Hibru 10:22 - mzwDBL

²² Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Hibru 10:22 Referans Kwoze

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Amanesoma Jɔn Aa Chwera Tɔn 3:5

Asɛ Yeesu ŋɔ, “Kasinteŋ, n dɛ ŋɔ he be, dɛ ba ta nomɛlbwa lolɛ nee ne Korowii Domadɛɛɡe ne naa, waa Korowii Kora ta jae ba.

1 Pita 3:21

A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.

Ɛfesos 5:26

O sewɔ tɛɛ ba, dɛ́ ɡel ba won ɛ o nɛra, ásɛ ba doŋa bwa won le ba nɛ, o waa baa noa ne Korowii nee baa sɔ ba nomanta.

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

Hibru 7:19

A ɡɛ Mosis Mmara nɔ fa ta wone ɡel nɛwɛnyina ɛ nɛndɛɛɡa ka tonɛ. Kɛ taraken te, ya dɔ wefala dɛɛ hwɛɡɛ a ta a ɡwaa ambena la, dɛ che a ta dɛ́ won tuuh dɛɛ tel Korowii.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.

Hibru 12:24

Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.

Yela 73:28

Kɛ n te, a wer kɛŋɔ ń bɛne hen Korowii. Hen Nemenɛ Korowiirii n chwa baa marɛ, hɛɛ lɛɛ mɛ, mɛɛ bol he nyokpowaa haa ɛa bwaa baɡle nɛra.

1 Pita 1:2

Korowii waa ɛ ya Mɛɛ cheɡɛ jema waa jemɛ heyaa wubwa la ta, dɛ le heyaa kɛŋɔ o nɛra dɛ tɛ o te. O Domadɛɛɡe laanee ɡela he do ɡoroŋ, dɛ ɡel hɛɛ teŋɛ Yeesu Kristo waa ta, asɛ o chal yaɡle he doŋa he nɛ. Kórowii cha heyaa dɛ tɛ heyaa bosɔɔhna kohona.

Ɛfesos 3:12

Yaa dɛ yarada Yeesu ya ne o pɛ nɔ, yaa wonoo ba Korowii be yaa wola ɔmɛ.

Jems 4:8

Hé suuh tel Korowii, ásɛ o suuh ba he be. Wechɔɡ-ɛɛra, hé charɛ he liire dɛ́ le he wechɔɡa ta. He banɔ la he liire aa ɛ anɛnɛ la, hé laa doŋa kpɔ he nɛ.

Hibru 9:19

Mosis tɔ sie baɡle waa bwa Korowii aa ŋɔa ó nɛra la ɛ dɛ le Korowii Mmara Tɔn bini, mɔɔ dɛ kpɔ nabie ne boohna chale koo nee ta, dɛ kpɔ pee pona aa swɛɛra ne hesɔp ɛ chal ne nee la merɛ Korowii Mmara Tɔn la ne nɛra la bwa nɛ.

Matiu 3:11

N te, nee n kpɔ dɛɛ sɔ heyaa Korowii nee dɛ chaɡle kɛ he charɛ he liire le wechɔɡa ta. Kɛ naate waa ba n habɔɔ la te, wɛɛ kpɔ Korowii Domadɛɛɡe ne niinii sɔ heya. O ɡwaa mɛ. Maa o napaa tee kwaraa dɔ.

Ɛsekeɛl 16:9

N sɔe ne he chal la bwa le, dɛ fɔɡle noorare.

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

Lewi Dea Tena 8:6

Ate, Mosis lawɛ Arɔn ne o bibaala ba sie bela dɛ sɔ ba ne, dɛ laa ba doŋa bwa kpɔ ba nɛ.

Jems 1:6

Kɛ hé kpɔ yarada dɛ́ɛ soŋo, dɛ bɛ dɛɛ tɔŋle. Nomɛlbwa waa dɛ soŋe Korowii dɛɛ tɔŋle kɛ o ken aa o konnyinii dɔ la, o ta yarada dɔe. O liire won bera warawara kɛŋɔ peu yon ta dɛɛ beɡre mpo nee dɛɛ kaa bobɛlbwa la.

Sɛɡla 23:26

N bie, cheɡ deŋne kɛrɛdɛ, ásɛ dɛ kpɔ n da.

Yela 119:7

Dɛ n dɛ hweli he wa aa toɡra dɛɛ teŋɛ a ta naa, mɛɛ dɔ bambidɛɛɡee dɛɛ kpɛɛre.

Yela 51:10

N Naa Korowii, ɡel n bambile bini to, dɛ́ tɛ mɛ dadɛɛɡe.

Nɛra Kura 8:7

Kenii hɛɛ ba ɛɛ, dɛ́ sɔ ba doŋa bwa ta, kpɔ nee baa kpɔa dɛɛ sɔ nɛn doŋa ta la merɛ ba nɛ, dɛ́ ɡel ba fonɛ ba bwadabii bwa, ásɛ dɛ chɛɡɛ ba laala bwa ɡe. Gɛɛ baa ba ɛɛ, dɛ́ laa doŋa bɛlbwa kpɔ ba nɛ.

Lewi Dea Tena 14:7

ásɛ dɛ ɛ chal la merɛ naate weebuula aa lɔ o nɛɛ baa ba o doŋa laa dɛ kpɔ o nɛɛ la kera anuanɛ, dɛ́ ŋɔ o be ŋɔ doŋa toole o nɛɛ kpa. Ásɛ dɛ kpɔ jumbie waa wola on kpoe la ta kpɔɡ bini ó ir kaa.

Hibru 11:28

Mosis aa dɛ yarada Korowii waa o pa Galekaa Tɔpejen la dii mun, dɛ ɡel Israel tena ɛ chal lɔ ba ɡbeni, ásɛ Korowii nyundua torome waa dɛ kpoo Ijipt tena bibanloɡla la na dɛ bɛ ba te bibanloɡla kpoo.

Hibru 10:19

Yabala, Yeesu seo la nomanta yaa wonoo jo Boɡoroŋ Tenten la, yaa wola ɔmɛ.

Sekaria 13:1

Nemenɛ Korowii ŋɔ, “Tɔpere bɛl ɛɛ bao, ásɛ nee bule dɛɛ le harɛ bini tɛ Kooro Devid ne o naanar, ne bwɛjen Jerusalam tena. Belaa baa ba laŋa, dɛ́ ka sɔ ba wechɔɡa baa ɛa, ne doŋa baa kaah bwa ta.

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Kaala 29:4

Ásɛ dɛ kpɔ Arɔn ne o bibaala la ba n Dea Cheremibɔr doonyoa bela dɛ́ sɔ ba ne.

Hibru 9:10

A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.

1 Timoti 4:2

Nɛra baa kpɔ nyosone dɛɛ neɡre nɛra laanee kpɔ ɡɛ neɡra webaɡla la ɛɛ baɡle nɛra. Ba liire chɔɡɔ. Nɛra neɡra ne wechɔɡa man ba kɛŋɔ nɛn baa kpɔ buniwɔb chɔɡro a mano waa wola konwɔb ɔmɛ kpa la.

Jeremia 30:21

Ba ɡbaɡba binii ba sitɔɔ waa ɛ ba kooro ɛɛ ba lee. Mɛɛ lawɛ ɡɛ nɛn laanee ba n be ó bɛn mɛ. Umee dɛ́ won ba n be dɛ n laa ta nɔn yerɔ wɔ? Men Korowiirii bola.

Jeremia 3:10

Anɔ bwa habɔɔ, Juda waa ɛ Israel dɔŋ, o wa aa wola kasinteŋ dɔe la, ta berɛ ba n be o bambile bwa ne, dɛ ta ɛɛ kpɔ a liire. Men Korowiirii bola.”

Aesaya 52:15

Kɛ taraken, harɛre nɛra nyoa ɛɛ kpo o waa, koranar hel, ba bwara yɔr. Baa na waa baa wola ba be bolɛ bwaa, ásɛ anɔ la baa wola noɛ bwa la, bá no a mun.”

Yela 119:145

N Naa Korowii, n dɛ yerɛ n bambile bwa ne. Sɛh n be, mɛɛ teŋɛ he Mmarare taa.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Ɛfesos 6:5

He banɔ la baa do heyaa bonɔɔna kɛɛ toli la, hɛ́ɛ no he dɔɔranar baa lɔ harɛ nɔ ta wa, dɛ́ɛ duu ba, dɛ́ ta tea dɛ́ɛ tom ba kɛŋɔ Yeesu Kristoo hɛɛ tomɛ.

We-ɛɛla 8:21

He ta ya toma nɔ ta jae, he ta dibɔr ɡe dɔe a ta, dɛkalkɛŋɔ he bambile ta chaahnɛ Korowii be.

Amanesoma Jɔn Aa Chwera Tɔn 8:9

Waa ŋɔ ɡɛ la, bɛlbwa lii o wechɔɡa waa ɛa. Bɛlbwa ta wone kpɔ kon forɔ kpa, dɛ bwa peɡre. Ba nomonomee tɔ sie dɛ kaa beŋkpoŋa beŋkpoŋa a ba tel bechale nɛɛ dɛ ba tonɛ, a ba ka Yeesu ne haah la o ta che bela ɡɛ.

Yela 119:80

Gel n bambile lawɛ he waa la, mɛɛ teŋɛ a ta kɛrɛdɛ, ásɛ sihiih bɛ men kpo.

Yela 119:69

Mbarafo tena teŋe nyosone dawɛ n nɛ, kɛ n bambile bwa nee mɛɛ teŋɛ he Mmarare ta.

Yela 119:58

N bambile bwa nee mɛɛ nyin he bɔr. Sune n nɛ, ɡɛ haa baɡ mɛ nyoa la.

Yela 119:34

Cha mɛ n won dɛɛ no waa mun, ásɛ mɛɛ teŋɛ he waa ta, n bambile bwa ne.

Yela 119:10

N dɛ tomɛ n bambile bwa ne. Bɛ ɡel n vɛh waa haa do mɛ a ta la ta teŋa.

Yela 119:2

Nɛra baa dɛ nyin o waa dɛɛ teŋɛ a ta bambile bwa ne la, ba na som.

Yela 111:1

Hé kpɛɛ Korowii! Mɛɛ jam Korowii n bambile bwa nee, o nɛnlaa baa chema bini.

Yela 94:15

Waa bola dɛ́ pa bole aŋwɛnɛ ta ɛɛ berɔ do le, ásɛ nɛra ba wa aa toɡra ɛɛ teŋɛ a ta.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Yela 32:11

He nɛra he wa aa toɡra, hé ɡel he sie lɛ hɛɛ hɛɡre, waa Korowii aa ɛa la wa. Nɛra haa dɛ teŋɛ o waa ta la, hé do lɔŋɔre silɛɛ ne.

Yela 9:1

N Naa Korowii, mɛɛ kpɛɛre n bambile bwa nee, mɛɛ bol nyokpowaa haa ɛa bwaa.

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

1 Webena 12:33

ne Sebulon dea laa tena baa dɔ laa yoi wejema kpɔ ba te, dɛ kpoŋe dɔmkwaa bwa soo siwi. Ba balɔ dɛ ba cha Devid bambile bwa ne, dɛ yo tɛo. Ba lɔ kaɡboŋa fifraanue.

1 Koranar 15:3

O ɡe ɛ o mɛɛ wechɔɡa la dɔŋa. O ta o bambile bwa kpɔe tɛ Korowii waa dɛ tomɔ kɛŋɔ o nabaa Kooro Devid aa ɛa la.

Lewi Dea Tena 16:4

A chɛ kɛ ó do sɔfo laala aa do ɡoroŋ baa kpɔ yapondɛɛɡe nyara. O yapebora waa lawɛ o bwadabi, ne batakaare baa dɛ doo mun ta ne o kiriso, dɛ o yal waa kpɔ vɔwɛ nyu. A do ɡoroŋ nomanta, a chɛ kɛ ó sɔ nee mɔɔ dɛ́ doa.

Amanesoma Luk Aa Chwera Tɔn 1:1

Nomoa Teɔfelɔs, nɛra warɔ dɛ takapɔ ŋɔ baa chwerɛ waa aa chiɡ ya binii.

We-ɛɛla 22:16

Anomanta, bɛ berɛ so kpa. Gel ba sɔe Korowii ne, ásɛ he yerɛ Yeesu sɔn dɛ́ soŋo ó kpɔ he wechɔɡa kɛɛ.’

Hibru 6:11

Ya dɛ nyin kɛŋɔ he bɛlbwa swɛɛ siwi ɡɛ dɛ́ ka tonɛ, ásɛ dɛ won dɔ kon haa dɛ hwɛɡɛ o ta la.

Hibru 10:1

Tɔe Mosis Mmara la tɔ wedɛɛɡa a fa aa lɔ sie dɛɛ ba bala la sie dɛ che tɛa. A fa ta wedɛɛɡa la tenten ɛɛ kɛŋɔ nɛn lileo aa wola o ɡbaɡba ɛɛ la. Anomanta, saraha Mmara la aa ɡela baa ɛ bena bɛlbwa la aa won ɡel nɛra baa dɛ ba a ne la ɛ nɛndɛɛɡa ka tonɛ.