Felepae 4:7 - mzwDBL

⁷ Belaa ó ɡe tɛ heyaa o bambisɔn waa ɡwaa bambisɔn te bwa nɛwɛnyini be á cha heya, dɛ́ ɡel he bambile ne liire chɔ bobeŋkpoŋ pɛɛ he ne Yeesu Kristo aa pɛa la wa.

Felepae 4:7 Referans Kwoze

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Aesaya 26:3

N Naa Korowii, henee dɛɛ tɛ banɔ la ba liire aa cheɡɛ bobeŋkpoŋ bosɔɔhna tenten, dawa baa kpɔ ba te dawɛ he nɛɛ la wa.

2 Tesalonika 3:16

Ya Dɔɔ Yeesu Kristo la ɡbaɡba waa dɔ bambisɔn kɛrɛdɛ la, ó tɛ heyaa bambisɔn saŋ bɛlbwa, wobɛlbwa ta, dɛ ja he bwa nɛ.

Kolosi 3:15

Hé ɡel nyopɛo waa aa le Yeesu Kristo be la do he bambile bini wobɛlbwa ta, dɛkalkɛŋɔ Korowiirii yerɛ heyaa ŋɔ hé bwa ɛ beŋkpoŋ dɛ́ dɔ nyopɛo. Hé ɡel he sie ɛɛ su waa waa ɛa tɛ heya, hɛ́ɛ jaamo.

Yela 29:11

Korowiirii dɛɛ tɛ o nɛra bokpeɡa, dɛɛ swee ba andɛɛɡa, dɛɛ tɛɛ ba deŋnesɔɔhna.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Tɔn Pɔɔl Aa Chwerɛ Rom Tena 8:6

He kpɔ liire do nɛwɛnyini mar nɔ liichɔɡa waa ta naa, he ne sewee. Kɛ he kpɔ liire do Korowii Domadɛɛɡe tetoowaa ta naa, he dɔ mkpa dɛ dɔ deŋnesɔɔhna.

Tɔn Pɔɔl Aa Chwerɛ Rom Tena 5:1

Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.

Ɛfesos 3:19

O nyina waa dɛ nyin yaa la ɡwaa ya liire ta. Kɛ n dɛ soŋe Korowii he won jema, dɛ́ won dɔ o ɡbaɡba da kɛrɛdɛ ɡa dɛ́ ka tonɛ.

Aesaya 48:18

Dɛ he fe cheɡ deŋne n waa ta naa, he fe dɔ deŋnesɔɔhna kɛrɛdɛ, kɛŋɔ nenabɔɔ waa wola hweeh bwa, dɛ́ dɔ kpeɡri kohona kɛŋɔ mpo nehɛma ken, dɛ́ won wobɛlbwa ɛɛ á toɡre.

Job Tɔn 22:21

Job, kpɔ he te tɛ Korowii, ásɛ he bwara sɔɔhne, he ɛ ɡɛ naa, wobɛlbwa ɛɛ do werii tɛɛ.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Aesaya 48:22

Korowii ŋɔ, “Bosɔɔhna toole dɛ tɛ wechɔɡ-ɛɛra.”

Wepila 1:4

Men Jɔnee chwerɛ waa nɔ dɛɛ tɛ asɔrere bele anuanɛ aa lɔ Eesia harɛ ta la. Korowii waa lole saŋ la dɛ ba le fini, dɛɛ ba le doe saŋ bɛlbwa la, o ne o Domare anuanɛ aa lɔ o kookara mun la,

Amanesoma Luk Aa Chwera Tɔn 1:79

ásɛ dɛ chaah ya banɔ la yaa lɔ biro ta dɛɛ ɔmɛ seo la, dɛ́ chaɡle yaa deŋnesɔɔhna ŋwɛnɛ.”

2 Kɔrent 13:11

Too, yabala, n nyoa jaɡɛ bonɔ. Hé so kɛrɛdɛ. Hé swɛɛ siwi kɛ hɛɛ ɡeloo he wobɛlbwa toɡre ka tonɛ. Hé no n waa maa bola dɛ kpɔ ja heyaa la. Hé ɡel he nyoa pɛ, he bɛ dɛɛ yo. Korowii waa dɛ nyin nɛwɛnyini kohona dɛɛ tɛ bosɔɔhna la, ó cha heya.

Nɛra Kura 6:26

Ó ɛ heyaa kɛrɛdɛ, dɛ́ tɛ heyaa deŋnesɔɔhna.”

Amanesoma Luk Aa Chwera Tɔn 2:14

“Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

Yela 85:8

N dɛ no waa Korowii aa dɛ bol la, o baɡɛ yaa nyoa ŋɔ, dɛ ya ta berɛ kaa ya ɡɛne we-ɛɛla ta naa, wɛɛ tɛ yaa deŋnesɔɔhnaa.

Felepae 4:9

Wobɛlbwa haa hwela dɛ dɔ le n be, kɛɛ dɛ no dɛ na mɛɛ ɛ la, hé ɡee ɛ ɡɛ ásɛ Korowii waa dɛ tɛ nɛra bambisɔn la ja he nɛ.

Sɛɡla 6:22

Aa tɔ he siee bobɛlbwa haa dɛɛ la, he chɔe bini, aa nyiŋi he nɛ, ásɛ he iro ɡe aa, a tɛɛ liire.

Aesaya 26:12

N Naa Korowii, he dɛ tɛ yaa deŋnesɔɔhna, komɛlbwa yaa dɔa la, henee ɛa tɛ yaa.

Sɛɡla 4:6

Bɛ wejema vɛh, ásɛ o nyiŋi he nɛ. Nyinu he bambile bwa, ásɛ o kpɔ nɔn tɔ he nɛ.

Tɔn Pɔɔl Aa Chwerɛ Rom Tena 1:7

He Rom tena Korowii aa dɛ nyin heyaa dɛ le heyaa ŋɔ hé ba ɛ o nɛra he wa aa toɡra la, he bwaa mɛɛ chwerɛ tɔn nɔ. Ń Naa Korowii ne ya Dɔɔ Yeesu Kristo bwa na he sum, dɛ́ cha heya, dɛ́ tɛ heyaa bosɔɔhna.

Sɛɡla 2:11

He waa mun noe ne he wejema ɛɛ nyiŋi he nɛɛ,

Nehemia 8:10

Nehemia ŋɔ nɛra la be ŋɔ, “Hé kaa dem, dɛ́ ka di he silɛɛ kondikwa, dɛ́ nyɔ sensoma, ásɛ dɛ kpɔ ane ka tɛ banɔ la baa wola ane dɔe. Fini tɔpere nɔ do ɡoroŋ tɛ Korowii yaa dɛ tomɔ. He bɛ suna di, dɛkalkɛ silɛɛ Korowii aa tɛ heyaa la ɛɛ ɡeloo he dɔ bokpeɡa.”

Jeremia 33:6

Kɛ bwɛjen nɔ nɛra te, mɛɛ berɔ ɡel bá dɔ bokpeɡa, dɛ́ ɡel ba dɔ deŋnesɔɔhna ne bosɔɔhna ɡe kohona.

Aesaya 45:7

Menee ta bochaah ne biro bwa, menee dɛɛ tɛ bosɔɔhna, dɛ berɛ dɛɛ ba sibeɡra ɡe ne. Men Korowii, menee ɛ anɔ bwa.

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Job Tɔn 34:29

Kɛ dɛ Korowii helɔ aa, umee dɛ won pwaoh wɔ? O kpɔ sie sɔh aa, umee dɛ nao wɔ? Kɛ o dɛ nyiŋi nɛmbeŋkpoŋ ne nɛra baa lɔ harɛ nɔ ta bwa kɛrɛdɛ,

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.

Felepae 1:2

Ń Naa Korowii ne ya Dɔɔ Yeesu Kristo cha heya, dɛ́ tɛ heyaa bosɔɔhna.

Jeremia 32:16

Maa kpɔ danseɛ tɔn la tɛ Baruk habɔɔ la, n soŋe Korowii ŋɔ,

2 Kɔrent 10:5

Nɛwɛnyina wejema baa dɛ maŋkuraa dɛɛ tɔŋle waa la, a ne webaɡla baa dɛ maŋkuraa kohona dɛɛ tɔŋle waa asɛ nɛra jemɛ Korowii kahonɛ la do kɛ dekpeɡa yaa dɛ ba wona paɡre la. Ya berɔ dɔ kpeɡri dɛ won berɛ nomɛlbwa liire, asɛ ba no Yeesu Kristo be.

Felepae 1:1

Men Pɔɔl ne Timoti yaa ɛ Yeesu Kristo bonɔɔna la, yanee chwerɛ tɔn nɔ dɛɛ tɛ Korowii nɛra he wa aa toɡra, he ne Yeesu Kristo pɛ he do Felepae la, ne he nɛra baa tɔ asɔre tena sie ne nɛra baa chɔ tomare nyoo la bwa.

Felepae 4:19

N Naa Korowii ɛɛ cha heyaa komɛlbwa haa nyaa la taa dɛ le o kondɔɔh tenten la ta, pɛɛ he ne Yeesu Kristo aa pɛa la wa.

Felepae 4:21

Too, he banɔ la bwa he ne Yeesu Kristo aa pɛa he ɛ Korowii nɛra he waa toɡre la, n dɛ na heya. He bala baa lɔ n be bonɔ la dɛ na heya.