Hibru 11:23 - mzwDBL

²³ Mosis nya ne o mɛɛ aa lolɔ la, ba kpɔɔ sɔh korobie atoro, dɛkalkɛŋɔ ba nao kɛŋɔ o wer bonɔɔ o bwara do kpeɡri. Ba ta Ijipt kooro mmara waa doa la ɔmɛ. Baa dɛ yarada Korowii waa ba won ɛ ɡɛ.

Hibru 11:23 Referans Kwoze

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Kaala 1:16

“Dɛ he dɛ lɛ Hibru haahna lol dɛ na kɛŋɔ bibaalaa yaa, hé kpoo ba, kɛ dɛ bihaahnaa tenaa, hé ɡel ba.”

Hibru 13:6

Anomanta, yaa wonoo lɔ bambile ŋɔ, “N Naa Korowii dɛ cha mɛ, anomanta, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?”

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

We-ɛɛla 7:20

A ɡɛ saŋ nɔɔ ba lolɛ Mosis. Dɛ o wer bonɔɔ kɛrɛdɛ. O nya nyiŋi o nɛɛ korobie atoro mɔɔ dɛ kpɔɔ ka ta.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Yela 118:6

Korowii ja n nɛ, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?

Daneɛl 6:10

Daneɛl aa noa kɛ ba chwerɛ mmara la la, o la dem dɛ teeh kaa o abrɔsane doa dea bini. Dɛ dea la tokorore pilo dɛ chaɡɛ Jerusalam. O dɛ ɡuŋi dɛɛ soŋe Korowii keraatoro tɔpere bɛlbwa, dɛɛ kpɛɛro. Dɛ ɡɛɛ wɛɛ ɛ wubwa.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Yela 56:4

Hen Korowii nɛɛ n kpɔ n te dawɛ, maa ɔmɛ, henee mɛɛ ba kpɛɛra, he nyoa haa baɡ mɛ la wa. Bɔkwaa nɛwɛnyini waa won sewa ɛɛ ba wona ɛɛ mɛ nɔ?