Hibru 11:8 - mzwDBL

⁸ Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.

Hibru 11:8 Referans Kwoze

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

Mumpar 22:18

ásɛ a che ba nɛɛ ń tɛ nɛwɛnyina bwa hɛɛra. Mɛɛ ɛ ɡɛɛ dɛkalkɛ, he ɛ waa maa dɛ nyin.”

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

Tɔn Pɔɔl Aa Chwerɛ Rom Tena 10:16

Amanesoma la balɔ, kɛ Israel tena bwa laa sɛh a ta teŋa. Korowii keame Aesaya ɡbaɡba fa bolɔ ŋɔ, “N Naa Korowii, umee yarada waa yaa bol ba be laɔ?”

Aesaya 41:2

Umee le nɛn le wee leebɔr ɔ? Umee tɛo kpeɡri o won yo lɛ harɛre dɛ pɔ a koranar nɛɔ? O kpɔ o tokobi dɛ kpoo ba, dɛ kpɔ o to ne hɛma ba peɡre, kɛŋɔ peu aa taa dɛ kpɔ tutuɡ ne haahra kaa la.

1 Pita 4:17

Tɔpere telo kɛŋɔ Korowii bol nɛwɛnyina waa dɛ́ pa bole. Korowii nɛra nɛɛ wɛɛ ba mun pae. Waa dɛ ba ya kwaraa kpɔe pa mun nɔ, dɛ ɛrɛɛ nɛra baa wola Amanesoma la yaradae waa ɛɛ ba doe yɔ?

Hibru 11:33

A ɡɛ nɛra nɔ bwa yarada Korowii kohona, dɛ che ba yarada ta yo koranar dɛ pɔ ba nɛ, dɛ ɡel nɛra ɛɛ ɛ waa aa toɡra Korowii ŋwɛnɛ ta, asɛ Korowii ɛ waa waa baɡɛ nyoa la ane ba bere saŋ. Ba wono tɔ nyujentena nyoo, a ta wone laɡ ba.

Tɔn Pɔɔl Aa Chwerɛ Rom Tena 6:17

Korowii jam! Wechɔɡa fa aa yawɛ heyaa yom, asɛ taraken nɔ he no o waa baa chaɡle heyaa dɛ kpɔ he te tɛo he bambile bwa ne nɔ,

Ɛsekeɛl 36:24

Mɛɛ lawɛ heyaa dɛ́ boa he nyoa le harɛre la ta, dɛ́ ba he ne he ɡbaɡba harɛ ta.

Aesaya 51:2

Hé lii he nabaa Abraham, ne Saara haa le ba bini la wa. Maa yerɛ Abraham dɛ o ta bie dɔe, asɛ n swee andɛɛɡa tɛo dɛ́ ɡel o naanar warɛ.

Josua 24:3

Asɛ n lawɛ he nabaa Abraham le Yufretis Moo la baŋ bela, dɛ tɔ o sie ba o ne Keenan harɛ ta, dɛ swee andɛɛɡa tɛo o dɔ naanar warɛ. O lolɛ Aesek,

Mmarare 9:5

A ta ɛɛ kɛŋɔ he ɛ nɛndɛɛɡa dɛɛ ɛ anɔ la aa wera waa hɛɛ la dɛ́ ka lɛ ba harɛ so. Ba nyubinikpeɡ waa ɡela Korowii ɛɛ ba he sie tɔe dɛ́ doŋ ba le tɛ heya, ásɛ dɛ ɡel waa waa koh a waa baɡɛ he naawa, Abraham ne Aesek dɛ Jekɔb nyoa la won che.

Mumpar 26:3

So bonɔ tama. Mɛɛ che he mun taa dɛ́ tɛɛ hɛɛra, dɛkalkɛŋɔ he ne he naanaree mɛɛ ba ń kpɔ harɛ nɔ bwa tɛ, ɡel n nyoa maa baɡɛ he mɛɛ Abraham la che kɛrɛdɛ.

Mumpar 17:8

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Mumpar 15:5

O nao kɛŋɔ Korowii aa lawɔ le buse dɛ ka ŋɔ, “Ha sie nyiŋi nyundua, dɛ́ na ɡɛ weweela aa wara, hɛɛ won kura aa? Gɛɛ mɛɛ ba ɡela he naanar warɛ.”

1 Pita 3:1

He haahna ɡe, hé pwɛr he te dɛɛ tɛ he jaranar. Dɛ he dɛ ɛ ɡɛ naa, he banɔ la he jaranar aa wola Korowii waa yaradae la, he we-ɛɛla ɛɛ ɡeloo bá yarada. Haa nyoa kwaraa pili bol wa,

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

2 Kɔrent 10:5

Nɛwɛnyina wejema baa dɛ maŋkuraa dɛɛ tɔŋle waa la, a ne webaɡla baa dɛ maŋkuraa kohona dɛɛ tɔŋle waa asɛ nɛra jemɛ Korowii kahonɛ la do kɛ dekpeɡa yaa dɛ ba wona paɡre la. Ya berɔ dɔ kpeɡri dɛ won berɛ nomɛlbwa liire, asɛ ba no Yeesu Kristo be.

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

Mumpar 11:31

Asɛ Tɛɛra kpɔ o bie Abram, ne o bibaa Haaran ɡe bibaa Lɔt, ne Sarai waa ɛ o hela dɛ ɛ o bibaa Abram haah la. Ba le Ur waa lɔ Kaldea harɛ ta la ŋɔ ba dɛ kaa Keenan harɛ ta. Baa bera ba tel Haran harɛ ta la, ba soɡe bela.

Mumpar 12:5

O kpɔ o haah Sarai ne o nime Haran bie Lɔt, ne ba bwara laala bwa ne nɛndɔɔla baa dɔɔ ba Haran bela la, asɛ dɛɛ kaa Keenan harɛ ta.

Mumpar 20:13

Korowii aa ɡela n le n mɛɛ dem dɛ do pua dɛɛ ɡaaɡe la, n ŋɔ o be ŋɔ, ‘He dɛ nyin mɛ naa, bobɛlbwa yaa tel bwa la, he dɛ ba n waa bolaa, ŋɔ he dɔɔree men.’ ”

Nɛra Kura 10:30

Anee Hobab chaŋe ŋɔ, “Akai, maa la. Mɛɛ berɔɔ kaa n harɛ ta n nɛra be.”

Matiu 2:21

Anee Josef ir, dɛ kpɔ bie la ne o nya bwa dɛ berɛ kaa Israel harɛ.