Hibru 10:11 - mzwDBL

¹¹ Juu tena sɔfore te la, tɔpere bwaa ba che ba sɔfore toma ta dɛ teŋɛ dɛɛ ɛ saraha siwibeŋkpoŋ. Kɛ a ɡɛ saraha nɔ aa won laa nɛn wechɔɡa kpɔ o nɛɛ bwa.

Hibru 10:11 Referans Kwoze

Hibru 10:4

dɛkalkɛŋɔ nae ne boohna chale aa won fee wechɔɡa nɛra nɛɛ bwa.

Hibru 5:1

Sɔfonomoa bɛlbwa waa dɛ ɛ toma Korowii Dea la, o dɔŋa nɛwɛnyini binii ba yon leo, dɛ kpɔɔ ŋɔ ó ɛ Korowii toma dɛɛ tɛɛ ba, dɛ́ kpɔ jam kwaa dɛɛ tɛ Korowii, dɛ́ kpo kondɛɛra dɛ́ fuah dɛɛ tɛo ba wechɔɡa wa.

Nɛra Kura 28:3

Kwaa haa kpɔ ba ɛ saraha dɛ́ fuah dɛɛ tɛo tɔpere bɛlbwa laanee, pebali anɛ bɛlbwa aa di benanyoa waa wola kirihiah bɛlbwa dii.

Hibru 7:27

O ta doe kɛŋɔ Lewi dea Sɔfonomonome la baa dɛ ɛ wechɔɡa saraha tɔpere bɛlbwa la. Ba te chɛ kɛ ba tɔ sie ɛ ba ɡbaɡba wechɔɡa saraha mɔɔ dɛ ɛ nɛra la ɡe wechɔɡa saraha. Saraha beŋkpoŋ ɡboo Yeesu ɛ, bɛl ta jae kpa. O kpɔ o te ɡbaɡba ɛ saraha.

Aesaya 1:11

O ŋɔ, “Bɔkwaa kwaa haa dɛ kpoo kohona dɛ kpɔ ɛ saraha dɛɛ tɛ mɛ la ɛɛ baɡleɔ? Kwaa haa kpoora dɛ fuah dɛ kpɔ dɛɛ jam mɛ, pebala, ne ola noorare pe mɛ, nae ne pebiiri ne boohna chale aa men pɛla dɔ.

Hibru 10:1

Tɔe Mosis Mmara la tɔ wedɛɛɡa a fa aa lɔ sie dɛɛ ba bala la sie dɛ che tɛa. A fa ta wedɛɛɡa la tenten ɛɛ kɛŋɔ nɛn lileo aa wola o ɡbaɡba ɛɛ la. Anomanta, saraha Mmara la aa ɡela baa ɛ bena bɛlbwa la aa won ɡel nɛra baa dɛ ba a ne la ɛ nɛndɛɛɡa ka tonɛ.

Daneɛl 12:11

Le ɡɛ saŋ baa ɡel tɔpere bɛlbwa sarahare ɛɛ, dɛ́ kpɔ konchɔɡechɔɡe waa dɛ paɡre bwɛɛ la pa la ɛɛ ɛ tɔpera kaɡboŋ lafraanɛ fifraanuanaarɛɛ.

Daneɛl 11:31

Wɛɛ ɡeloo o laa tena kpɔ doŋa kah Korowii Dea dekpeɡ la, dɛ́ ɡel ba ɡel sarahare baa dɛ ɛa tɔpere bɛlbwa la, ásɛ dɛ kpɔ konchɔɡechɔɡe waa dɛ paɡre bwɛɛ la pa.

Daneɛl 9:27

Nomoa la ne nɛra baa wara ɛɛ fɔwɛ fɔwee bene anuanɛ. Bene anuanɛ la baah ta la, wɛɛ ɡeloo ba ɡel kwaa baa kpoora dɛɛ ɛ saraha, ne koŋkɛɛla baa dɛ ba a ne Korowii Dea la ne bala. Ásɛ o kpɔ konchɔɡechɔɡe waa dɛ paɡre bwɛɛ la ka pa Korowii Dea doa bobɛl waa do jaŋne kaa nyundua, ásɛ o do bela ka tel kɛŋɔ chɔɡa aa dɛ ba o nɛɛ bala aa bala, ɡɛ Korowii aa bola la.”

Daneɛl 9:21

N ta aa lɔ n wesoŋa ta la, nyundua torome Gebreɛl n fa aa nao wepila aa tɔ sie ta la iro kpɔ nyundua wɔrɔbe nɛɛ dɛ ba n be. Dɛ jɔmɔr saraha saŋ telo.

Daneɛl 8:11

O ɛ o te nɛnjen kɛŋɔ Korowii dɔm baa wara kooro la ken, dɛ laa tɔpere bɛlbwa saraha baa ɛa dɛɛ tɛo la lɛ o be, dɛ ɡel doŋa kah Korowii Dea la.

Ɛsekeɛl 45:4

Belaa dɛ́ ɛ bɔr tɛ sɔfore baa ba n sie dɛ́ baa tom mɛ. Belaa ba deene ne n Dea waa ɛ boɡoroŋ la ɛɛ ba cheɡa.

Nɛra Kura 29:6

A ɡɛ sarahare nɔ ja korobie bɛlbwa ne saŋ bɛlbwa sarahare, ne a mea sarahare ne sen sarahare ɡɛ waa baɡla la ta. Á ɛ sarahare haa fuah baa tɛ Korowii a sɔɔh ɛɛ do som o be.

Nɛra Kura 28:24

Tɔpera anuanɛ la ta la, hɛ́ɛ ɛ mea saraha la tɔpere bɛlbwa, ásɛ a sɔɔh ɛɛ do Korowii som. Hé ɛa dɛɛ ja saraha haa ɛa tɔpere bɛlbwa dɛɛ fuah la, ne sen saraha la ta.

Kaala 29:36

Teŋe nabal baŋa ɛ wechɔɡa kpɔe dɛ kɛ saraha tɔpere bɛlbwa tɔpera anuanɛ, dɛ́ kpɔ soŋe he wechɔɡa. Ɛ ɡɛ dɛ laa doŋa bɛlbwa kpɔ saraha kon la ta, ásɛ dɛ ɛ ɔleve noo la ane do o ta o do ɡoroŋ.

Maeka 6:6

Bɔkwaa mɛɛ ba kpɔe ba Korowii waa dɛ di kora nyundua sie ba tomɔ wɔ? Ń kpɔ nabiiri aa di benanyoa ba fuah ɛ saraha o sie naa?

Hibru 8:2

Korowii Dea bini tenten la, belaa wɛɛ di sɔfore. O ɛ Korowii Tɛnte Dea ɡbaɡba, nɛwɛnyini laa doo.

Hibru 8:4

Dɛ o fe lɔ harɛ bonɔ naa, o fe aa Sɔfo ɛɛ ba, dɛkalkɛŋɔ sɔfore lɔ harɛ ta dɛɛ ɛ saraha ɡɛ Mosis Mmara aa baɡla la.