Habakuk 3:4 - mzwDBL

⁴ He wer do kɛŋɔ wee aa dɛ le chɔɔbɔr la. He nɔmpaa bini dɛ nyɛɡle al-al ken, belaa he kpeɡri sɔh.

Habakuk 3:4 Referans Kwoze

Matiu 17:2

Baa soɡa la, dɛ Yeesu beɡrɔ, o siebɔr do kɛŋɔ wee ken, asɛ o laala waa doa la ɡe to dɛɛ nyɛɡle al-al ken.

Job Tɔn 26:14

Waa waa ɛa la bini tamaa la, a bini wetama anee ya no. Umee dɛ́ won jemɛ kpela, ɡɛ Korowii kan ne o kpeɡri aa doa ɔ?”

Kaala 14:20

dɛ do Ijipt laa tena ne Israel laa tena baah ta. Awola jwaana la, bam la baa tɔ baŋ bɛl, baŋ bɛl tena do biro ta asɛ bɔr chaah baŋ bɛl tena ɡe be. Anomanta, bɛlbwa ta wone la o dɔŋ be awola jwaana la bwa.

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.

1 Timoti 6:16

O ɡboo dɔ mkpa waa wola sewɛ bwa, dɛ so bela aa chaahna kohona nomɛlbwa aa wola won tel o jwɛh. Nomɛlbwa ta on nae ka, asɛ nomɛlbwa ɡe aa won nao bwa. Onee chɛ duure ne kpeɡri bwa dɔe saŋ bɛlbwa dɛɛ la. Aamen.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Yela 104:2

asɛ nii bare cheme, dɛ paɡri nyundua kɛŋɔ tɛnte,

Nehemia 9:12

He cheɡɛ bam waa do jaŋne kaa nyundua tɔ ba sie webaŋa, jwaana ɡe, he kpɔ nii waa tɛra kaa nyundua tɔ ba sie wɛɛ chaah ba won vala.

Kaala 13:21

Korowii kpɔ bam bɛl waa do jaŋne kaa nyundua ba tɔ ba sie webaŋa wɛɛ chaɡ ba ŋwɛnɛ, asɛ jwaana ɡe o kpɔ nii waa tɛra kaa nyundua tɔ ba sie wɛɛ chaah ba won vala. Gɛɛ a ɛ ba won webaŋa ne jwaana bwa vala.

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.

Yela 18:12

Bɔr nyɛɡlɔ le baama la bini tɔ o sie, asɛ dombwea ne ninlao, ɛɛ le bela aa dɛ nyɛɡle la ta.

Ɛsekeɛl 1:27

N nao kɛŋɔ nɛn waa soɡe kookara la ta la, le o chara ta dɛ kaa nyundua do kɛŋɔ buni baa doo nii ta wɛɛ nyɛɡle, dɛ́ berɛ le o chara ta dɛ́ ba harɛ la ɡe do kɛŋɔ nii, asɛ nii waa chaahna kohona baro cheme.

Ɛsekeɛl 43:2

asɛ n na Korowii Israel tena aa dɛ tomɔ la jirima o le wee leebɔr dɛɛ ba. O taa do kɛŋɔ chuubu sii ken, asɛ o jirima chaah kohona harɛ la ta bwa.