Habakuk 3:3 - mzwDBL

³ N Naa Korowii, he le Teman harɛ ta ba. He ɛ Korowii Haa Do Goroŋ dɛ le Paran Bwejen ta. He jirima tɔ nyundua, asɛ nɛra bwa ɛɛ kpɛɛre harɛ nɔ ta.

Habakuk 3:3 Referans Kwoze

Mmarare 33:2

O ŋɔ, “Korowii le Sinai Bwejen ta ba ya be, o ɛɡɔ le Edom kɛŋɔ wee ken, dɛ́ chaah o nɛra nɛɛ Paran bwe ta. Nyundua toroma kaɡboŋa fi ja o nɛ, ninlao do o diɡ bɔr.

Obadia 1:9

Bwɛjen Teman laa tena bwa ɛɛ ɔmɔɔ kohona. Baa kpoo ba bwaa Edom harɛ la taa.

Emɔs 1:12

Mɛɛ ɡeloo nii ba fuh bwɛjen Teman, dɛ́ fuh bwɛjen Bosra dekpeɡa, dɛ́ chɔɡa.”

Yela 4:4

He bɛ ɡel he baah di bandichɔɡa he ɛ wechɔɡa, he ka chɔ dɛ lii a wa, saŋ haa chɔ he kalaŋre ta la.

Jeremia 49:7

Gɛ Koranar Bwa Kooro aa dɛ bol Edom tena wa laanee nɔ. “Wejerema toole Teman waa lɔ Edom harɛ ta kpa aa? Nɛra toole dɛ́ won ja nɛra kpa kɛɛ? Ba wejema bwa ɛ pɛɛpɛɛ aa?

Aesaya 6:3

Asɛ a bini bɛlbwa ɛɛ ŋɔ o dɔŋ be ŋɔ, “Koranar Bwa Kooro do ɡoroŋ, o do ɡoroŋ kɛrɛdɛ. O jirima su harɛ nɔ bwa ta.”

Yela 68:17

Korowii dɔ kwaa aa do kɛ torɔɡore, baa wola won kura, dɛ le Sinai Bwejen ta, dɛɛ ba o Dea la ta.

Mmarare 5:24

dɛ ba ŋɔ, ‘Korowii ɡelɔ ya na o jirima ne ɡɛ waa do kan, ya no o taa nii la ta. Fini ya nao kɛŋɔ Korowii bol waa nɛn be naa, naate ta won o nyu dɔe dɛ́ ta so le.

Mumpar 21:21

Asɛ o nya nyin Ijipt haah tɛo.

Aesaya 64:3

He fa ɛ ɔmewaa kohona ya fa aa wola a waa liire, bwejena jiɡri he siwi ta.

Yela 48:10

N Naa Korowii, ɡɛ he sɔn aa kana la, ɡɛɛ nɛra ɛɛ kpɛɛre le harɛ jaɡa bwa, he kpeɡri kohona nomanta, he bol waa dɛɛ pa bole aŋwɛnɛ ta.

Yela 9:20

N Naa Korowii, aah ba, ɡel ba jemɛ kɛŋɔ nɛwɛnyinaa ban.

Yela 9:16

Hen Korowii cheɡɛ bole haa dɛ pa a toɡre la ta, dɛ ɡel nɛra jemɛ, nyubinikpeɡ tena ɡbaɡba we-ɛɛla laɡ ba.

Yela 3:4

N wio no Korowii takpeɡ ne, asɛ o no n be o deŋɡare waa do ɡoroŋ la ta.

Yela 3:2

Dɔma la ɡalɡa dɛ bol n waa ŋɔ, “Korowii aa on lɛɛ ba.”

1 Samoɛl 25:1

Samoɛl baa sewɛ, asɛ Israel tena bwa cheme dɛ wiu, dɛ huɡo Rama bela waa soɡa. Asɛ Devid berɛ kaa Mayɔn pua hɛŋle ɡbo harɛ ta.

Nɛra Kura 10:12

Ate, Israel tena la le Sinai pua hɛŋle ɡbo harɛ la ta, ba ɡaaɡa dɛ so dɛɛ ir bwa bini la, bam la berɔ ka che Paran pua hɛŋle ɡbo harɛ ta.

Kaala 20:18

Nɛra la aa na bwaala nyɛɡla dɛ no o kɔɡra, ne bɛla la sii dɛ na chuu tɔ bwe la ta la, ɔmee laɡ ba dɛ kpɔ bochechela ta ba nɛ ba ka che bojaŋ.

Mumpar 36:11

Elifas bibaala waa lol ba laanee, Teman ne Omar ne Sefo ne Gatam dɛ Kenas.

Yela 113:4

Korowii dɛ di kora harɛre nɛra bwa nɛ. Nɛra dɛ kpɛɛ o jirima waa dɔa nyundua.

Yela 148:13

Hé bwa kpɛɛ Korowii, dɛkalkɛŋɔ o sɔn laanee kana ɡwaa sɔn bɛlbwa, o jirima ɡwaa nyundua ne harɛ.

Aesaya 31:1

Banɔ la baa la Ijipt harɛ ta dɛ́ kaa nyin kɛŋɔ ba cha ba la, bá bwɛɛlɛ! Ba kpɔ hwɛɡa do torɔɡore aa wara, baa vɔwa pɛl jaɡre dɛɛ che a bini, ne bokpeɡa tena baa so jaɡre ta nɛ, dɛ laa sie kpɔ Korowii Israel Nɛŋɡoroŋ la nɛ. Baa o bɔr nyin ó cha ba.

1 Koranar 11:18

Ba le Midian dɛ kaa Paran, dɛ ka kpɔ baala bane ja ba nɛɛ ba kaa Ijipt Kooro be. Asɛ Kooro la tɛ Hadad dem ne harɛ, dɛɛ tɛo kondikwaa ɡe.

Ɛsekeɛl 43:2

asɛ n na Korowii Israel tena aa dɛ tomɔ la jirima o le wee leebɔr dɛɛ ba. O taa do kɛŋɔ chuubu sii ken, asɛ o jirima chaah kohona harɛ la ta bwa.

Habakuk 2:14

Gɛ nee aa su mpo ta la, ɡɛɛ nɛra baa lɔ harɛ nɔ ta ɛɛ ba Korowii kpeɡri ne o jirima kohona jema.