba Ona Tɔpere Mmara.

1 Samoɛl 12:24

Hé nyiŋi kɛrɛdɛ dɛ́ɛ teŋɛ Korowii waa ta dɛ́ɛ tomɔ kasinteŋ ne bambile bwa ne, dɛ́ɛ lii wejena waa ɛa tɛ heya la.

Hibru 12:5

He soh ɡɛ Korowii aa kpɔ heyaa ɛ o bii dɛ ja heyaa la aa? Ba chwerɔ ŋɔ, “N bie, dɛ Korowii dɛ tɛr he deŋne aa, bɛ an wesale lii. Dɛ o dɛ toɡre naa, bɛ ɡel a hwah he bwara,

Amanesoma Luk Aa Chwera Tɔn 14:1

Awola Ona Tɔpere bɛl, Yeesu la Farisii tena nomonome la bɛl dem dɛɛ la ka di kwa, asɛ nɛra baa lɔ bela la ɛɛ nyiŋu dɛɛ kari waa waa dɛ ɛ bwa.

Mmarare 20:3

‘Israel tena, fini he ne he dɔma dɛ ba yoi, anomanta, he bɛ ɡel he bwara yɔr, he bɛ ɡel he bwara ɛɛ sa, he bɛ ban ɔmɛ.

2 Tesalonika 3:13

Yabala, hé ɛ wedɛɛɡa dɛɛ la, dɛ bɛ ŋɔ he koɔh.

Amanesoma Jɔn Aa Chwera Tɔn 18:22

Yeesu aa chaŋe waa la ɡɛ la, dɛ Sɔfonomoa la bonɔɔ bɛl cheɡɛ o jwɛɛh asɛ dɛ kpaa o lwɛɛma, dɛ kɔro ŋɔ, “Kenii chɛ kɛ he chaŋe Sɔfonomoa aa?”

Amanesoma Jɔn Aa Chwera Tɔn 8:52

Anee Juu tena la ŋɔ, “Ya ta ŋɔe yaa? Kwaa dɛ ir o nɛ. Ya nabaa Abraham ne Korowii keamere la ɡba serewɔ, ɡɛɛ he te ŋɔ nomɛlbwa waa no he waa nɔ dɛ́ teŋɛ a ta la aa sewɛ bwa naa?

Aesaya 50:4

Nemenɛ Korowii baɡ mɛ n jemɛ wobol, dɛ kpɔ dɛɛ do nɛra baa koah ɡbemba. O laɡ mɛ dɛɛ ir chɔɔ bɛlbwa dɛ ɡel mɛɛ no waa waa dɛ ba n baɡla.

Sɛɡla 24:10

Waa ba he nɛɛ dɛ he ta wone che kiŋkiŋ naa, dɛ he bokpeɡa aa kanɛ kpa.

Amanesoma Jɔn Aa Chwera Tɔn 8:59

Belaa ba pa bwea ŋɔ ba dɛ foɡro, asɛ o sɔh dɛ le Korowii Dea bela kaa.

Amanesoma Jɔn Aa Chwera Tɔn 8:13

Belaa Farisii tena la ŋɔ o be ŋɔ, “Henee bol he waa dɛ ɡbaɡba berɛ di he te danseɛ, anomanta, nyosonee hɛɛ teŋe.”

Amanesoma Jɔn Aa Chwera Tɔn 7:12

Dɛ nɛnlaa la kɛrɛdɛ dɛ ŋwalɛ o wa. Bane ŋɔ, “O ɛ nɛndɛɛɡe.” Bane ɡe ŋɔ, “Akai, nɛra ɡboo wɛɛ neɡre.”

Amanesoma Luk Aa Chwera Tɔn 16:14

Farisii tena la aa no ɡɛ la, ba chwee Yeesu, dɛkalkɛ dɛ ba dɛ nyin suuɡa taeh.

Amanesoma Luk Aa Chwera Tɔn 15:2

Anee Farisii tena ne Tɔnjerema bane ŋwalɔ dɛ ŋɔ, “Gɛ baa nɔ dɛ lɛ wechɔɡ-ɛɛra o ne ba yon pɛ nɔn dɛɛ di kwa.”

Amanesoma Luk Aa Chwera Tɔn 5:21

Asɛ Tɔnjerema la ne Farisii tena baa soɡe bela la lii ba nyu bini ŋɔ, “Ɛrɛɛ o do dɛɛ bol nɛnhɛlwaa ɡɛ nɔɔ? Dɛ Korowii laa aa, umee dɛ́ won kpɔ nɛn wechɔɡa kɛo wɔ?”

Amanesoma Luk Aa Chwera Tɔn 2:34

Simeon soŋe andɛɛɡa tɛ Yeesu nya ne o mɛɛ, dɛ ŋɔ o nya be ŋɔ, “Hé no waa nɔ! Bie nɔ cheɡɔ tɛ Israel tena bane kwaara ne bane chɔɡa. Wɛɛ berɔɔ che tɛ Korowii, ásɛ nɛra bol waa yaɡɔ,

Matiu 22:15

Farisii tena la le bokɛre dɛ ka vɔrɔwe ɡɛ baa ɛ dɛ́ dɔ Yeesu lawɛ webɔɔra ne.

Matiu 21:46

Anomanta, dɛ ba fe dɛ nyin o lawa. Kɛ ba berɔ ɔmɛ nɛnlaa la, dɛkalkɛ dɛ ba te dɛ yerɛ Yeesu Korowii keame.

Matiu 21:23

Yeesu berɔ la Korowii Dea, dɛ kaa chaɡle nɛra Korowii Wa. Asɛ Sɔfonomonome ne bwɛɛ la nomonome ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”

Matiu 15:2

“Ɛrɛ waa he habɔteŋra nɔ ɛɛ jo ya kii nɛɛ nɔɔ? Sama ya naawa aa baɡle yaa ŋɔ yá samɛ nɔɔra mɔɔ dɛɛ di kwaa la, baa ɡɛ ɛ!”

Matiu 12:24

Farisii tena la aa no waa nɛra la aa dɛ bɔɔ dɔŋa la, ba chaŋe ŋɔ, “Kwaa aa dɛ ir nɛra nɛɛ bwa kooro Bɛlsebulee tɛo kpeɡri o won kwaa doŋa nɛra nɛɛ la.”

Matiu 11:19

Asɛ Men Nɛn Bie la te aa bala la, n di kwa, dɛ nyɔ sen ɡe, asɛ nomɛlbwa berɛ ŋɔ, ‘Hé na baa nɔ! Kondikondidii ne sennyɔɔree on. Toɔ lɛɛra baa dɛ bɔ nɛra apoo ne wechɔɡ-ɛɛraa ɛ o daamanar.’ ” Waa bol ɡɛ tonɛ la, anee o ŋɔ, “Wejereme bɛlbwa we-ɛɛla taa a che baa jemɛ kɛ o ɛ wejereme.”

Amanesoma Jɔn Aa Chwera Tɔn 9:40

Dɛ Farisii tena bane lɔ bela. Baa no ɡɛ la, ba bɔɔro ŋɔ, “Amɔ ya ɡe ɛ nyoŋa kɛɛ?”

Amanesoma Jɔn Aa Chwera Tɔn 10:20

Asɛ ba bini kɛrɛdɛ bwa ŋɔ, “Komɛlee ɡale o sie ta le! O nyu toole! Ɛrɛɛ hɛɛ do deŋne onɔ ɡe be dɛɛ no o waa nɔɔ?”

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.