Hibru 11:10 - mzwDBL

¹⁰ Dɛ Abraham dɔ bwɛjen bɛl hwɛɡa. A ɡɛ bwɛɛ la, Korowii ɡbaɡbaa vɔrɔwo, o che kiŋkiŋ. Waa paɡre bwa.

Hibru 11:10 Referans Kwoze

Hibru 13:14

dɛkalkɛŋɔ, ya ta bwɛjen dɔe dɛ so o ta saŋ bɛlbwa harɛ bonɔ. Bwɛɛ o ta aa lɔ sie dɛɛ ba la, o taa ya sie dawɛ.

Felepae 3:20

Kɛ harɛ nɔ ta ya bwɛɛ ɛɛ. Ya bwɛɛ lɔ nyundua. Yaa lɔ bonɔ nɔ, ya siwi swɛɛrɔ yaa kpa ya Dɔɔ Yeesu Kristo waa ɛ ya Lɛɛ la ó le bela ba.

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

2 Kɔrent 5:1

Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

Hibru 3:4

dɛkalkɛ dem bɛlbwa waa ɛ dem la, dɛ nɛnee doo. Korowii ɡee ta komɛlbwa.

Amanesoma Jɔn Aa Chwera Tɔn 14:2

Deene lɔ n Mɛɛ Korowii dem taeh. Dɛ ɡɛ laa a do aa, n fe aa he bee ŋɔ n dɛ la ka kwaa sobɔr cheɡ heyaa bela.

Wepila 21:2

N berɔ na Korowii bwɛjen Jerusalamfale o le Korowii be dɛɛ ba harɛ. Korowii kwaaro kɛrɛdɛ kɛŋɔ hanfale yon kpɔ o te dɛɛ ba o jaa be la.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

Aesaya 14:32

Webesoo yaa ba toroma baa le harɛ la ta ba la chaŋa ɔ? “Korowii kpɔ Saayɔn cheɡ, ásɛ o nɛra baa dɛ na wahala dɔ bɔr so dɛ́ dɔ ba nyu.”

Hibru 11:16

Kɛ ɡɛ laa a do. Harɛdɛɛɡe waa wera ɡwaa bela baa lea la waa baa lii. Harɛ waa lɔ nyundua waa baa lii. Anomanta, a ta Korowii sihiih ɛɛ kɛŋɔ baa dɛ yerɔ ba Korowii, dɛkalkɛŋɔ o kwaa bwɛɛ bɛl cheɡ ba.