Hibru 10:36 - mzwDBL

³⁶ A hiaoh kɛŋɔ he lawɛ bambile dɛ́ won ɛ ɡɛ Korowii aa dɛ nyin, ásɛ dɛ won dɔ kwaa waa baɡɛ heyaa nyoa la.

Hibru 10:36 Referans Kwoze

Hibru 12:1

Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.

Yela 37:7

Hé lawɛ bambile, dɛɛ kpa Korowii, dɛ nyubinikpeɡ tena waa wer dɛɛ tɛɛ ba aa, he bɛ ɡel a we he nɛ kɛŋɔ aa chiɡ ba kɛrɛdɛɛ.

1 Kɔrent 13:7

Dɛ nɛn dɛ nyin nɛn aa, wɛɛ pwɛr o tenee tɛo wobɛlbwa ta. O dɛ yaradao wobɛlbwa waa dɛ ɛ ta, dɛ dɔ hwɛɡa ne bambile wobɛlbwa ta.

Amanesoma Luk Aa Chwera Tɔn 21:19

He lawɛ bambile aa, hɛɛ dɔ he nyuu.”

Hibru 6:15

Abraham ɡe wono lawɛ bambile aaa, dɛ ba dɔ kon Korowii aa baɡɔ nyoa la.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Wepila 14:12

Anɔ dɛ baɡle kɛ a chɛ kɛ Korowii nɛra ba wa aa toɡra dɛ teŋɛ o waa ta dɛɛ yarada Yeesu la lawɛ bambile dɛ́ che kiŋkiŋ.

1 Jɔn 2:17

Harɛ nɔ ne o pɛla kwaa bwa sekwaraa dɔ jaɡa. Naate waa dɛ ɛ anɔ la Korowii aa dɛ nyin la ɡbosoo dɛɛ ba le doe saŋ bɛlbwa.

Galaasia 6:9

He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,

Tɔn Pɔɔl Aa Chwerɛ Rom Tena 8:25

Ya te la, kon waa wola ya nɔn ta joɛ mɔɔ la, o waa yaa hwɛɡɛ. Yaa too.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.

Kolosi 3:24

He Dɔɔ Yeesu Kristoo he ɛ dɛɛ tɛ. He jemɛ kɛŋɔ o bee hɛɛ ba kembɔr waa kpɔa cheɡ o nɛra la dɔe.

Hibru 13:21

Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

Hibru 6:12

Yaa nyin kɛ he bwara hwah heya. Ya dɛ nyin he kpɔ nɛra baa lawɛ bambile dɛɛ yarada Korowii, ásɛ o tɛɛ ba kwaa waa baɡ ba nyoa la.

Ɛfesos 6:6

He bɛ sɔn waa koh dɛ́ kpɔ bokpeɡa dɛ́ɛ ɛ toma nɛra sie ta, kɛ hɛ́ɛ ɛ toma kɛrɛdɛ ɡɛ aa chɛ kɛ Yeesu Kristo bonɔndɛɛɡa ne toldɛɛɡa aa dɛ ɛ, dɛ́ɛ ɛ toma he bambile bwa ne á su Korowii siwi.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Matiu 24:13

Kɛ nomɛlbwa waa wola n habɔɔ leɛ, dɛ won teŋɛ n nɛɛ ka tonɛ la, wɛɛ dɔ o nyuu.

Wepila 13:10

Dɛ Korowii ŋɔ bá lawɛ nomɛlbwa laa ta naa, baa lawɔɔ. Dɛ nomɛlbwa kweh kere dɛ kpɔ kpo nɛn aa, kere nee baa ba o ɡe kpoe. Anɔ dɛ baɡle kɛŋɔ a chɛ kɛ Korowii nɛra ba wa aa toɡra dɔ bambile, dɛ́ lawɛ waa baa dɛ yaradaa la bini kiŋkiŋ.

1 Pita 1:9

He yarada dɔ mun. A ɡelɔ Korowii ɛɛ lɛ heya, wɛɛ lɛ heyaa ka tonɛ.

Hibru 6:17

Dɛ Korowii dɛ nyin o baɡle nɛra baa dɛ ba kon waa baɡ ba nyoa ŋɔ wɛɛ ɛo tɛɛ ba la kɛŋɔ waa o liire chara ba bwa, a waa o ŋwɛɛ la.

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

We-ɛɛla 13:22

Korowii leo kora la ta, dɛ kpɔ Devid so. Korowii bol Devid waa ŋɔ, ‘Jese bie Devid waa too n tea, dɛkalkɛ onee n na kɛŋɔ wɛɛ ɛ n tetoowaa bwa maa dɛ nyin kɛ o ɛ.’

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

Matiu 21:31

Nɛra banɛ nɔ, ba bini umee ɛ o mɛɛ tetoowaa tɛo wɔ?” Anee ba ŋɔ, “O binomoa laanee.” Belaa Yeesu ŋɔ ba be ŋɔ, “Kasinteŋ, toɔ lɛɛra baa dɛ bɔ nɛra apoo ne jwamane tena bwa ɛɛ tɔ siee dɔ Korowii Kora la ta jo ɡel heya,

Matiu 12:50

Nomɛlbwa waa dɛ ɛ waa n Mɛɛ waa lɔ nyundua aa dɛ nyin kɛ ó ɛ laanee n nime ne n nimambie ne n nya.”

Matiu 7:21

Nɛra baa dɛ yer mɛ ‘N Dɔɔ, n Dɔɔ’ la bwa laa dɛɛ ba Korowii Kora la bini dɔe dɛ́ ja, nemenɛ banɔ la baa dɛ ɛ n Mɛɛ waa lɔ nyundua la tetoowa.

Yela 40:1

N wio no Korowii, dɛ lawɛ bambile dɛɛ kpao, asɛ o na n sum, dɛ no n wii.

1 Tesalonika 1:3

Gɛɛ tɔpere bɛlbwa ɡe yaa bol N Naa Korowii waa bera ɛ ya Mɛɛ la be he yarada haa yaradao dɛ won kpɔ dɛɛ ɛ o toma, ne he nyina haa dɛ nyinu dɛ ɡel he sie beɡre o toma ta, ne hwɛɡa haa dɔa ya Dɔɔ Yeesu Kristo be dɛ won dɛɛ lawɛ bambile wobɛlbwa ta la.

We-ɛɛla 13:36

Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh.

Amanesoma Mak Aa Chwera Tɔn 3:35

Nomɛlbwa waa dɛ ɛ waa Korowii aa dɛ nyin laanee n nime ne n nimambie ne n nya.”

Tɔn Pɔɔl Aa Chwerɛ Rom Tena 12:12

Haa dɔ hwɛɡa nomanta, hé ɡel he sie lɛ. Wobɛlbwa pu heya aa, hé lawɛ bambile. Hé swɛɛ siwi dɛɛ soŋe Korowii saŋ bɛlbwa.

Hibru 11:39

Nɛra dɛ pena a ɡɛ nɛra nɔ bwa yaradae baa yarada Korowii wa, kɛ ba bɛlbwa ta kon Korowii aa baɡɛ Israel tena nyoa la dɔe.