Hibru 11:32 - mzwDBL

³² Too, ń baɡle ane ja aa? Maa bɔree dɔ baɡle Gedeɔn, ne Barak, ne Samsen, ne Jɛfta, ne Devid, ne Samoɛl, dɛ Korowii keamere la bwa wa.

Hibru 11:32 Referans Kwoze

1 Samoɛl 16:1

Awola bɛl, Korowii ŋɔ Samoɛl be ŋɔ, “Saŋ besoo hɛɛ nyin he wi Sɔɔl ka tel, dɛ́ le vɛɛh maa vɛoh kɛ Israel kooro nɔɔ? Do noo pebal nyeɡle ta, ásɛ dɛ chiɡ ŋwɛnɛ ta ń tomɛ Jese be Bɛtlɛham. N le o bibaala la bini bɛl dɛ cheɡo kooro tɛ Israel tena.”

1 Samoɛl 1:20

Gɛɛ a do o kpoŋe tea, dɛ lolɛ bibaa dɛ pa o sɔn Samoɛl, dɛ ŋɔ, “Korowiirii n soŋe o tɛ mɛ.”

1 Samoɛl 16:13

Samoɛl kpɔ pebal nyeɡle noo aa lɔ o bini la fuɡe do Devid nyu ta ba siwi ta. Dɛ onee Korowii le. Le awola dɛɛ kaa la, Korowii Doma baa so o nɛɛ kpeɡri nɛ, asɛ Samoɛl berɛ kaa Rama.

Amanesoma Jɔn Aa Chwera Tɔn 21:25

Waa Yeesu aa ɛa warɔ taeh. A bwa laa ba chwerɛ do tɔne ta. Dɛ ba fe wono chwerɛ a bwa do tɔne ta naa, a ɡɛ tɔne la fe aa bɔr dɔe ba dɛ́ jo harɛ nɔ ta.

2 Pita 1:21

Akai! Baa chwera la, ba ɡbaɡba liire ne laa ba chwera. Korowii Domadɛɛɡee ir Korowii nɛra nɛ, asɛ baa bol waa aa dɛ ba bala kerekere Korowii aa kpɔa do ba nyoa.

Tɔn Pɔɔl Aa Chwerɛ Rom Tena 7:7

Aa do ɡɛ nɔ, dɛ Mmara la aa were kɛɛ? O wer, kɛ on ɡela n jemɛ kɛŋɔ komɛl lole baa yerɔ wechɔɡa. Dɛ Mmara la fe ta ŋɔe ŋɔ nɛwɛnyini bɛ ɡel o sie beɡre o dɔŋ kon aa, n fe aa jemɛ kɛŋɔ sibeɡra aa were.

Tɔn Pɔɔl Aa Chwerɛ Rom Tena 4:1

He ta sie nyiŋi ya Juu tena nabaa Abraham na. Gɛ saŋ la, bɔkwaa o na yarada waa nɔ bini nɔ?

Tɔn Pɔɔl Aa Chwerɛ Rom Tena 3:5

Nɛwɛnyini te ɛɛ ŋɔɔ, “Dɛ a cheɡɛ ya wechɔɡa ta asɛ nɛra na kɛŋɔ Korowii ɛ nɛndɛɛɡe aa, amɔ ya ta wedɛɛɡa ɛɛ kɛɛ? Dɛ Korowii tɛr ya deŋne aa, dɛ o waa toɡraa?” Nɛwɛnyini liiree nɔ!

We-ɛɛla 13:20

Anɔ bwa habɔɔ la, Korowii tɛɛ ba nomonome baa nyiŋi ba nɛɛ dɛ ka tel Korowii keame Samoɛl bere saŋ.

We-ɛɛla 10:43

Korowii keamere la bwa bol Yeesu waa ŋɔ nomɛlbwa waa yarada o waa la, o nomanta, Korowii ɛɛ kpɔ naate wechɔɡaa kɛo.”

We-ɛɛla 3:24

Korowii keamere baa dɛ baɡle Korowii waa la, le Samoɛl bere saŋ ne banɔ la baa teŋɛ o nɛɛ bwa, ba bwaa baɡle waa aa dɛ ɛ fini nɔ wa.

1 Samoɛl 12:11

Korowii tomɛ Gedeɔn ne Barak ne Jɛfta dɛ men Samoɛl asɛ ya ba lɛ heyaa le he dɔma nɔn ta, he so deŋnesɔɔhna ta.

2 Pita 3:2

N dɛ nyin kɛŋɔ he lii waa Korowii keamere la fa aa bola a saŋ la, ne waa Yeesu toroma la fa aa ŋɔa ya Dɔɔ waa ɛ ya Lɛɛ la ŋɔ hé ɛ la.

Jems 5:10

Yabala, hé nyiŋi Korowii keamere la baa cheɡɛ o sɔn ta dɛ bol waa baɡle nɛra la na, dɛ na ɡɛ baa na wa, kɛ dɛ won lawɛ bambile ba wahala ta la. Hé ɡe ɛ ɡɛ.

Tɔn Pɔɔl Aa Chwerɛ Rom Tena 6:1

Taraken nɔ, ɛrɛɛ yaa ba ŋɔe yɔ? A chɛ kɛ ya na dɛɛ ɛ wechɔɡa tɔpere bɛlbwa, ásɛ Korowii ɛɛ na ya sum, dɛ́ kpɔ dɛɛ kɛ yaa tɔpere bɛlbwa kɛɛ?

Amanesoma Luk Aa Chwera Tɔn 16:31

Anee Abraham ŋɔ, ‘Dɛ baa tɔne Mosis ne Korowii keamere la aa chwera la waa no aa, nomɛl iro le seo ta dɛ la ba be kwara noo, baa no.’ ”

Amanesoma Luk Aa Chwera Tɔn 13:28

Bela la, hɛɛ na Abraham ne Aesek ne Jekɔb dɛ Korowii keamere la bwa Korowii Kora la taa, ásɛ Korowii doŋi he te ta. Belaa aa ba he nɛɛ wee, ásɛ hɛɛ wi.

Matiu 5:12

Hé ɡel he sie lɛ kohona, dɛkalkɛ he kembɔr kan taeh Korowii be. Gɛɛ ba kpɔ ɛ Korowii keamere baa tɔ sie la.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Yela 99:6

Dɛ Mosis ne Arɔn fa ɛ o sɔfore, asɛ Samoɛl che o sɔn ta dɛɛ soŋo. Ba soŋe Korowii, asɛ o no ba be.

1 Samoɛl 2:18

Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.

1 Samoɛl 2:11

Belaa Ɛlkana ne Hana berɛ kaa Rama bela baa soɡa. Kɛ Samoɛl te soɡe Silo bela sɔfo Eli be, dɛɛ ɛ Korowii toma.

Sitɔɔla 13:24

Haah la aa dɛ ba lola la, bibaalee o lolɛ, asɛ ba pa o sɔn Samsen. O kpeɡo asɛ Korowii sweero andɛɛɡa.

Sitɔɔla 6:11

Awola bɛl, Korowii nyundua torome baa so dajen bɛl mun bwɛɛ Ofra. Gɛ daa la ɛ Abeɛsa te baa dɛ yerɔ Joas kon. Dɛ o bibaa Gedeɔn sɔɔh dɛɛ lɔ mea daa la mun bobɛl baa dɛ harame daa nɔna baa kpɔa dɛɛ ɛ sen, ásɛ Midian tena la bɛ on na.

Sitɔɔla 4:1

Ehud aa sewa habɔɔ la, Israel tena berɔ ɛ wechɔɡa dɛ jo Korowii nɛɛ ja.

Sitɔɔla 6:1

Israel tena berɔ ɛ wechɔɡa dɛ jo Korowii nɛɛ ja, asɛ o kpɔ ba do Midian tena nɔn ta ba di kpeɡri ba nɛɛ bene anuanɛ.

Sitɔɔla 6:14

Belaa Korowii ɡbabir ŋɔ o be ŋɔ, “Gedeɔn, menee dɛɛ tomɛ. Kpɔ bokpeɡa haa dɔa la ka lɛ Israel tena le Midian tena nɔn ta.”

Sitɔɔla 15:20

Samsen tɔ Israel tena sie bene fifraanɛ ɡɛ saŋ Filisti tena aa dɛ di kpeɡri ba nɛɛ la.

1 Samoɛl 2:4

He kuuɡi banyoola tori, dɛ ɡel nɛra baa ɡwɛɡra dɔ bokpeɡa.

1 Samoɛl 17:45

Anee Devid ŋɔ Goliat be ŋɔ, “Kere ne lampeaa he kpoŋe dɛɛ ba ba yoo mɛ, kɛ n te Korowii Waa Ɛ Koranar Bwa Kooro wɛɛ teŋɛ Israel laa tena nɛɛ he nyiŋu dɛɛ vah la sɔn nee mɛɛ ba dɛ́ ba yoi.