Felepae 2:5 - mzwDBL

⁵ Gɛ Yeesu Kristo aa doa la, ɡɛɛ a chɛ kɛ he do.

Felepae 2:5 Referans Kwoze

1 Jɔn 2:6

Nomɛlbwa waa ŋɔa o ne Korowii pɛo la, a chɛ kɛŋɔ ó kpɔ Yeesu Kristo da la.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

1 Pita 2:21

A ɡɛ waa nɔɔ Korowii le heyaa ŋɔ hɛɛ na, dɛkalkɛŋɔ Yeesu Kristo koh he waa dɛ na wahala, asɛ a chɔ tɛ heyaa kɛŋɔ hɛɛ lawɛ bambile he wahala ta. Ba chwerɔ ŋɔ,

1 Pita 4:1

Yeesu Kristo aa baa ɛ nɛwɛnyini la, o na bonyɛɡa. Anomanta, a chɛ kɛ he kpɔ he te, dɛ́ jemɛ kɛ ɡɛɛ he ɡe bwara ɛɛ ba nyɛɡa. Nomɛlbwa waa wona lawɛ bambile dɛ na bonyɛɡa ka la, waa wechɔɡa ɛ.

1 Kɔrent 10:33

Gɛɛ mɛɛ ɛ, ásɛ n waa lɛ nomɛlbwa sie. N ɡbo waa laa hiah mɛ. Nomɛlbwa ɡe waa hiah mɛ, ɡɛ maa ɛ dɛ́ won dɔɔ ba tɛ Korowii ó lɛɛ ba.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Tɔn Pɔɔl Aa Chwerɛ Rom Tena 15:5

Korowii waa dɛ tɛ nɛn bambile dɛɛ do ɡbemba la, on dɛ tɛ heyaa nyopɛo teŋa haa dɛ teŋɛ Yeesu Kristo nɛɛ la ta,

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Tɔn Pɔɔl Aa Chwerɛ Rom Tena 15:3

Yeesu Kristo aa lɔ harɛ ta la, dɛ o tetoowaa laa wɛɛ ɛ. Korowii Tɔn bolɔ ŋɔ, “Korowii, chɛɡa baa chɛɡɛ la, anee ba kpɔ tɛ mɛ.”

Amanesoma Luk Aa Chwera Tɔn 22:27

Nɛn waa soɡa o dɔŋ ɛɛ bɔne kwaa ne naate waa dɛ bɔne kwa, ba bini umee ɛ nomoa ɔ? Naate waa soɡa la laa aa? Kɛ n te aa lɔ he bini nɔ, n ɛ n te kɛ maa dɛ di somanjiri.

Tɔn Pɔɔl Aa Chwerɛ Rom Tena 14:15

Dɛ he koh he kondikwaa waa dɛ ɡel he dɔŋ ɛ wechɔɡa o tea bini chɔɡ aa, dɛ he dɛ nyinu wa aa? O waa Yeesu Kristo koh dɛ sewɛ, anomanta, bɛ ɡel he kondikwaa haa dɛ di la chɔɡo.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

Felepae 1:1

Men Pɔɔl ne Timoti yaa ɛ Yeesu Kristo bonɔɔna la, yanee chwerɛ tɔn nɔ dɛɛ tɛ Korowii nɛra he wa aa toɡra, he ne Yeesu Kristo pɛ he do Felepae la, ne he nɛra baa tɔ asɔre tena sie ne nɛra baa chɔ tomare nyoo la bwa.