Felepae 2:16 - mzwDBL

¹⁶ Hé ɡel Korowii wa aa dɔ mkpa la do he bambile bini kɛrɛdɛ dɛɛ la, ń won hɛɡre he waa Yeesu Kristo bala tɔpere la ta kɛŋɔ n ta koɛh ta pɛɛ.

Felepae 2:16 Referans Kwoze

1 Kɔrent 9:26

Anomanta, n dɛ chwa n sie dawɛ komɛl ta. Maa chwa pɛɛ. N do kɛŋɔ nɛn waa dɛ yo, maa nɔɔra ta pɛɛpɛɛ.

Galaasia 2:2

Korowiirii ɡela n jemɛ dɛ la ba be. N tɔ sie la asɔre tena nomonome be n ne ba ɡbo so, n baɡle Yeesu Amanesoma maa dɛ bol nɛra baa wola Juu tena ɛɛ be la bwa ásɛ ba jemɛ n wa, ásɛ n toma maa ɛa ne anɔ la n ta aa dɛ ba ɛɛ la bɛ pɛɛ ɛ.

1 Jɔn 1:1

Waa yaa dɛ ba a waa he be bola nɔ ɛ nɛn waa ɛ Korowii Nyoa Wobol dɛ dɔ mkpa dɛ do le le mumpar la bwa wa. Ya no o waa dɛ nao. Ya nyiŋu dɛ kpɔ ya nɔɔra leɡo.

2 Kɔrent 1:14

Taraken haa jemɛ ya waa tama nɔ, n dɛ lii kɛŋɔ hɛɛ jemɛ ya waa bwaa, ásɛ awola tɔpere ya Dɔɔ Yeesu Kristo aa ba la, he baŋa pa ya waa kɛŋɔ ya baŋa aa pa he waa la.

Amanesoma Jɔn Aa Chwera Tɔn 6:68

Asɛ Seemɔn Pita ŋɔ, “N Dɔɔ, dɛ ya le he be naa, ume bee yaa ba kaala ɔ? He wobol taa mkpa aa wola jaɡa dɔe do.

1 Tesalonika 3:5

A waa ɡela n haŋre kahonɛ dɛ tomɛ Timoti, ásɛ dɛ jemɛ he yarada bini kɛŋɔ Bɔnsam ken baa neɡre heyaa dɛ ɡel ya toma yaa baa ɛ la ken ɛ pɛɛpɛɛ.

Amanesoma Jɔn Aa Chwera Tɔn 6:63

Hé jemɛ kɛŋɔ Korowii Domadɛɛɡe ɡbosoroo dɛɛ tɛ mkpa. Nɛwɛnyini bokpeɡa te ɛ pɛɛpɛɛ. Waa maa dɛ bol he be nɔ dɛ ba Korowii Domadɛɛɡe la ne, asɛ dɛɛ tɛ heyaa mkpa.

Amanesoma Luk Aa Chwera Tɔn 12:8

Hé ɡel ń ŋɔ he be, nomɛlbwa waa won che nɛra baah ta dɛ́ sɛh ŋɔ o ja n nɛɛ la, awola Korowii aa ba dɛ ba bol nɛra bwa waa dɛ́ pa bole la, Men Nɛn Bie la ɡee yerɛ naate sɔn nyundua toroma siee kɛ o ja n nɛ.

Hibru 4:12

Korowii waa waa bola do kɛ kon o siwi aa lole, dɛɛ ɛ toma. A nyɛɡre ɡe ɡwaa naŋɡɔse bɛlbwa, hale dɛ́ fe won pere hweera le lileo ta, dɛ́ won jo sema bini, hale dɛ́ fe won pere hoɡa ne fɔɔla baah. A wono dɛɛ jemɛ nɛwɛnyini liire ne o wesɔɔhla bwa.

1 Pita 1:23

dɛkalkɛ ba berɔ kwaa lolɛ heyaa nɛnfala. Nɛn waa dɛ sewɛ la dwee laa heyaa kpa, Korowii waa wola sewɛ bwa la dweee heya. Korowii Waa aa dɛ tɛ mkpa dɛ do le saŋ bɛlbwa la taa a che ba kwaa lolɛ heya.

1 Tesalonika 2:19

Ya sie beɡra aa beɡra nɔ, he bee ya hwɛɡa ne silɛɛ do. He waa ya Dɔɔ Yeesu ɛɛ ba yaa tɔɔ dawa, ya hɛɡre awola waa ba ya ba che o sie la.

Galaasia 4:11

He waa dɛ we n nɛ. Amɔ toma maa ɛa he be la bwa ɛ pɛɛ aa?

Aesaya 49:4

Anee n ŋɔ, “N koɔh ta pɛɛ, n chɔɡ n bokpeɡa wepuu ta pɛɛpɛɛ. Kɛ n kpɔ n waa bwa do Korowii nɔn ta, n kembɔr ɡe lɔ o be.”

Yela 71:17

N bechale saŋ bwaa he le baɡ mɛ he nyokpowe-ɛɛla wa, n ta ɛɛ bola dɛ ba le fini.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.

We-ɛɛla 13:26

Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba.

Matiu 10:27

Waa maa dɛ bol he be biro ta la, hé bola webaŋa, ásɛ waa maa sɔah bol he be la, hé bola nɛnlaa baah.

Yela 40:9

He nɛra baa cheme warɛ aa, n dɛ bol amanesoma aa dɛ ba mkpa ne, maa n nyoa tɔ. N Naa Korowii, he ɡbabir jemɔ kɛ maa a bolaa ɡel.

1 Kɔrent 1:8

Ya Dɔɔ Yeesu Kristo nɔɔ dɛɛ ba ɡela he che kiŋkiŋ ka tel he serewe bena, ásɛ awola tɔpere waa ba la, wechɔɡa bɛlbwa bɛ he nɛɛ do.

Felepae 1:6

N dɔ hwɛɡa kɛŋɔ ɡɛ Korowii aa pa mun dɛɛ ɛ o tondɛɛɡa he bambile bini la, wɛɛ ja a taa ka tel awola Yeesu Kristo aa ba la.

Felepae 1:10

ásɛ dɛ won jemɛ waa aa wera kohona. Anee dɛ́ ɡel he won do kaih, nomɛlbwa aa wola he wechɔɡa dɔe ba dɛ bol ka tel awola Yeesu Kristo aa ba la.