Felepae 2:25 - mzwDBL

²⁵ N liiro kɛŋɔ a hiaoh kɛ ń tomɛ ya dɔŋ Epafrodaetɔs he be. N ne onee dɛɛ ɛ toma nɔ, dɛ yo dɛɛ tɛ Korowii. Onee he faa tomɛ n be o ba cha mɛ la. N ɡee berɔɔ tomɔ he be,

Felepae 2:25 Referans Kwoze

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

Kolosi 1:7

Epafras bee he no Amanesoma la le. Ya ne o bwaa pɛa dɛɛ ɛ toma nɔ. O ɛ Yeesu Kristo bonɔɔ o wa aa dɔ kasinteŋ yaa nyinu kɛrɛdɛ. Ya naa taa o che dɛɛ cha heya.

Felepae 4:3

N dɔŋdɛɛɡe, n dɛ soŋe, cha haahna la dɛ́ kwaa ba baah, dɛkalkɛŋɔ ba cha mɛ Amanesoma nɔ bola ta ɡa. Klɛmɛnt ne n bala tom-ɛɛra la ɡe jao. Ba sɔna lɔ Korowii Mkpa Tɔn bini.

1 Kɔrent 3:9

Korowiirii dɔ yaa, ya ne o pɛ dɛɛ ɛ toma. Asɛ he ɡe do kɛŋɔ o koo waa dɛ parɛ, ne o dea waa dɛ do.

Faelemɔn 1:24

Gɛɛ Mak ne Aristakus ne Demas dɛ Luk baa ɛ n bala tom-ɛɛra la ɡe ɛɛ nae.

Sɛɡla 25:13

Torome baa tomɔ o la dɛ baa bol kasinteŋ nɛn waa tomɔ be la, do kɛŋɔ nee aa dɛ sɔɔh baah, kwaa koma saŋ bɔr aa wɔba la ken.

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

1 Tesalonika 3:2

Timoti ɛ ya dɔŋ dɛ ɛ Korowii torome dɛɛ bol Yeesu Kristo Amanesoma la wa. Ya tomɔ ó ba do heyaa ɡbemba dɛ́ ja heyaa he yarada haa dɛ yarada Korowii la bɔr,

Kolosi 4:11

Jeses baa bera dɛɛ yerɔ Jastos la ɡe dɛ na heya. Juu tena baa yarada Yeesu la bini, nɛra batoro nɔ ɡboo dɛɛ cha mɛ, n ne baa ɛ Korowii Kora la toma. Ba dɛ cha mɛ taeh.

2 Kɔrent 2:13

Kɛ maa wola ya dɔŋ Taetos ka pue bela la, n baah ta men sɔɔhnɛ. Anomanta, n kal bela tena dɛ kaa Makidoonia harɛ.

Amanesoma Jɔn Aa Chwera Tɔn 17:18

Gɛ haa tom mɛ harɛ nɔ ta la, ɡɛ tentenee n ɡee tom ba.

Amanesoma Jɔn Aa Chwera Tɔn 13:16

Kasinteŋ, n dɛ ŋɔ he be, yom ta o dɔɔ ɡwaalɛ, torome ɡe ta nɛn waa tomɔ ɡwaalɛ.

Tɔn Pɔɔl Aa Chwerɛ Rom Tena 16:3

N dɛ na Presela ne Akwela n ne ba bwa aa dɛ ɛ Yeesu Kristo toma nɔ la.

Tɔn Pɔɔl Aa Chwerɛ Rom Tena 16:9

N dɛ na Ɔrbanus ya ne o bwa aa dɛ ɛ Yeesu Kristo toma nɔ la, ne n chamenate Stakes.

Felepae 2:26

dɛkalkɛŋɔ, he pɛla lawɔ wɛɛ lii he bwa waa taeh. A dɛ hao kohona kɛŋɔ haa no o weela wa.