Felepae 2:21 - mzwDBL

²¹ Dɛ o laa aa, bɛlbwa sese dɛ dawɛ o ɡbaɡba wa, waa Yeesu Kristo waa dawɛ.

Felepae 2:21 Referans Kwoze

1 Kɔrent 10:24

Aa were kɛŋɔ nɛn ɡel o ɡbo waa hiaoh. A chɛ kɛ ó ɡel o dɔŋ ɡe kɛrɛdɛ doe waa hiaoh.

Matiu 16:24

Asɛ Yeesu ŋɔ o habɔteŋra la be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Felepae 2:4

He bɛ ɡel he ɡbo waa hiah heya. Hé ɡel he dɔŋa ɡe waa hiah heya.

2 Timoti 3:2

dɛkalkɛ nɛra ɛɛ dɛɛ nyin ba ɡbaɡbaa ɡwaa komɛlbwa, dɛɛ nyin suuɡa sibeɡra ne, dɛɛ ɛ mbarafo, dɛɛ ɛ jenu, dɛ bol waa dɛɛ yaɡɛ nɛra, dɛ ɛ deŋnekpeɡ tena baa wola ba eehnanar waa no, dɛ ɛ boniayɛ tena, dɛ ɛ ba te nɛndoŋa.

1 Kɔrent 10:33

Gɛɛ mɛɛ ɛ, ásɛ n waa lɛ nomɛlbwa sie. N ɡbo waa laa hiah mɛ. Nomɛlbwa ɡe waa hiah mɛ, ɡɛ maa ɛ dɛ́ won dɔɔ ba tɛ Korowii ó lɛɛ ba.

1 Kɔrent 13:5

Waa waa saɡasaɡa ɛ o bala be. Waa o ɡbo nyin, o dɛ nyin nomɛlbwa. O baah aa nɛra nɛɛ di warawara. Waa nɛn waa lɛɛ dɛɛ do o bini.

Amanesoma Luk Aa Chwera Tɔn 14:26

“Dɛ nomɛlbwa ba n be o ta men nyine ɡwaa o mɛɛ ne o nya, ne o haah ne bii, o dɔɔranar ne nimanar ne nimambii dɛ o ɡbaɡba aa, waa won ɛ n habɔteŋre.

Aesaya 56:11

Ba do kɛŋɔ nyootena aa dɛ di kwaa kohona aa wola vaɡɛ bwa. Ba do kɛ peteɡra baa wola waa mun no. Bɛlbwa dɛ ɛ anɔ la aa dɛ su o siwi, ne waa aa le tɔnɔ tɛo.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

2 Kɔrent 1:5

Gɛ yaa ja Yeesu Kristo nɛɛ dɛ na wahala kohona la, ɡɛ tentenee a che o nɛɛ ya dɔ bɔlarawa ɡe kohona.

2 Timoti 4:16

Baa yer mɛ cheme ŋɔ ń ba tɔh n nyoa loɡla la, n ta nomɛlbwa dɔe ó ba che n habɔɔ. Nɛra bwa chwa mɛ. Korowii bɛ ɡel a ɛ wechɔɡa ɡure ba nɛ.

We-ɛɛla 15:38

Dɛ Pɔɔl ɡe be la, a ta maɡrɛ kɛ Jɔn Mak la bɛl, dɛkalkɛŋɔ o fa teŋɛ ba nɛɛ toma la ta, dɛ ka tel baah ta, dɛ chwa ɡel ba Pamfilia.

We-ɛɛla 13:13

Pɔɔl ne nɛra o ne baa dɛ valɛ la jo ɡbera ta le Pafɔs bela, dɛ ba Pɛɛɡa waa lɔ Pamfilia harɛ ta. Jɔn Mak ɡel ba bela dɛ berɛ kaa Jerusalam.

Malakae 1:10

O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.

2 Timoti 1:15

He jemɔ kɛ nɛra baa lɔ Eesia harɛ ta bwa chwa mɛ, hale Fejelas ne Hɛmojenes ɡba jao.

2 Koranar 12:6

Kɛ Kooro Joas aa di kora bene fifraanɛ dɛ atoro la, dɛ sɔfore la ta Korowii Dea la bobɛlbwa kwaarɛ mɔɔ.