Hibru 10:38 - mzwDBL

³⁸ Nɛn o wa aa toɡra dɛ su n siwi la te la, wɛɛ yarada mɛɛ dɛ́ dɔ mkpa. Kɛ dɛ o le habɔɔ te naa, n sie aa o nɛɛ lɛɛ ba.”

Hibru 10:38 Referans Kwoze

Galaasia 3:11

Taraken nɔ, ya nao kɛŋɔ nomɛlbwa aa won che Mosis Mmara la ta dɛ́ ɛ nɛndɛɛɡe o waa su Korowii siwi, dɛkalkɛŋɔ nomɛlbwa aa won teŋɛ a bwa ta. Korowii Tɔn baɡlɔ ŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

Tɔn Pɔɔl Aa Chwerɛ Rom Tena 1:17

Yeesu Amanesoma laanee dɛɛ baɡle ɡɛ Korowii aa dɛ nyin kɛŋɔ nɛwɛnyini do ásɛ ya waa su o siwi. Le waa la mumpar ka tel a jaɡa bwa, o waa yaradae waa ɡboo a bwa. Korowii Tɔn baɡlɔ kɛŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

Habakuk 2:4

Wepila laanee nɔ, Babelɔn tena baa ɛ nyubinikpeɡ tena aa ba nyuu dɔ, kɛ naate o waa aa toɡra dɛɛ su Korowii siwi la, wɛɛ yaradao dɛ́ dɔ o nyu.

Yela 85:8

N dɛ no waa Korowii aa dɛ bol la, o baɡɛ yaa nyoa ŋɔ, dɛ ya ta berɛ kaa ya ɡɛne we-ɛɛla ta naa, wɛɛ tɛ yaa deŋnesɔɔhnaa.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Yela 147:11

o sie dɛ lɛ nɛra baa dɛ ɔmɔ, ne nɛra baa kpɔ ba te dawɛ o nɛ, ne o nyina aa wola jaɡa dɔe la ta.

Matiu 13:21

Kɛ waa la aa wola ban jooɡe la ɡelɔ aa won ba nyu bini ka. A cheɡɛ Korowii waa ta waane puu ba, asɛ nɛra ɡe ɛɛ ba hɔhɔrɔwa aa, dɛ ba horɔ.

Matiu 12:18

O bolɔ ŋɔ, “N bonɔɔ maa leo laanee la. O waa mɛɛ nyin, asɛ n sie ɡee lɛ o nɛɛ ɡa. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Ɛsekeɛl 3:20

Dɛ nɛn o wa aa toɡra la le o wetoɡra ta dɛ ɛ wechɔɡa aa, mɛɛ kpɔ kon waa dɛ ba ɡela o lɔ naa bil o sie. Haa wola on kaeh nomanta, wɛɛ sewɛ o wechɔɡa taa. Maa waa waa ɛa a toɡre laanee lii, mɛɛ pɛɛre o seo waa.

1 Tesalonika 2:15

Juu tena nɔɔ kpo ya Dɔɔ Yeesu Kristo ne Korowii keamere la, dɛ hah yaa, dɛ doŋi yaa la. Gɛ nɛnchɔɡa nɔ aa Korowii siwi su. Ba ɛ nɛra bwa dɔm,

Malakae 1:10

O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.

Sefania 1:6

Mɛɛ chɔɡ banɔ la baa berɛ habɔɔ dɛ vɛh n nɛɛ teŋa, ne banɔ la baa wola n be ba ń baɡ ba waa laanee.

Ɛsekeɛl 18:24

Dɛ nɛn o wa aa toɡra le o wedɛɛɡa ɛɛ ta, dɛ ka ɛ wechɔɡa ne waa maa kia wechɔɡ-ɛɛra ɛɛ ɛa la aa, wɛɛ dɔ o nyuu yaa? Maa o wedɛɛɡa waa ɛa wubwa la bɛlbwaa lii. O kasinteŋ bɛ dɔe ne wechɔɡa waa ɛa la taa wɛɛ ba sewa.

Yela 149:4

Korowii sie dɛ lɛ o nɛra nɛ, dɛɛ cha nɛra baa dɛ pwɛr ba te, dɛ ɡel baa pɔ ba dɔma nɛ.

Yela 5:4

N Naa Korowii, he sie aa wechɔɡa ta lɛ, nyubinikpeɡ tena aa won ba he be.

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.

Ɛsekeɛl 33:13

Dɛ n ŋɔ nɛn o wa aa toɡra be ŋɔ wɛɛ dɔ o nyuu, asɛ o kpɔ o te dawɛ toɡra o waa fa aa toɡra la ta dɛɛ ɛ wechɔɡa aa, maa o wedɛɛɡa waa ɛa wubwa la bɛlbwa liira ba. Wɛɛ sewɛ o wechɔɡa waa ɛa la waa.

Hibru 10:39

Ya ta nɛra baa dɛ le habɔɔ dɛɛ nyoɡre la ɛɛ. Nɛra baa dɛ yarada dɛɛ dɔ mkpa laanee yan.

Jems 5:6

He pa nɛndɛɛɡa ba wa aa do kaih la bolchɔɡe dɛ kpoo ba, ba ta wone ɛ wobɛlbwa dɛ lɛ ba te.

2 Samoɛl 22:22

N dɛ teŋɛ Korowii Mmarare la ta, n ta habɔɔ berɛ kpo Korowii maa dɛ tomɔ la.