Felepae 2:15 - mzwDBL

¹⁵ dɛkalkɛŋɔ a wer kɛŋɔ he ɛ Korowii bii nomɛlbwa aa wola he wechɔɡa dɔe dɛ bol, he tea to, he do kaih. Fini nɛra baa ɛ wechɔɡ-ɛɛra kɛrɛdɛ baa wola ŋwɛnɛ la ta kpɔ baahnee he do. Gɛ weweela aa dɛ chaah jwaana biro ta la, ɡɛɛ chɛ kɛ he do ba baah dɛɛ chaah.

Felepae 2:15 Referans Kwoze

1 Pita 2:12

Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Aesaya 60:1

Jerusalam, ir dɛ́ chaah kɛŋɔ wee! Korowii jirima dɛ chaah he nɛ!

1 Tesalonika 5:23

Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba.

Mmarare 32:5

He waa ta kasinteŋ dɔe, he ta chɛɛ kɛ he ɛ o nɛra wechɔɡ-ɛɛra ne nyosonteŋna ɡbo. He kpɔ sihiih kpo he te.

2 Pita 3:14

Anomanta, n dandɛɛɡa, haa dɛ kpa awola tɔpere la, hé swɛɛ siwi kɛŋɔ hɛɛ do ɡoroŋee dɛ bɛ wechɔɡa bɛlbwa dɔ Korowii sie, ásɛ he ne o baah do wer.

1 Kɔrent 1:8

Ya Dɔɔ Yeesu Kristo nɔɔ dɛɛ ba ɡela he che kiŋkiŋ ka tel he serewe bena, ásɛ awola tɔpere waa ba la, wechɔɡa bɛlbwa bɛ he nɛɛ do.

Taetos 2:10

dɛ bɛ ba kwaa dɛɛ ŋwɛ. Kɛ bá ɡel ba we-ɛɛla dɔ yarada kɛrɛdɛ ba dɔɔranar be. Gɛɛ dɛɛ ba ɡela ya Lɛɛ Korowii waa nɔ yaa dɛ baɡle nɔ che ba nɛɛ dɛ́ dɔ sɔn wobɛlbwa ta.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Matiu 5:48

A chɛ kɛŋɔ hé we-ɛɛla bwa do kaih, ɡɛ he Mɛɛ waa lɔ nyundua la waa aa do kaih la.”

1 Timoti 3:10

A wer kɛŋɔ hé nyiŋi ba waa bini, dɛ́ na dɛ ba waa wer mɔɔ he tɛɛ ba ŋwɛnɛ bá ɛ ɡɛ toma la.

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.

Felepae 1:10

ásɛ dɛ won jemɛ waa aa wera kohona. Anee dɛ́ ɡel he won do kaih, nomɛlbwa aa wola he wechɔɡa dɔe ba dɛ bol ka tel awola Yeesu Kristo aa ba la.

Ɛfesos 5:27

O ɛ ɡɛ dɛ́ won kpɔ asɔre tena berɛ o handɛɛɡe, doŋa bɛlbwa aa wola toole o nɛ, waa wola kirihiah bɛlbwa dii, o bobɛlbwa aa wola jweremɛ, dɛ do wer ka tonɛ.

Tɔn Pɔɔl Aa Chwerɛ Rom Tena 16:19

Nɛra bwa dɛ bol he teŋa haa dɛ teŋɛ Yeesu waa la ta waa bobɛlbwa, anomanta, n sie lɛ he nɛɛ kɛrɛdɛ. Kɛ n dɛ nyin kɛŋɔ he ɛ wejerema wedɛɛɡa ɛɛ bɔr, asɛ dɛ ɛ nɛra haa wola wobɛlbwa jemɛ wechɔɡa ɛɛ be pera.

We-ɛɛla 2:40

O bol waa kohona dɛ ja ba, dɛ ɡbɛɡbɛ ba ŋɔ, “Fini nɛra wechɔɡa kan ɡa. Hé takapɔ dɛ́ laa he te le nɛnchɔɡa la Korowii aa dɛ ba ba wechɔɡa kpɔe dɛ bɔ ba kem la bini.”

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Taetos 2:15

Baɡ ba ɡɛ waa nɔ bwa, dɛ́ kpɔ he kpeɡri do ba ɡbemba, dɛ́ ja ba, dɛ́ bɛ ɡel ba bɛlbwa nyiŋi he nyubaah.

Taetos 1:6

He dɛ nyin he le asɔre nomoa aa, kpɔ onɔ la nomɛlbwa aa wola o wechɔɡe bɛlbwa dɔe dɛɛ bol, ó dɔ hahbeŋkpoŋ, o bii ɡe ɛɛ yarada Yeesu, nɛra aa wola ba waa bol ŋɔ ba chɔɡɔ dɛ ɛ deŋnekpeɡ tena,

1 Timoti 5:20

Dɛ bɛl ɛ wechɔɡa aa, yerɔ cheme asɔre tena la bwa sie dɛ́ kaoh. He ɛ ɡɛ naa, nɛra baa lɔ bela dɛ na la ɛɛ ɔmɔɔ dɛ laa ba te dɛɛ kpɔ wechɔɡa ta.

We-ɛɛla 20:30

N jemɔ kɛŋɔ he ɡbaɡba bini bane ɛɛ dɛɛ bol waa aa wola weree, dɛ́ neɡre nɛra ásɛ ba ɡel Yeesu nɛɛ teŋa dɛɛ teŋɛ ba nɛ.

Amanesoma Jɔn Aa Chwera Tɔn 5:35

A ɡɛ Jɔn nɔ fa do kɛ kandea baa choŋu wɛɛ chaah bɔr kohona, asɛ hɛɛ nyin o bɔr chaahna la som dɛ na tama mɔɔ.

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Matiu 17:17

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile, dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ!”

Yela 122:5

Belaa Kooro Devid luɡe koranar fa so, dɛ bol nɛra waa dɛɛ pa bole.

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.

1 Timoti 5:14

Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.

1 Timoti 5:7

Ja ba ɡɛ waa nɔ ta, ásɛ nɛra bɛ ba bwara wechɔɡe dɔ bol.

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Sɛɡla 8:8

Wobɛlbwa maa bol la bwa ɛ kasinteŋ, a bɛlbwa toole dɛ ɛ nyosone kɛɛ neɡra.

Daneɛl 6:4

Anee o bala nomonjena la ne nomonome baa lee ba baa nyiŋi harɛ la bamperi la, ɛɛ nyin Daneɛl bwara wechɔɡa dɛ́ le kora la be pera, kɛ ba ta wone. Ba ta o bwara wechɔɡe bɛlbwa nae, dɛkalkɛ o waa wer dɛ dɔ kasinteŋ.

Felepae 3:6

Ba dɛ nyin nɛn o siwi fa aa swɛɛ a ta naa, menee, dɛkalkɛŋɔ n fa cheɡɛ Yeesu habɔteŋra la nɛɛ taeh. Dɛ ba berɔ dɛɛ nyin nɛndɛɛɡe Mmara la be pera ɡe aa, n waa bwa toɡrɔ.

Wepila 2:5

Anomanta, hɛ́ɛ lii ɡɛ he fa aa doa wubwa la, dɛ́ charɛ he liire, dɛ́ berɛ ka kpɔ he loɡla we-ɛɛla la ja. Gɛ laa aa, mɛɛ ba he bee dɛ́ ba laa he kandea daa la kpɔ le o buɡ ta.

Kaala 34:35

asɛ ba na kɛŋɔ o siebɔr dɛ nyɛɡle. Ba nao ɡɛ naa, dɛ o berɔ kpɔ yal la tɔ o sie ka tel kɛŋɔ saŋ waa berɛ ba jo Korowii be bá ka bol waa ja.